Acts 3

1 Peter enia John la lo sahe na Temple na rani mata usiusi na matan alo mo tolu na ravravi. 2 Ale tamlohi hai, la lavi na tamlohi matea mo vora mo hariju moiso. La lavia matan vara la pa mele taua i juruvi sohen tarea na pahisa matarua matea na ropen Temple atu sei la tovia ‘Matarua RÌuhurÌuhu’ vara i mele usi na mania isan la haratu la lo unu na Temple ea. 3 Mara mo hite Peter peresi John la lo unu na Temple, mo usi na mania isara. 4 Ale Peter mo kilau tataholo sivo isana, ale John sohena mo vaia ale Peter mara, “O kilau kamam." 5 Ale tamlohi hariju atu mo tarÌengira matan mo lo rÌomrÌomia mara la pa sile te hinau isana. 6 Pani Peter mo verea mara, “Mo sopo te noku silver teni gold, pani sava enia noku, a pa silea isam na hijan Iesu KrÌisto mara Nazareth. O turu o hahau!" 7 Ale Peter mo sohai na matua limana mo tauria mo saua, ale vahatea purongo, varango palona peresi na jue palona la rÌilangi. 8 Ale mo kue mo sahe aulu mo turu, ale mo tapulo hahau rÌalihi na palona, ale mo usurira la unu na lolo rope Temple. Mo lo hahau, mo lo kuekue ale mo lo hasohaso God. 9 Ale tamlohi mo isoiso la hitea mo lo hahau mo lo hasohaso God, 10 ale la hitevosahia vara enia natu pa tamlohi atu sei mo lo sakele na ‘Matarua RÌuhurÌuhu’ mata Temple tarea mo lo usi na mania. Ale la marÌurahi tavera na sava mo masese isana. 11 Mara mo pa lo keho hin Peter enia John, tamlohi tari la maro la mai isara hin jara atu sei la tovia Palapalan Solomon, ale la hutura tavera hinia. 12 Ale Peter mara mo hitera la lo mai mo verea isara mara, “Tavtavuin Israel, mata sava ka hutu kamim hin hinau nike, teni mata sava ka lo varoi kamam sohena, vara kama vai tamlohi akerihi mo mele hahau na nomam suiha teni matan nomam posposi tataholo? 13 God non Abraham, God non Isaac, God non Jacob, God non norÌa pua, mo tahe nona volitusi sei Iesu, hara sei ka taua na liman norÌa tamlohi aulu, ale ka rÌohu hinia na nahon Pilate hin rani atu mo opoia vara i teria. 14 Pani kamim, ka tipahi haratu sei mo tapu mo tataholo jea, ale ka usi Pilate vara i sile kamim na tamlohi vilimatei na tamlohi matea. 15 Ale ka vilimatei haratu enia pulo mauri, hara sei God mo sauteterahia na mateia. Hinau sei kamam kama hitea na matamam. 16 Ale tamlohi akerihi ka hitea ale ka levosahia, kama lo verea vara nona rasua na hijan Iesu natu mo vaia mo rÌilangi. Rasua atu hin Iesu mo vai mamahuni na epena na nahomim mo isoiso. 17 Ale la vorai, na levosahia vara ka sopo levosahi na sava ka vaira, sohen nomim tamlohi aulu la vaira. 18 Pani sava God mo verea tiroma moiso na jingo prÌovet tari, sei vara nona KrÌisto i pa lavi na rongohaji sohena sava ale mo marÌivisia. 19 Matan haratu, ha posi, ale ha posi mai isan God matan vara i jarai narÌihi na nomim hehe, 20 matan vara rani rÌuhurÌuhu mata suiha paro la mai isamim la tai na nahon Moli, ale i pa mele rÌule Iesu vara i mele mai isamim sei God mo virÌonia vara i nomim KrÌisto, 21 enia i pa toho na tuka i tikeli rani atu God i mele vai tataholoi na hinau tari sohen mo verea na reti nona prÌovet tuai moiso. 22 Moses mara, ‘Moli God i pa tahe na nomim prÌovet matea na voraimim soheku. Ha pa tapurongo na hinau tari i pa verea isamim.’ Deut 18.15 23 Ale mo mele verea mara, ‘Tamlohi tari sei la rÌohu vara la oloolo hin prÌovet atu God i pa langahi narÌihira na nona tamlohi ale i pa vilimateira.’ Deut 18.18â19 24 Ale prÌovet tari sei la sile na nora retireti, mo tapulo isan Samuel peresi la haratu la pa mai hitahuna, enira sohena la pete retivujavujangi hin la rani nike moiso. 25 Kamim, ka natun la prÌovet atu tuai, ale ka natun retitauhi atu God mo vaia peresi na nomim pua, sei mo verea isan Abraham mara, ‘Ale na mahapim, vao tamlohi tari na varama la pa avulahi tavera hinia’. Gen 22.18; 26.4 26 Hin rani atu God mo sauteterahi nona volitusi mo rÌulea mo mai isamim tiroma tavtavuin Israel, matan vara i lerÌuhu hin kamim i vai kamim ha posi na nomim posposi hehe."