1 Corinthians 15

1 Ale la voraiku peresi na vevoraiku, na opoia vara ha mele rÌomrÌomi pa RetirÌuhu sei na lo retivujavujangi kamim hinia sei ka lavia moiso, ale mo tikeli nake, ka pa lo turu rÌilangi hinia. 2 Ale ka lo juri hinia nake, vara ha lo taurilati rÌilangi reti atu sei na retivujavujangia isamim, vara i vono, korong nomim rasua enia hina purongo. 3 Matan na pete sile kamim hin vujangi aulu atu hin la haratu Moli mo lo silera isaku moiso, enia vara KrÌisto mo mate mata norÌa hehe, sohena Retitapu mo verea, 4 ale usuri na noku vujangi, enia la tavunia, ale na hatolu rani God mo sauteterahia sohena Retitapu mo verea. 5 Ale hin rani atu enia mo pala isan Peter, moiso isan la nona tamlohi usuri atu tupu sangavulu rÌomana mo rua. 6 Moiso, mo mele pala isana vao vorai kalesia matea na rani matea, evira mo jeu mo ngav sangavulu lima, (500) vao tavera hinira la pa lo mauri mo tikeli nake, pani tatuara la mate moiso. 7 Ale moiso mo pala isan James, moiso mo pa isana vaharÌule tari. 8 Hitahu mo pala isaku, mo sohena vara na sopo vora na noku rani vora tataholo. 9 Matan na nona vao vaharÌule enau na atano jea, ale mo sopo tataholo vara la toviau vara a vaharÌule matea, matan na lo levuti na vao kalesia non God. 10 Pani rÌomrÌuhu non God mo vaiau na mai sava tamlohi nake, ale nona rÌomrÌuhu isaku mo sopo vano hina purongo. Mo vono, matan enau na voko rÌilangi mo jeu na vaharÌule tari, pani mo sopo enau haseku na lo voko, pani rÌomrÌuhu non God sei mo lo toho hiniau. 11 Mo sopo te hinau hinia vara hare natu mo retivujavujangia isamim vara enau teni enira, hina aulu hinia enia matan ka rasu na sava kama retivujavujangia isamim. 12 Ale ha to verea isaku, mata sava natu, tatuamim la lo verea vara i pa sopo te sauteterahi na mateia? Na lo usia sohena matan kama lo retivujavujangia vara KrÌisto mo turu na mateia. 13 Matan, vara i sopo te sauteterahi na mateia, mo verea vara KrÌisto mo sopo mele turu na mateia. 14 Ale vara KrÌisto mo sopo turu na mateia, nomam retivujavujangi enira la vano hina purongo, ale nomim rasua mo vano hina purongo. 15 Ale vara sohena, kamam nona vaharÌule kama lo retihalu hin God matan kama lo verea vara God mo sauteterahi KrÌisto na mateia, pani vara reti atu mo vararÌuhu, mo verea vara God i pa sopo sauteterahi na tamlohi. 16 Matan, vara la haratu la mate la sopo mele turu na mateia, KrÌisto sohena mo sopo turu na mateia. 17 Ale vara KrÌisto mo sopo mele turu na mateia, nomim rasua enia hina purongo, ale kamim ka pa lo toho na nomim hehe. 18 Ale la haratu la mate hin KrÌisto la tihai jejeu. 19 Vara norÌa rÌomtoho hin KrÌisto enia matan mauri nike nake purongo, tamlohi tinapua la pa rÌomrÌomia vara enrÌa rÌa rongorongo vono. 20 Pani mo vono! Enia hina vararÌuhu matea vara KrÌisto mo turu na mateia, enia vua tiroma hin la haratu la mate moiso. 21 Matan sohen mateia mo mai na tamlohi matea, ale mele turu na mateia mo mai na tamlohi matea. 22 Matan hin Adam, tamlohi tari la mate, ale tamlohi tari hin KrÌisto la pa mele mauri. 23 Pani usuri na malele tataholo mata sauteterahi, KrÌisto mo tiroma, moiso la haratu nona na nona mele mai. 24 Moiso pongi hitahu i pa pala hin rani atu vara KrÌisto i komo na suiha meresahi tari sei la aulu teni la lo tauri na suiha peresi na rÌilangi, moiso i pa sile na nona suiha mata aulu na hinau tari isan God Tama. 25 Matan enia i pa tauri na suiha i tikeli rani atu vara mo tau vevuhi na nona meresahi tari na ruhuruhu palona. 26 Isoiso meresahi vara i pa komoa, enia mateia. 27 Matan Retitapu mo verea vara, ‘God mo tau vevuhi na hinau tari vara la pa toho na ruhuruhu palona’. Psa 8.6 Reti atu mo verea vara, ‘hinau tari vara la pa toho na ruhuruhu palona’ mo memera purongo vara God Tama i pa sopo toho na ruhuruhuna. 28 Hin rani atu hinau tari la mai na ruhuruhun Natuna, ale Natun God sohena i pa hase taua i toho na ruhuruhun God Tama sei mo tau na hinau tari na ruhuruhuna, ale God i pa aulu na hinau tari na jara tari. 29 Vara tamlohi la pa sopo turu na mateia, sava natu mo lo toho na rÌomin la haratu la lo lavi na paptijo matan la haratu la mate moiso? Vara tamlohi la pa sopo turu na mateia, mata sava natu tamlohi la lo lavi na paptijo matara? 30 Sava natu mo rÌuhu na nomam vavahinau nike, matan mo lo tau na mateia na nahomam tarea? 31 Matan na lo vere tataholoia isamim la voraiku peresi na vevoraiku, noku hapahapa hin KrÌisto enia kamim sei, matan rani mo visa moiso, mariviti a lo mate matamim. 32 Sava hina rÌuhu i pa malue na noku valum peresi maji jala sei, la tamlohi atu Ephesus, vara i pa sopo te sauteterahi na mateia? Vara mo sopo te sauteterahi, mo rÌuhu vara rÌa vaia usuri retireti nike vara, ‘RÌa vai na hanhani tavera, ale rÌa inu, matan pavuho rÌa pa mate.’ Isa 22.13 33 Ha sopo tinarÌihia vara tea i halu kamim hin haratu la lo verea lara, “Posposi nona tamlohi sasati i erÌi posi na posposi tataholo nona tamlohi rÌuhu." 34 Ha rovo na nomim posposi sasaruhu, ale ha isoiso na hehe, matan tatuamim la sopo levosahi te hinau hin God. Na verea matan vara a vai kamim ha mahanuhanu. 35 Pani tea i pa usia vara, ‘Tamlohi mate la pa mele turu sohena sava? Ale epera la pa sohena sava?’ 36 Kamim tamlohi rongorongo vono! Sava ka lavoa i pa sopo erÌi mauri vara i sopo mate tiroma. 37 Ale sava ka lavoa, mo sopo enia natu mo mele tuvu, matan enia piri matea purongo, hina purongo vara piri wit teni te piri vipahai tinapua. 38 Ale God mo silea na epena usuri na masalona, ale mo sile na piri hatehateahi na epe tinatinapua. 39 Matan epe tari la sopo sohesohera, pani epe tamlohi enira la sohesohera, epe maji palo vati la tinatinapua, epe maji avuavu mo mele tinapua, ale epe maji tasi mo tinapua. 40 Epe hinau na tuka la tinapua na epe hinau na varama, pani memera epe na tuka la tinapua, ale memera epe na varama la tinapua. 41 Memera alo enia hinau matea, memera vitu enia mo tinapua, memera vitusarasara la mele tinapua, matan memera vitusarasara matea matea la tinatinapua. 42 Ale mo sohena natu na sauteterahi nona mateia. Sava la tavunia enia i pa rÌovo, sava mo mele turu enia i sopo erÌi rÌovo. 43 Sava la tavunia enia hina purongo, ale sava mo turu enia mo rÌuhurÌuhu jea. Sava la tavunia enia mo talekoleko, ale sava mo turu enia mo rÌilangi. 44 Sava la tavunia enia epe mata varama, ale sava mo turu enia epe matan na tuka. Vara epe matea matan varama nike, i pa epe matea matan na tuka. 45 Sohen la ulia lara, ‘Tamlohi tiroma atu Adam mo mai tamlohi mo lo mauri’. Gen 2.7 Harua Adam atu mo pa mai hitahu, enia mo sile na mauri mata Tanumen God. 46 Sava mo mai tiroma, mo sopo haratu matan na tuka, pani haratu mata varama, haratu matan na tuka mo pa usuria hitahu. 47 Tamlohi tiroma, enia mo tai na varama, mo malue na lepa, pani harua tamlohi enia mo tai na tuka. 48 Tamlohi tari na varama la lavi na epe varama sohen Adam, pani eperÌa matan na tuka i pa sohen epen KrÌisto. 49 Nake rÌa sohen Adam, tamlohi mata varama, ale hitahu rÌa pa sohen KrÌisto sei mo tai na tuka. 50 La voraiku peresi na vevoraiku, na verea isamim, vara epe peresi na rÌae matan varama nike la pa sopo erÌi unu hin mauri atu na tuka, teni haratu i pa rÌovo i pa sopo erÌi unu hin mauri atu i sopo erÌi rÌovo. 51 Ha tapurongo, a pa vere kamim na hina luhu matea. EnrÌa mo isoiso rÌa pa sopo mate, pani enrÌa mo isoiso rÌa pa posi, 52 vahatea purongo na isoiso roroa trumpet non God. Matan roroan trumpet atu i pa roroa, ale la haratu la mate la pa turu la sopo erÌi mele rÌovo. EnrÌa mo isoiso rÌa pa posi. 53 Matan epe mata rÌovo nike, i pa ru epe atu i sopo erÌi rÌovo, ale epe mata mate nike, i pa ru na epe i sopo erÌi mate. 54 Hin rani atu vara hinau mata rÌovo mo ru na hinau i sopo erÌi rÌovo, ale epe mata mate i ru na epe i sopo erÌi mate, ha pa levosahia vara sava la ulia tuai moiso i pa masese natu vara, ‘Suiha mata mauri mo rÌolomi na mateia.’ Isa 25.8 55 ‘Eh mateia! Suiham enia epu? Eh mateia! Suiham mata sile na rongohaji enia epu?’ Hos 13.14 56 Suiha mata sile na rongohaji non mateia enia hehe, ale suiha mata hehe enia leu non God. 57 Pani rÌa vere meje isan God sei mo lo silerÌa na suiha matan vara rÌa jeu na norÌa meresahi tari hin norÌa Moli Iesu KrÌisto. 58 Matan hinau sei, la voraiku kalesia rÌuhurÌuhu, ha turu rÌilangi, ale ha sopo hisuhisu, tarea ha vai na vavahinau non Moli matan ka levosahia vara hin Moli nomim vavahinau i sopo erÌi vano hina purongo.