Génesis 47

1 Eshko ga ba pjeyoga kjrara doglÌo shkëng (5), ga söra jek öötong lÌöng Egipto so pjlÌuyo shwoy, ga tjlÌẽ ba kong ga «Bor data, bor pjeyoga tek Canaán kjokyo dwayo lÌi shrono lÌöng Gosén kjokyo ba öng tjok, ba lÌlÌëbo tjeng kës lÌi tjok bakoe» lÌe. Eshko ga ba pjeyoga lÌi pina pjlÌu kong, miyde wlÌo. 3 Eni ga pjlÌu tjlÌẽ ba kong ga «¿Pjãy pak lÌlÌë?» «TjlÌapga, tjawa tek chilawa obishko dwayo ga tjawa pak, e öng daga, borwa tjëyoga dëna Ä© dik. 4 Canaán kjokyo pjlÌi ara, borwa öng dlÌi drete. E kjÄ©shko ga tjawa to tek ber lÌöng na wlÌo lÌërwa. Rokërwa bop kong sira ga tjawa ios ber tjeng Gosén kjokyo» lÌe lÌok ba kong. 5 Kuya ga tjlÌẽ José kong ga «Bop data, bop pjeyoga tek shrono ber lÌöng bop tjok wlÌo lÌe. 6 Egipto kjokyo tjeng bop wlÌoshko. Gosén kjokyo, e Egipto kjok pjlÌúyo kuzong ga twos ba kong, ber lÌöng eshko wlÌo. Ĩp ga domerga kjone kjone parkë pjlÌú ga ios ber lÌöng bor öng dë bakoe» lÌe. 7 E irgo ga ba data söra, pina pjlÌu kong, miyde wlÌo. Eshko ga Jacob tjlÌẽno beno pjlÌú ba kong. 8 Ga pjlÌu tjlÌẽ ba kong ga «¿Pja lÌu pjlÌobi?» 9 «Tja lÌu pjlÌoglÌo sak dbäw kjingsho sak mya (130) erä. Tja sök shtor lÌlÌëm, tja jëkko erä, tja songe. Bor data, bor kjokë, e jëk to lÌöng shtor lÌlÌëm bako, gueniyo lÌu Ä©no bor kjinmo» lÌe ba kong. 10 E irgo ga Jacob tjlÌẽno beno pjlÌú ba kong obi, ga toe. 11 Eshko ga lÌara pjlÌurë sorë ga shäryara Josérë eni. Egipto kjok pjlÌúyo twara ba data, ba pjeyoga kong, ber lÌöng eshko wlÌo. Kjok, e ber buk Ramsés kjokyo. 12 Ba pjeyoga uunkong sëna dlÌi bakoe. 13 Egipto kjokyo, Canaán kjokyo ga dbar jek ga pjlÌi tjwe ara anmoyõ. Nopga wolÌonto pjlÌirë. 14 Eni ga dlÌi soynena Josérë Egipto sopga kong, Canaán sopga kong bakoe. Dburyo lÌi jnena tjeng pjlÌu dbur jnezlÌongshko. 15 Dbur pjitongshko ga Egipto sopga tjwe tjlÌẽ José kong ga «Tjawa dbur pjitonge. Tjawa sëm dlÌi. LÌlÌëm ga tjawa wolÌon pjlÌirë» lÌe. 16 Kuya ga tjlÌẽ ba kong ga «Pjãy dbur pjitong ga bomi öng sömi bor kong, ga kjlÌopswër dlÌi sho go» lÌe. 17 Eni ga Egipto sopga, ba öng oblÌë oblÌë, e söra José kong, kjlÌopswe dlÌi sho go wlÌo. Shäryara eni lÌu pjlÌara. 18 E irgo ga tjwe tjlÌẽ José kong obi ga «LÌlÌëye jnenwa bop kong ga äe. Tjawa dbur pjitong, ga borwa öng, e beno bopoya. Beno tjawa, borwa kjok erä. 19 Tjawa iëp wolÌon lÌlÌëme. Borwa kjok iëp ber tjoksa lÌlÌëme. Tjawa tjwlÌẽs, borwa kjok tjok bebi, dlÌi sho ãska. Eni ga tjawa ber lÌöng parkë borwa kjok lÌi kjing go pjlÌu kong. DwlÌa twos borwa kong, tjawa wolÌon lÌlÌëm wlÌo, kjok ëre kjing go nopga tjok obi wlÌo» lÌe. 20 PjlÌi tjwe ara anmoyõ kjÄ©shko ga ba kjok soynena uunkong José kong. Eni ga Egipto kjok tjwlÌẽna Josérë uunkong pjlÌu kong. 21 Nopga uunkong beno lÌöng ba parkagaga tjwlÌẽk lÌöng pjir wlÌeniyo. 22 Gueniyo syõshtagaga Egipto so sböpga kong, epgara kong dlÌi twe pjlÌurë Ä©yado. E kjÄ©shko ga ba kjok soynena lÌlÌëme. 23 E irgo ga José tjlÌẽ nopga kong ga «Pjãy tjwlÌẽnor uunkong bomi kjok tjok pjlÌu kong. DwlÌa tjeng ëre to dguëmia. 24 Gueniyo ba bo kjrozlÌong dbaryo ga dlÌi tömi lÌi kjringgwo shkëng (5) lÌi shimi kjrina pjlÌu kong, kjringgwo sak kjwara (10) lÌi shimi kjring pjök ba kong, kjringgwo sak kjwara kjingsho shkëng (15) lÌi shimi kjringgwo mya ba kong. Shäryëmi uun eni» lÌe. 25 Kuya lÌok ga tjlÌẽ ba kong ga «Pja opshäryono pjlÌú borwa tjok. Tjawa iorop wolÌon pjlÌishko lÌlÌëme. E kjÄ©shko ga tjawa to ber lÌöng pjlÌu parkagaga tjwlÌẽk lÌöng pjir wlÌeniyo» lÌe. 26 Eni ga José kjok lÌlÌgwekklÌo shäryono kjrina Egipto so kjlÌobi kong, dwlÌa bo kjrozlÌong dbaryo ga dlÌi töÌya lÌi twe lÌok pjlÌu kong, lÌara sorë lÌi eni. Kjok lÌlÌgwekklÌo lÌi eeri ga buk eni. Gueniyo syõshtagaga Egipto so sböpga kong lÌira lÌlÌëye twe lÌlÌëm, ba kjok beno pjlÌu kong lÌlÌëm kjÄ©shko. 27 Israel tjëyoga beno lÌöng Gosén kjokyo, e Egipto kjokyo obi. Kjok shano bayo ara, dbur ara, wapga träk lÌlÌëm bakoe. 28 Jacob beno sök eshko lÌu pjlÌoglÌo sak kjwara kjingsho kjäk (17). LÌu Ä©no sak dbäw kjingsho sak pkëng kjingsho kjäk (147). 29 Dbar kjwara ga Jacob sök së obishko ga wolÌon dbaryo woyotjlÌÄ©ya buk. Eshko ga ba wa José rokara, ga tjlÌẽ ba kong ga «Tja woydëp jlÌõkoyo wlÌeni ga lÌos bor kong jlÌõkoyo ga pja wotjlÌÄ©k pjlÌú bor kong, ga tja kjimtëp Ä©yado. Pja kä dos, orkwo ios bor kworbo kjing go, e ber ba jyãglÌo wlÌo. Tja jnep ber buk na Egipto kjokyo lÌlÌëme. 30 Tja wolÌonoshko ga tja ship Egipto kjokyo ëre dwayo, tja söp äär ber buk bor pjeyoga iak tjengshko» lÌe. Kuya ga tjlÌẽ ba kong ga «Shäryër eni» lÌe. 31 Eshko ga tjlÌẽ ba wa kong obi ga «LÌos bor kong jlÌõkoyo» lÌe. Kuya ga tjlÌẽ ba kong ga «LÌër bop kong jlÌõkoyo ga shäryër eni» lÌe. Eshko ga Jacob kä dono, syõshtono Sbö kong buk ba bukklÌo kjing go.