Génesis 46

1 E irgo ga Jacob opshino to jek Egipto kjokyo ba pjeyoga tjok, ba lÌlÌëbo uunkong tjok bakoe. Jek öötong lÌöng Berseba kjokyo ga öng zröra, sho sura, pjono dret, ba data Isaac Sbö poshrëkklÌo. 2 E shkëyo ga Sbö weno shäng ba kong yoshko wlÌeni, ga tjlÌẽ ba kong ga «¡Jacob!» «¿LÌlÌë?, TjlÌapga» lÌe ba kong. 3 TjlÌẽ ga «Tja Sbö, tja bop data Sbö. Pja jek Egipto kjokyo ga lÌlÌëye bangkjrëp lÌlÌëme. Kjok eshko ga bop tjëyo tek ber bop irgo lÌi iër ber tjëyo kësbange. 4 Tja jek shäng bop tjok eshko. LÌlÌono ga bop tjëyoga shir ey dwayo, ga tek sör na iröng obi. Ga pja wolÌonshko ga José sök bop zlÌong bäng» lÌe. 5 E irgo ga Jacob iara ba wapgarë opyë sök jëkklÌo ichara Egipto so pjlÌuyorë ba kong lÌi roshko, ba pjlÌaydoga, ba tjërga tjok. Ga Jacob opshino to ey dwayo ba tjëyo tek beno ba irgo uunkong lÌi tjok. Ba öng, ba lÌlÌëbo uunkong wlÌẽna Canaán kjokyo lÌi söra jek ba tjok Egipto kjokyo. 8 Jacob tjëyo tek beno ba irgo lÌi öötong lÌöng Egipto kjokyo ko lÌok eni. Epga beno lÌöng Israel tjëyoga. Lea wapga Jacob tjok, e weno tjeng Padán Aram kjokyo, e ko lÌok eni. Ba tjëyo tek beno ba irgo lÌi tjok ga beno lÌöng doglÌo sak mya kjingsho mya (33). Rubén, e ba wa domer bäm Ä©yo. Rubén, e öötong ba wapga domerga Janoc, Falú, Jezrón, Carmí tjok. Simeón, e öötong ba wapga domerga Jemuel, Jamín, Oad, Jaquín, Zojar, Saúl tjok. Saúl, e mekë Canaán so. Leví, e öötong ba wapga domerga Guersón, Coat, Merari tjok. Judá, e öötong ba wapga domerga Selá, Fares, Zera tjok. Ba wapga domerga Er, Onán, e wolÌono beno lÌöng Canaán kjokyo. Fares, e öötong ba wapga domerga Jezrón, Jamul tjok. Isacar, e öötong ba wapga domerga Tola, Fuvá, Job, Simrón tjok. Zabulón, e öötong ba wapga domerga Séred, Elón, Yalel tjok. Jacob wa walÌë Dina, e öötong bakoe. 16 Parkaga twara Labándë ba wa Lea kong ko Zilpá lÌi wapga Jacob tjok ko lÌok eni. Ba tjëyo tek beno ba irgo lÌi tjok ga beno lÌöng doglÌo sak kjwara kjingsho tjer (16). Gad, e öötong ba wapga domerga Zefón, Jaguí, Ezbón, Suni, Erí, Arodí, Arelí tjok. Aser, e öötong ba wapga domerga Imná, Isvá, Isví, Beriá tjok, ba wa walÌë Sera tjok bakoe. Beriá, e öötong ba wapga domerga Héber, Malquiel tjok. 19 Raquel wapga Jacob tjok ko lÌok eni. Ba wapga tjok ga beno lÌöng doglÌo sak kjwara kjingsho pkëng (14). José, e sök Egipto kjokyo ga wapga tjeng domer do pjök ba boy Asenat tjok ko Manasés, Efraín. Asenat, e Potifera wa. Potifera, e sök On kjokyo. E syõshtaga Egipto so sböpga kong. Benjamín, e öötong ba wapga domerga Bela, Béquer, Asbel, Guerá, Naamán, Ehí, Ros, Mupín, Jupín, Ard tjok. 23 Parkaga twara Labándë ba wa Raquel kong ko Bilhá lÌi wapga Jacob tjok ko lÌok eni. Ba wapga tjok ga beno lÌöng doglÌo kjäk (7). Dan, e öötong ba wa domer Jusín tjok. Neftalí, e öötong ba wapga domerga Yazel, Guní, Jéser, Silén tjok. 26 Jacob, e öötong Egipto kjokyo ba tjëyo tek beno ba irgo lÌi doglÌo sak tjer kjingsho tjer (66) tjok, ba pjlÌaydoga tjok bakoe. 27 José wapga tjeng Egipto kjokyo do pjök. Eshko ga Jacob tjëyoga shrono lÌöng Egipto kjokyo doglÌo sak kjäk (70). 28 Epga jek lÌöng irbo ga Judá ichara Jacobdë jek bäm go José Ä©k, wlÌokjre tek irbo Gosén kjokyo wlÌo. Ãötong lÌöng eshko lÌi kuya Josérë ga 29 ba parkagaga ichara ba jëkklÌo poshäryë. E irgo ga José jek ba data wlÌokjrë. Ãötong shäng ba data sökshko ga ëng popjlÌuno lÌok, ga slÌatong wop ara ëng tjok. 30 Eshko ga Jacob tjlÌẽ ba kong ga «Pja Ä©nor om go bor bokkwo go, ga pja shäng së jlÌõe. Era tja wolÌon ga pjlÌúe» lÌe. 31 Kuya ga tjlÌẽ ba data, ba pjeyoga kong ga «Tja to tjlÌẽ pjlÌu kong ga “Bor data, bor pjeyoga lÌöng Canaán kjokyo lÌi shrono lÌöng na, ber lÌöng bor tjok wlÌo. Epga öng daga kjÄ©shko ga ba öng, ba lÌlÌëbo uunkong söra tek ba tjok” lÌër ba kong. 33 Pjãy roke pjlÌurëshko ga “¿Pjãy pak lÌlÌë?” lÌe bomi kongshko ga 34 pjãy tjlÌẽ ba kong ga “Tjawa tek chilawa obishko dwayo ga tjawa pak, e öng daga, borwa tjëyoga dëna Ä© dik” lÌëmi ba kong eni. Eni ga Egipto sopga lÌöng öng dagaga tjok woydë lÌlÌëm kjÄ©shko ga pjãy ie ber lÌöng Gosén kjokyo» lÌe.