Colossians 3

1 Matan God mo pete sau kamim na mauri paro peresi KrÌisto moiso, ha tau na rÌomimim hin mauri atu na tuka, hin jara atu KrÌisto mo lo sakele na jara suiha tavera atu na matuan God, Psa 110.1. 2 ha tau na rÌomimim na hinau matan tuka, pani i sopo na hinau mata varama, 3 matan kamim ka mate moiso, ale maurimim la lo jarohi peresi KrÌisto hin God. 4 Maurimim la lo toho hin KrÌisto, ale hin rani atu i pa mai, kamim sohena, ha pa pala peresia na nona hasohaso tavera. 5 Ale matan haratu, ha vilimatei na hina hehe mata varama na lolomim sohen harihi: mauri maji, posposi lumiha, rÌomusuri harÌai, masalo sasati, ale posposi hanmarua sei enia pulo hinau mata lotulotu vono, 6 matan talai lolokoru non God mata hehe mo lo mai isan la haratu la lo vai la hinau atu. 7 Kamim sohena, ka lo vaira na maurimim tuai hin rani atu ka pa lo toho na mauri varama. 8 Pani nake, ha tau narÌihi la hinau sei na verea moiso, ale la hinau sohen harihi: lolokoru, lolokoru patumim, vaisatihi na tinapua, retisasati hin God, teni vara jingomim la retisasati teni varikali. 9 Ha sopo haluhalu kamim matan ka pete tau narÌihi mauri tuai atu moiso peresi na nona posposi hehe na maurimim, 10 ale ka pete lavi na mauri paro moiso sei tarea mo lo mele ulua na levosahi, ale mo lo mele posi mai tataholo na niniun haratu mo vai mauri paro sei. Gen 1.26. 11 Nake, mo sopo te hinau vara tamlohi rÌorÌoha, teni Jew, teni haratu mo tairÌalihi, teni haratu mo sopo tairÌalihi, teni tamlohi rÌorÌoha, teni tamlohi sasati mara Scythia, teni slev, teni tamlohi teri, pani KrÌisto enia patu hinau tari, ale enia mo lo mauri hinira mo isoiso. 12 Ale matan kamim ka haratu sei God mo opoira, God mo virÌonira, God mo tapuhira, ha ruru na rÌomopoia, rÌomrÌuhu na tamlohi tinapua, rÌomatano, rÌommalum, rÌomperavu, 13 Ale vara te vorai tinapua mo vai te hinau mo hehe isamim, ha rÌomperavu isana, ale vara tea mo vai te retireti matan te vonamim, ha rÌomia, matan Moli mo rÌomi kamim moiso, kamim ha pa hase rÌomi kamim. 14 Ale aulu hin la hinau nike, ha ruru na opoia matan enia mo lo sorÌotahi na hinau tari, ale ha pa erÌi turu jara matea. 15 Ale ha tutungui na tamata non KrÌisto i aulu na mapumim, matan God mo vai kamim ka vao epe matea, ale mo tovi kamim vara ha toho na tamata, ale vara tarea ha lo vere meje. 16 Ha lavi vevuhi na reti non KrÌisto na lolo mapumim, matan vara tarea ha erÌi tau na rÌomimim hinira. Ale ha vujangira isamim hasemim, ale ha vaitataholoi kamim hatehateahi na malele lelevosahi tari, ale na lolo mapumim ha avulahi vara ha lalavete na vete mata psalm, ale vete la sile na hasohaso isan God peresi na vete Tanumena mo silera na rÌomimim. 17 Ale vara sava ka lo vaia teni ka lo verea, ha sopo rÌomaliho vara kamim ka tamlohi non Moli Iesu, ale tarea ha vere meje isan God Tama hinia. 18 HarÌai lahi, ha oloolo na tuamim matan enia mo tataholo na nahon Moli, 19 tamlohi lahi, ha opoi na naroumim, ale ha sopo vai na hinau rÌilangi isara. 20 Natuvarihi, ha oloolo na tamamim peresi na tinamim na hinau tari, matan haratu enia God mo avulahi hinia. 21 Tama, ha sopo plele na natumim, vara i vono, la pa maloko vara la tapurongo isamim. 22 Kamim slev, tarea ha lo oloolo na nomim tamlohi tavera nike na varama, ha sopo vaia mata tamlohi purongo, teni ha vaia mata rÌom tamlohi tinapua i avulahi hin kamim, pani, ha vaia vararÌuhu na mapumim matan ka lo sile na oloolo tavera isan Moli. 23 Sava vavahinau ka lo vaia, ha vaia na mapumim sohena vara non God, mo sopo nona tamlohi, 24 matan ka levosahia vara Moli i pa sile na korumim sohena nomim otori. Ka lo volitusi isan Moli KrÌisto, 25 matan ka levosahia vara haratu mo lo vai na hina sasati i pa lavi na voli hina sasati mo vaia, matan God mo sopo tametame tea. Deut 10.17; Eph 6.9