Juan 3

1 Domer shäng kjlÌara ko Nicodemo, e fariseo, judío tjlÌapga kjok lÌlÌgwega wlÌeniyo bakoe. 2 Shkër kjwara ga jek öötong shäng Jesús shwoy ga tjlÌẽ ba kong ga «TjlÌapga no pingga, miydërwa ga pja ichaga Sbörë no ping. Sbö shäng bop tjok lÌlÌëm kjwe ga lÌlÌëbo Ä©ydëba lÌlÌëm wlÌeniyo shäryëp shäng lÌi shäryëp ga äe» lÌe. 3 Kuya ga tjlÌẽ ba kong ga «LÌër bop kong jlÌõkoyo ga shji uunkong weno pjlÌara. Gueniyo ëye wen jek pjlÌara obi lÌlÌëm ga äär ber Sbö nopga ga äe» lÌe. 4 Kuya ga tjlÌẽ ba kong ga «¿Shji öötong këguë tjän ga shji wen obi sorë? Shji äär ber buk bi mekë bö roshko, shji wẽya jek obi wlÌo ga äe» lÌe. 5 Kuya ga tjlÌẽ ba kong ga «LÌër bop kong jlÌõkoyo ga ëye we Sbö Sëyarë, ga wẽya ber tjaglÌën wlÌeni lÌlÌëm ga äär ber Sbö nopga ga äe. 6 Ãye wengga norë ga ber no eröe. Ãye äär ber Sbö Ä© wlÌo ga woyde ga wengga Sbö Sëyarë. 7 “Nopga uunkong wen jek obi kjlÌuwe” lÌër bop kongshko ga pja ber sök polÌlÌäk lÌlÌëme. 8 PjlÌuk, e shrono ga kup ga wẽlÌë, gueniyo tjwe jong kjone dwayo, jongya jek kjone, e miydëp lÌlÌëme. To woydë jek kjone ga eshko. Nopga wẽya Sbö Sëyarë lÌi, e so e kjoyo bakoe» lÌe. 9 Kuya ga tjlÌẽ ba kong ga «¿LÌlÌëye lÌëp shäng lÌi, e sorëro?» 10 «Pja Israel tjëyoga pingga. ¿Eni ga e miydëp lÌlÌëm sorëro? 11 LÌër bop kong jlÌõkoyo ga tjlÌõkwo lÌërwa bomi kong, e miydërwa kjÄ©y, lÌlÌëbo Ä©norwa om go lÌi, e lÌorwarë, gueniyo tjlÌõkwo lÌërwa lÌöng lÌi, e kjrëmi lÌlÌëme. 12 LÌlÌëbo tjeng kjok ëre kjing go lÌi lÌër shäng bomi kong, ga tjlÌõkwo kjrëmi lÌlÌëme. ¿Eni ga lÌlÌëbo tjeng kjok dogo lÌi lÌotë bomi kong kjwe ga tjlÌõkwo kjrëmi sorëro? 13 »Ãye öör jem kjok dogo lÌlÌëme. Gueniyo no to ter kjok dogo dwayo ëre ter shrono ey dwayo. 14 Dgur jyãglÌo poyona Moisésdë dënashko sorë ga lÌlÌono ga tja poyongoba pjang kjomo eni bako, 15 ëye mär bor go ga ber lÌöng së Ä©yado Sbö tjok wlÌo. 16 »Nopga lÌöng kjok ëre kjing go woyde Sbörë ara. E kjÄ©shko ga ba Wa kjlÌaraso ëre ichara zrökoba nopga kjÄ©shko wlÌo, ëye mär bor go ga jer lÌlÌëm wlÌo, ber lÌöng së Ä©yado Sbö tjok wlÌo. 17 Tja ichara kjok ëre kjing go no dök wlÌo, no shdung wlÌo lÌlÌëme. 18 Ãye mär bor go ga ber shdungko lÌlÌëme. Gueniyo ëye mär bor go lÌlÌëm ga era beno shdungko tjän, mär Sbö Wa kjlÌaraso ëre go lÌlÌëm kjÄ©shko. 19 »Ãye lÌlÌëbo owa shäryë ga woyde ga Ä©ga ërë lÌlÌëme. Ga tja shrono shäng kjok ëre kjing go, iök jong shjiy wlÌeni. E kjÄ©shko ga tja woydara lÌlÌëbo owa shäryagagarë lÌlÌëm, ga beno lÌöng pjola, lÌlÌëbo shärye lÌöng owa lÌi ber wẽlÌë lÌlÌëm wlÌo lÌe. Epga beno shdungko e kjÄ©shko. 21 Gueniyo ëye jëk tjlÌõkwo bek lÌi go ga woyde lÌok ga ber lÌöng iök jong shjiy lÌishko, lÌlÌëbo pjlÌú shärye lÌöng Sbö kjÄ©shko lÌi ber wẽlÌë wlÌo» lÌe ba kong. 22 E irgo ga Jesús jek öötong shäng Judea kjokyo ba oppinggaga tjok, ga beno lÌöng eshko dbar kjwöbö no wë jer di roshko. 23 Kjok buk kjrina ko Enón, Salim kjokyo ber buk soshko. Enón kjokyo lÌishko ga di ara. E kjÄ©shko ga Juan bängzaydëba no shdÅ©zlÌong uyo roshko lÌlÌëm obishko ga shäng eshko no wë, ga nopga jek äär lÌöng ara ba shwoy, we Juandë wlÌo. 25 Eshko ga Juan oppinggaga opyono lÌöng ënglÌë kar kar judío shäng kjlÌara eshko lÌi tjok, shji wë di go sorë lÌi lÌãywe lÌöng. 26 Pjir ga jek öötong lÌöng Juan shwoy ga tjlÌẽ ba kong ga «TjlÌapga no pingga, kjupä ga domer shäng bop tjok Jordán diyo kjwo kalÌëkong lÌi, lÌãyworop lÌi, e shäng no wë, ga nopga lÌöng kës lÌi jek lÌöng ba shwo lÌëkong shara» lÌe. 27 Kuya ga tjlÌẽ ba kong lÌok ga «Ãye lÌlÌëbo tjok ga e twaga Sbörë ba kong kjÄ©shko. 28 “No pjlÌuyo ichara Sbörë shrono shäng lÌi, e tja lÌlÌëme. Tja ichara jek ba bäm go erä” lÌoror bomi kong tjän, ga kuromi wẽlÌëe. 29 »KjoglÌo shäng kjlÌara orkwosmok wlÌo wlÌeni ga e sogo domer orkwosmok ba tjok wlÌo lÌi eröe. Domer orkwosmok wlÌo lÌi yorkaga shäng lÌi, e ber shäng wopjlÌú, ba kjlÌara tjlÌẽno shäng lÌi kura kjÄ©shko. Tjara so domer yorkaga lÌi kjoyoe. Tja wopjlÌú ara anmoyõ e kjÄ©shko. 30 Bek wlÌo ga era ber tjwlÌõ ara jek këgong këgong, ga tjara ber tjwlÌõ chira. 31 »Ter shrono shäng kjok dogo dwayo lÌira tjwlÌõ ara, oblÌë kjinmo. Ãye kjok ëre so ga e jÅ©shko so erä, ga lÌlÌëbo jÅ©shko so lÌi lÌãywayde. Ter shrono shäng kjok dogo dwayo lÌira tjwlÌõ ara, oblÌë kjinmo. 32 LÌlÌëbo Ä©na, kura eshko lÌi, e lÌãywayde, gueniyo ba tjlÌõkwo kjrëba lÌlÌëme. 33 Gueniyo tjlÌõkwo kjraga ë lÌi kong ga tjlÌõkwo lÌara Sbörë ba kjÄ©shko lÌi, e beke lÌe. 34 Jesús ichara Sbörë ba tjlÌõkwo roy lÌë oba kong, ga e go ba Sëya twara beno ba kong kësbang anmoyõ. 35 Ba Wa woyde Data Sbörë ara, ga lÌlÌëbo tjeng kës lÌi iara beno tjeng ba wlÌoshko. 36 Ãye mär ba Wa go ga beno lÌöng së Sbö tjok tjän, ga ber lÌöng eni Ä©yado. Gueniyo ëye omwlÌokjrë lÌlÌëm ga äär ber lÌöng Sbö tjok eni lÌlÌëm, ga shdÅ©ya Sbörë ber Ä©yado wlÌo bakoe» lÌe.