1 Corinthians 7

1 Ale nakerihi, usuri na sava ka usia na nomim leta, ka usia vara, “Mo tataholo vara tamlohi la sopo juruvi peresi na harÌai teni mo vono?” Ale noku rÌarami nahai, 2 mo rÌuhu, pani matan posposi viriu mo marÌivi hajavua, i pa mele rÌuhu jea vara tamlohi matea i lahi, ale i lo toho peresi narouna purongo, ale harÌai matea i toho peresi tuana purongo. 3 Mo sopo tataholo vara tamlohi lahi matea i horo narouna vara mo opoia vara i juruvi peresia, matan mo tataholo vara i usia, ale narouna sohena i pa sopo horo tuana. 4 HarÌai lahi matea i sopo erÌi vai na sava tarea enia hasena mo opoia, matan tuana mo aulu na epena, ale tuana sohena i sopo erÌi vai na sava tarea enia hasena mo opoia, matan narouna mo aulu na epena. 5 Ha sopo horohoro kamim, pani matan te hinau purongo sohen harihi: vara engko peresi naroum ka majinga hinia matan vara ha hase tau kamim mata usiusi matan te makomo rani purongo. Pani vara mo isoiso, ha mele juruvi jara matea matan vara Setan i sopo erÌi vaihite kamim vara ha vano isana tinapua matan ka sopo erÌi hase taurilati kamim. 6 Sava na lo verea matana mo tataholo, pani enia mo sopo retileu matea. 7 Enau na opoia vara tamlohi tari la soheku, pani tatua tamlohi God mo vaira la tataholo vara la lahi, ale tatuara God mo vaira la tataholo matan la sopo lahi. 8 Ale isan la haratu la sopo lahi teni la harÌai malepu, na verea vara mo mele rÌuhu jea vara la sopo lahi soheku. 9 Pani vara la sopo erÌi hase taurilatira, mo rÌuhu vara la lahi. Matan enia mo mele rÌuhu jea vara la lahi mo jeua vara la sopo erÌi taurilati na masalo epera. 10 Ale isan la haratu la lahi mo sopo enau na lo verea pani Moli mo lo verea vara, harÌai lahi i pa sopo rovo hin tuana, 11 pani vara i vaia, i pa sopo erÌi mele lahi, pani vara mo rÌohu hin rÌomrÌomi atu, mo sopo te mele malele tinapua, i pa vai na tamata peresi tuana i mele mai isana, ale tamlohi lahi sohena i sopo rÌohu hin narouna. 12 Isana tamlohi tinapua enau na lo verea mo sopo Moli mo verea vara te vorai kalesia hatea sei narouna mo sopo kalesia, pani rÌomina mo rÌilangi vara i toho peresi tuana, i pa sopo rÌohu hinia. 13 Vara te harÌai kalesia hatea tuana mo sopo kalesia matea, pani vara rÌomina mo rÌilangi vara i lo toho peresi narouna, narouna i pa sopo rÌohu hinia. 14 Matan God mo tapuhi na tamlohi mo sopo rasu matan narouna enia harÌai kalesia matea, ale God mo tapuhi na harÌai mo sopo rasu matan tuana enia tamlohi kalesia matea. Vara i vono, natumim la pa lumiha na nahon God, pani matan mo sohen haratu, enira la tapu na nahona. 15 Pani vara vonara matea sei na lahi mo sopo kalesia, ale mo rovo, ha tinarÌihia vara i sohena. Hin posposi sei vorai kalesia atu i sopo erÌi tia hin lahi atu, matan God mo tovi kamim vara ha toho na tamata. 16 HarÌai lahi, ko pa levosahia sohena sava vara o erÌi juri tuam? Tamlohi lahi, ko pa levosahia sohena sava vara o erÌi juri naroum? 17 Mo rÌuhu vara tamlohi kalesia hatehateahi la toho hin mauri atu sohen Moli mo silea isara, hara sei God mo tovira matana, harihi enia noku retileu isana vao kalesia tari. 18 Vara tea mo tairÌalihi tiroma moiso hin rani atu God mo pa tovia, i pa sopo vaihitea vara i vaitihai na hapila nona tairÌalihi! Vara tea mo sopo tairÌalihi hin rani atu God mo tovia, i pa sopo ale na tairÌalihi! 19 Matan mo sopo te hinau hinia vara ko tairÌalihi teni ko sopo tairÌalihi, hina aulu enia vara ha oloolo na retileu non God. 20 Mo rÌuhu vara tamlohi hatehateahi la lo toho hin mauri atu God mo tovira hinia. 21 Vara te vonamim mo lo slev hin pongi atu God mo tovia, i pa sopo rÌomrÌomi te hinau vara i pa lo toho sohena slev teni mo vono. Pani vara nona tamlohi tavera mo opoia vara i teria, mo rÌuhu vara i vano. 22 Matan hara sei Moli mo tovia na rani mo pa lo toho sohena slev matea, enia mo materi hin Moli, ale sohen haratu, haratu sei mo materi hin rani atu Moli mo tovia, enia mo slev non KrÌisto. 23 Volimim atu God mo volia mata juri kamim mo tavera jea, ha sopo mai slev nona tamlohi. 24 Ale la voraiku peresi na vevoraiku, na sava mauri vara God mo tovi kamim hatehateahi hinia, mo rÌuhu vara ha lo toho atu, ale God i pa toho peresiho. 25 Ale isana kalesia sei la sopo lo lahi, na sopo lavi te retileu isan Moli matara, pani na sile na noku kilakilau sohena tamlohi matea sei Moli mo rÌomopoia, hinau sei ha erÌi rasua. 26 Ale na rÌomiku na sava mauri mo lo toho nake, mo rÌuhu vara haratu mo lo toho na sava mauri, i lo toho hinia. 27 Vara ko lahi moiso, o sopo rovo hin naroum. Vara ko sopo lo lahi, mo mele rÌuhu jea vara o sopo aleale naroum. 28 Pani vara ko lahi, ko sopo vai na hehe, ale vara te harÌai matea la tapuhoroa moiso mo lahi, mo sopo vai na hehe. Pani la haratu la lahi la pa lavi na rani rÌilangi matana, na verea matan na opoia vara a horo kamim na rani rÌilangi mata lahi. 29 La voraiku peresi na vevoraiku, rÌarami noku reti mo sohen harihi: rani sei God mo taua matan varama nike mo vejuveju sati moiso. Ale matana, mo tapulo nake, la haratu sei naroura, la pa toho sohena mo sopo te naroura, 30 ale la haratu sei la lo tangtangi la pa vaia sohena la sopo tangtangi, ale la haratu sei la lo avulahi, la pa vaia sohena la sopo avulahi, ale la haratu sei la lo volvoli, la pa sopo taurilati na sava la volia, 31 ale la haratu la lo vai na voko hin varama nike, la pa sopo tia hin varama nike, matan varama nike mo lo vano vara i tihai. 32 Na opoia vara rÌomimim la sopo tiatia na hina tinatinapua matuvana, matan haratu mo sopo lo lahi i pa erÌi tau na rÌomina na vavahinau non Moli vara i pa vai Moli i avulahi hinia. 33 Pani tamlohi atu mo lahi moiso, mo lo tau na rÌomina na hinahinau mata varama matan vara i pa vai narouna i avulahi hinia, 34 ale rÌomina mo lo masanga, ale harÌai mo sopo lo lahi, teni harÌai la tauhoroa moiso vara i pa lahi, enira la tau na rÌomira na vavahinau non Moli vara la pa hahau na mauri vokevoke na epera peresi na rÌomira. Pani harÌai atu mo lahi moiso mo lo tau na rÌomina na hinahinau mata varama mata i vai tuana i avulahi hinia. 35 Na lo retireti sohena vara a tueni kamim, mo sopo matan vara a horo kamim hin te hinau, pani vara hinau tari isamim la pa maro tataholo, moiso vara i vai na rÌomimim i rÌilangi isan Moli matan vara i sopo masanga. 36 Vara tea isamim mo lo hase tapuhoroa vara i sopo lahi isan tapalana, ale nake mo rÌomrÌomia vara mo sopo rÌomrÌomi rÌuhu natu, ale vara rÌomina mo rÌilangi vara i lahi, ha tinarÌihia vara i vaia sohena, ha tinarÌihira vara la lahi, enia mo sopo vai na hehe. 37 Pani haratu sei rÌomina mo rÌilangi vara i hase tapuhoroa na lahi, mo sopo matan te hinau tinapua, pani matan mo hase erÌi taurilatia, ale vara rÌomina mo turu rÌilangi hinia, mo lo rÌuhu purongo vara i sopo lahi. 38 Ale matana, haratu mo lahi isan tapalana, enia mo vai na hina rÌuhu matea, ale isan haratu mo lo hase tapuhoroa na lahi, mo vai na hinau mo mele rÌuhu jea. 39 HarÌai lahi matea mo lo toho na ruhuruhun tuana i tikeli rani atu tuana mo mate. Pani vara mo mate, enia mo materi vara i erÌi mele lahi vara mo opoia, pani isana tamlohi kalesia matea purongo. 40 Pani na noku kilakilau, harÌai malepu atu i pa mele avulahi jea vara i lo toho hasena purongo. Ale na levosahia vara enau na lo usuri na rÌomin Tanumen God matana.