1 Corinthians 16

1 Ale usuri na hinau na nomim leta mata silesilea mata mania nona tapuhi, sava na verea isana mara Galatia, kamim sohena, ha pa vaia sohera. 2 Na tiroma rani na wik hatehateahi, kamim hatehateahi ha pa tauhasehi te mania na volimim, ale ha tau mamahunia, sohen ka hitea mo tataholo isamim, matan vara hin pongi atu vara a mai isamim, ka pete tatamahunia moiso vara a lavia. 3 Ale hin rani atu vara a pala, a pa rÌule la haratu ka virÌonira moiso peresi na leta vara i vereulia vara enira la tai epu peresi na nomim silesilea i sivo Jerusalem. 4 Vara ka hitea vara mo tataholo vara a sivo peresira, mo lo rÌuhu purongo, la pa usuriau. 5 A pa rohi kamim vara a hahau roto Macedonia, matan na lo rÌomrÌomia vara a pa hahau roto Macedonia. 6 Korong a pa toho isamim makomona, vara i vono, a pa toho isamim na pongi hamariri, matan vara ha erÌi tueniau na maleleku na sava jara vara a vano ea. 7 Matan na sopo opoia vara a hite kamim mata makomo rani purongo. Na lo rÌomtoho vara a pa toho peresi kamim i peravu makomona vara Moli mo avulahi. 8 Pani a pa toho Ephesus i tikeli na pongin Pentecost, 9 matan masapa mata vavahinau matea mo roi isaku vara a erÌi vai te vavahinau non Moli nike, ale noku meresahi enira matuvana. 10 Vara Timothy i mai isamim, ha kilau mamahunia, enia mo lo vai na vavahinau non Moli soheku. 11 Ha sopo tinarÌihia vara tea i hitelehilehia. Ha rÌulea na malelena peresi na nomim lerÌuhu vara i mai isaku. Na lo kilau vara a pa hitea peresi na tatua vorai kalesia tinapua i sopo tuai. 12 Ale vorairÌa atu Apollos, na lo usia rÌilangi isana vara i rohi kamim tolu na vorairÌa kalesia tinapua nike. Pani mo sopo opoia vara i mai nake, i pa mai hitahu vara i hite te masapana. 13 Ha lo kilau, ha lo turu rÌilangi na rasua, ha rÌomrÌilangi, ha rÌilarÌilangi. 14 Na hinau tari ka lo vaira, ha vaira na opoia. 15 Ka levosahi Stephanas peresi na vao imana enira la mai kalesia tiroma nike Greece, ale la sile na maurira matan vara la vavahinau la tueni na kalesia tinapua. Na lo usia rÌilangi isamim la voraiku peresi na vevoraiku, 16 vara ha sile na oloolo isara peresi la haratu sei mapura la lo toho na nora vavahinau sohera. 17 Na lo avulahi tavera na mai non tahisamim Stephanas, Fortunatus peresi Achaicas, matan enira la lavi na jaramim nike peresiau. 18 Matan la vai na rÌomiku mo mele rÌuhu sohen la lo vaia na maurimim. Ha sile na oloolo isana tamlohi sohen harihi. 19 Vao kalesia nike Asia, la sohai na nora retioloolo isamim. Aquila enia Priscilla peresi na vao kalesia na imara la sohai na retioloolo rÌuhurÌuhu isamim hin Moli. 20 La vorai kalesia tari nike, la sohai na nora retioloolo isamim. Ha tapatapai kamim hatehateahi na posposi tataholo nona tapuhi non God. 21 Enau Paul na uli la retioloolo nike na limaku. 22 Vara tea mo sopo te opoia non Moli isana, lesati i pa toho isana. NorÌa Moli, o mai. 23 RÌomrÌuhu non Moli Iesu i pa toho isamim. 24 Noku opoia i pa toho isamim mo isoiso, hin KrÌisto Iesu. Amen.