2 Timothy 2

1 Natuku Timothy, rÌomrÌuhu sei mo lo toho isan KrÌisto Iesu, i pa tueniho na nona suiha, 2 ale sava vujangi ko rongoa isaku moiso na naho tamlohi matuvana, o mele silea isana tamlohi sei, la taurilati na nora retitauhi tarea, ale la erÌi vujangi mamahunia na tinapua hinia, 3 o tatamahu mata lavi na nom rani rÌilangi sohena tamlohi vuro rÌuhu matea non KrÌisto Iesu. 4 Mo sopo te tamlohi vuro i lo usuri na mauri tamlohi purongo matan nona rÌomrÌomi enia vara i vai haratu mo virÌonia i avulahi. 5 Tamlohi roro matea i pa sopo erÌi lavi na otori mata roro vara mo sopo usuri na leu mata roro. 6 Mo tataholo vara tamlohi rÌilarÌilangi mata voko na isa i lavi na vua asitauni tiroma. 7 O lo rÌomrÌomi na sava na lo verea, matan Moli i pa sileho na lelevosahi matan la hinau tari atu. 8 O tau na rÌomim hin Iesu KrÌisto, tahisan Supe David tuai, enia mo mele turu na mateia sohen na lo retivujavujangi hinia na noku RetirÌuhu, 9 matan na lo retivujavujangi hin RetirÌuhu sei, na lo lavi na rani rÌilangi, la pesiau na jen sohena tamlohi sasati matea. Pani tea i sopo erÌi taurilati na reti non God! 10 Ale matana, na lo turu rÌilangi hin la hinau atu matan vara la haratu God mo virÌonira la pa erÌi juri, ale la lavi mauri atu hin KrÌisto Iesu peresi na hasohasona tavera sei mo sopo te isoisona. 11 Harihi enia retivararÌuhu: Vara rÌa mate peresia, rÌa pa mauri peresia; 12 vara rÌa turu rÌilangi, rÌa pa tauri na suiha peresia; vara rÌa vunvunia, i pa vunvunirÌa; 13 vara hina purongo vara rÌa sopo rÌomturu rÌilangi, enia mo lo rÌomturu rÌilangi, matan enia i sopo erÌi posi na rÌomina. 14 O mele verera hin la hinau nike, ale o retileu isara na nahon God vara la sopo vauriuri mata retireti, matan posposi sei mo sopo vai te hinau i rÌuhu, pani i pa komo na rasua non la haratu la lo tapurongo hinira. 15 O lo kilau mamahu vara o lo hahau tataholo na nahon God na posposi mo opoia, sohena tamlohi voko matea mo sopo te hinau vara i pa mahanuhanu matan enia mo vujangi mamahuni na retivararÌuhu. 16 Pani o toho asau na retireti vono nona tamlohi varama purongo, matan enia i pa vai la haratu la lo usuria la mele sati jea na posposi varama, 17 ale nora retireti la pa varhasahi sohena rÌanga sola sohen Hymenaeus peresi Philetus, 18 enira la lo jalio na malele mata retivararÌuhu la vujangia lara rani sauteterahi mo pete masese moiso, retireti sohena mo komo na rasua nona tamlohi hai. 19 Pani retivararÌuhu non God mo sohena pulo vatu matea mo lo turu rÌilangi, ale uliuli hinia mo verea vara, ‘Moli mo levosahi na nona tamlohi’ ale ’la haratu la lo verea lara enira la tamlohi non Moli, la pa vaharÌi na posposi sasati tari’. Num 16.5 20 Na iman tamlohi tavera matea, o pa sopo hite na pesin la vaia na gold teni silver purongo, pani o pa hite te pesin la vaia na pahai teni lepa. Hai la tauhasehira mata hanhani tavera purongo, hai mata hanhani purongo. 21 Matana, vara tea mo lo toho asau na posposi sasati, i pa sohena pesin la tauhasehia mata vavahinau rÌuhu purongo, la tapuhia mata vavahinau rÌuhu non tamlohi tavera matan ima atu, mo lo tatamahu mata vavahinau rÌuhu tari. 22 Ale matana, o rovo na masalo uluvou, ale o tutungui na posposi tataholo, rasua, opoia peresi na tamata peresi la haratu sei la lo tovi Moli la haratu mapura la vokevoke. 23 O toho asau na rÌomrÌomi sei la rongorongo vono, ale sorasora vono, ko levosahia vara vuan hinau atu enia vasvas purongo. 24 Ale volitusi non Moli i pa sopo tamlohi vasvas, pani posina i pa rÌuhu na tamlohi tari, i pa erÌi vujangi, i pa rÌomperavu, 25 i pa vaitataholoi la haratu la turuposi hinia na rÌommalum. Korong God i pa silera na masapa teni i vono vara la erÌi vaharÌi na nora hehe, ale la levosahi na retivararÌuhu, 26 ale vara rÌomira la mele mai, la erÌi rovo na vuna non Tiapolo, matan tiroma enia mo taurilatira matan vara la pa vai na masalona.