Génesis 23

1 Kjok buk kjrina ko Quiriat Arbá. Eeri ga e ko Hebrón, e Canaán kjokyo obi. Eshko ga Sara lÌu Ä©no öötong sak dbäw kjingsho sak pjök kjingsho kjäkshko (127) ga wolÌonoe. E kjÄ©shko ga Abraham slÌatong, ba boy lÌi soyopora. 3 Pjir ga opshino eshko dwayo, ga öör jek shäng lÌan Het tjëyoga tjok. Epga kjok eshko sopga. 4 Eshko ga tjlÌẽ ba kong lÌok ga «Tja na so lÌlÌëme. Gueniyo rokër bomi kong sira ga tja kong kjok soynezÄ© kjrina, bor boy jner ber buk eshko wlÌo» lÌe. 5 Kuya lÌok ga tjlÌẽ ba kong ga 6 «TjlÌapga, tjawa kuzong. Pja borwa kong ga tjwlÌõ ara, pjlÌu wa dik. Bop boy jnes borwa sak pjlÌú, owa lÌlÌëm wlÌeniyoshko. Kjakrokëp ë pogo kong wlÌeni ga “¡JölÌö!” lÌe bop kong» lÌe. 7 Kuya ga kojono shäng, ga kä kjujono Het tjëyoga kong. 8 Ga tjlÌẽ ba kong lÌok ga «LÌëmi jlÌõkoyo ga bor boy jner ber buk sak jÅ©shko ga pjlÌú wlÌeni ga tja kjimtëmi eni. Zojar wa Efrón kjok worbo go ga guëng jong ööng kjwara, Macpela kjokyo buk lÌishko. Woydër ga kjakrokëmi ba kong ga soyneya bor kong. TjwlÌõ ie kjöm ga tjwlÌẽn ba kong eni. Eni ga kjok tjwlÌẽnor lÌi ber buk bor kong kjok ëre kjing go» lÌe. 10 Efrón sök ba pjeyoga tjrëko kuzong ga Abraham dboryara, kuya nopga lÌöng eshko kës lÌirë pjlÌú wlÌo. 11 TjlÌẽ ba kong ga «¡LÌlÌëme, TjlÌapga! Guëng jong ööng lÌëp lÌi twër ber bop kong bop sëngglÌo, kjok buk eshko lÌi tjok bakoe. Bor pjeyoga kjok ëre so ber lÌöng ba miydaga. Eni ga tworor bop kong bop sëngglÌo kjÄ©shko ga bop boy to jnep eshko» lÌe. 12 Kuya ga kä kjujono jek obi kjok eshko sopga lÌöng lÌi kong, 13 ga Efrón dboryara ba bokshto, tjlÌẽ ga «Tja kuzong. Rokër bop kong sira ga dbur kjros, kjok lÌi ãska. E irgo ga bor boy jner ber buk eshko» lÌe. 14 Kuya Efróndë ga tjlÌẽ ba kong ga 15 «Tja kuzong, TjlÌapga. Kjok tjwlÌõ dbur sho pjlÌublÌún kjwo sak dbäw pjlÌoglÌo pkëng (400), dbur bayo eni. Gueniyo bi kong ga ëre lÌlÌëye drete. E kjÄ©shko ga bop boy to jnep eshko» lÌe. 16 Kuya ga tjlÌẽ ba kong ga «JölÌö» lÌe. Eni ga Het tjëyoga bokshto ga kjok lÌi tjwlÌẽna Abrahamdë, dburyo shte lÌöng pjlÌuk jonge. Efrón kjok, e Macpela kjokyo obi, e ber buk Mamré kjokyo, dlÌo wen tëm shwo lÌëkong. Eerishko ga Mamré kjokyo ko Hebrón, e Canaán kjokyo obi. Efrón kjok lÌi tjwlÌẽna Abrahamdë, guëng jong ööng lÌi tjok, kjor lÌok eshko tjok bakoe. E irgo ga ba boy Sara jnena beno buk eshko. 20 Eni ga guëng jong ööng soynena Het tjëyogarë Abraham kong lÌi beno ba shinmoga jnezlÌong shtoyo.