1 Corinthians 8

1 Ale nakerihi na opoia vara a mele retireti makomona na hinau matea na nomim leta sei mata hanhani sei tamlohi la silera isana tamasi moiso. EnrÌa mo isoiso rÌa levosahia vara: EnrÌa rÌa lavi na lelevosahi. Pani ’lelevosahi’ sei la lo verea mo lo vai na tamlohi la rÌomaulu, pani opoia mo lo vai na tamlohi la ulua na posposi rÌuhu. 2 Vara tea, rÌomina mo rÌomrÌomia vara mo levosahi te hinau, tamlohi atu mo sopo lo levosahi te hinau na sava vara i pa levosahia. 3 Pani vara tea mo opoi God, God mo levosahi tamlohi atu. 4 Matan haratu, na rÌomrÌomi mata hani na hanhani sei la silea isana tamasi, rÌa levosahia vara tamasi la sopo mauri, ale rÌa levosahia vara mo sopo te God tinapua, pani matelete purongo. 5 Matan hina purongo vara hinau hai na tuka teni na varama la tovira god la lo toho, vararÌuhu god matuvana peresi na moli matuvana la lo toho, 6 pani isarÌa, God mo matelete enia TamarÌa, hinau tari la tai isana, enira mo isoiso nona, ale Moli matelete enia Iesu KrÌisto, ale hinia, hinau tari la pala, ale hinia, enrÌa rÌa lo mauri. 7 Pani, mo sopo tamlohi tari la lavi lelevosahi nike. Pani matan tamlohi kalesia hai tiroma la lo pulutahi peresi na tamasi moiso vara la hani na hanhani la silea isana tamasi moiso, la pa rÌomrÌomia vara la lo vai na hehe, ale la pa rongoa vara la lumiha matana. 8 Pani hanhani i sopo erÌi vairÌa rÌa tataholo na nahon God. RÌa sopo erÌi vejuveju hin te hinau vara rÌa sopo hania, ale vara rÌa hania i pa sopo erÌi tuenirÌa. 9 Pani ha lo kilau i rÌuhu vara nomim materi sohen harihi i sopo vai te voraimim kalesia hatea i jovi matan rÌomina mo sopo lo rÌilangi hinia. 10 Matan, vara tea rÌomina mo sopo lo rÌilangi mo hiteho ko lo hanhani na lolo temple nona tamasi matea, ale ko sopo levosahia vara nomim materi sei i pa vai tamlohi atu mo sopo lo rÌilangi vara i hani hanhani atu la silea isana tamasi moiso i pa jovi? 11 Ale matan nom lelevosahi sei, voraim kalesia sei rÌomina mo sopo lo rÌilangi, i pa jovi narÌihi na nona rasua, vorai sei KrÌisto mo mate matana. 12 Ale matana, ko lo vai na hehe isan KrÌisto vara ko lo rÌulerÌule te vorai kalesia tinapua hin te hinau la rasua vara mo sopo tataholo. 13 Matan haratu vara te hanhani na lo hania mo vai te voraiku kalesia mo jovi, a pa sopo erÌi mele hani mit atu vara i vai voraiku kalesia atu i jovi matana.