2 Timothy 3

1 Pani o lo levosahi harihi: na pongi hitahu, rani rÌilangi sasati la pa mai. 2 Matan tamlohi la pa hase opoira, la pa opoi na mania, la pa hase taura aulu, la pa hapahapa, la pa retiretileji, la pa sopo oloolo na tamara teni tinara, la pa sopo vere meje matan te hinau, la pa sopo sile na oloolo isan te hinau mata oloolo, 3 mo sopo te rÌomopoia hinira, rÌomira la pa sopo jovi matan te hina rÌuhu tea mo vaia isara, la pa verelejileji na hija tamlohi tinapua, la pa usuri na masalora purongo, la pa rÌompurongo na mauri, la pa rÌohu na hina rÌuhu, 4 la pa tamlohi turuposi, la rongorongo vono, la rÌomvono, la rÌomaulu, la pa opoia vara la rongo i rÌuhu purongo, pani la pa rÌohu vara la opoi God, 5 o pa hitera la vaia sohena la lo usuri na posposi God mo opoia, pani la pa sopo levosahi na suiha matan mauri sei God mo lo silea. Ale o sopo tapala peresi na tamlohi sohen haratu, 6 matan vonara hai la lo unu na ima tamlohi vara la haluhalu na harÌai rongorongo vono sei hehe nona harÌai la puhonira, ale masalora sasati tinatinapua la lo revera, 7 tarea la harÌai atu la opoia vara la lavi na lelevosahi, pani la pa sopo erÌi tikeli na levosahi mata retivararÌuhu. 8 Mo sohen Jannes enia Jambres sei la turuleji hin Moses tuai, ale la tamlohi nike sohena la turuposi na retivararÌuhu, ale la lo vaikomokomo na rÌomira, ale na mauri rasua, God mo tipahira. Exo 7.11 9 Pani la pa sopo erÌi turu i tuai, matan tamlohi la pa hitevosahia vara nora rongorongo vono mo sohen la tamlohi tupra rua atu tuai. 10 Pani engko, ko lo usuri na noku vujangi, posiku, rÌomiku mata mauri, noku rasua, noku rÌomperavu, noku opoia, posiku mata turu rÌilangi, 11 ale ko levosahia sohena sava tamlohi la pa tipahiau, ale rani rÌilangi sei tamlohi la lo silea isaku hin la jara sei Antioch, Iconium peresi Lystra, la rani tipahi atu la sati jea, pani noku Moli mo juriau hin la hinau tari atu! 12 VararÌuhu, na lo verea vara tamlohi la pa tipahi na tamlohi tari sei la opoia vara la usuri mauri atu God mo opoia hin KrÌisto Iesu. 13 Pani tamlohi sasati peresi na tamlohi halu la pa mai la mele sasati jea, la pa lo halu, ale tamlohi la pa halura. 14 Pani engko o lo turu rÌilangi na hinau tari ko lavira moiso, ale ko levosahia mo rÌuhu vara enira retivararÌuhu, matan ko levosahi hare mo vujangiho hinira, 15 ale mo tapulo na rani engko ko pa lo natirihi ko pa levosahi na Retiulia tapu, enira natu purongo la erÌi vaiho o lelevosahi mata juri na malele rasua hin KrÌisto Iesu. 16 God mo mangovi na Retitapu tari, enira la rÌuhu mata vujangi, mo rÌuhu mata i vaitataholoi na rÌomrÌomi mo sopo tataholo, mo rÌuhu mata i mele vaitataholoi na posposi tamlohi, ale mo rÌuhu mata vujangi na malele matan mauri atu mo tataholo, 17 matan vara tamlohi non God i mai tamlohi erÌierÌi matea matan mo tatamahu moiso mata vavahinau rÌuhu tari.