Génesis 22

1 Ãötong lÌu kop ara ga Abraham tjlÌÄ©ya woydë Sbörë, kolÌe jlÌõkoyore miyde wlÌo. Eni ga rokara, tjlÌẽ ba kong ga «¡Abraham!» «¿LÌlÌë?, TjlÌapga» lÌe ba kong. 2 TjlÌẽ ga «Isaac, e bop wa kjlÌaraso. E woydëp ara. Sös Moria kjokyo. Pja äär eshko ga zröp, ga sho sup, pjë dret bor poshrëkklÌo, dlÌup jong kjone pin bop kong lÌi goshko» lÌe. 3 Wẽshko kjok shröngto ga kojono, öng so kwomglÌa kjoyo dre töshko poshäryara, wlÌarglÌo iara ba kjing go. E irgo ga lÌöng zara, ber Sbö poshrëkklÌo lÌi sho suya wlÌo. Pjir ga söra to ba wa tjok, ba parkagaga do pjök tjok bakoe. Eni ga jek kjok kjone lÌara Sbörë ba kong lÌishko. 4 Jëktong lÌok dbargwo mya ga Ä©ya pjola dwayo ga kjok lÌara lÌi ber buk wẽlÌëe. 5 Eshko ga tjlÌẽ ba parkagaga kong ga «Pjãy ber lÌöng na borwa koshë, bor öng tjok. Tja jek këgong kjwozir ëre tjok. Sbö poshrërorwa pjir ga tjawa tjwe iröng obi» lÌe. 6 Eshko ga ba lÌöng lÌi iara ba wa dbopdo. SöglÌo, iök, e shara, söra jek ba tjok bakoe. Jek lÌöng irbo bäng goshko ga 7 Isaac tjlÌẽ ba kong ga «¡Data!» «¿LÌlÌë?» lÌe ba kong. TjlÌẽ ga «¿Shji lÌöng tjok, iök tjok, gueniyo öng ushko so lÌlÌgwoklÌë wlÌeniyo suy wlÌo lÌi sök kjone?» 8 «Twe Sbörë bi kong dani» lÌe ba kong. Eshko ga jëktong lÌok jek këgong. 9 Ãötong lÌok kjokyo kjone lÌara Sbörë lÌishko ga Abraham akkwo töno dlÌuw ëng kjing go kjókshko, ga lÌöng iara ba kjing go. Pjir ga ba wa orkwo pjrira, dre pjrira, ga poyona buk lÌöng lÌi kjing go. 10 Eshko ga söglÌo kjrara ba wa zröya wlÌo lÌeshko ga 11 Jehová parkaga kjok dogo so lÌi tjlÌẽ ter kjok dogo dwayo ga «¡Abraham! ¡Abraham!» «¿LÌlÌë?, TjlÌapga» lÌe. 12 TjlÌẽ ga «Bop wa kjwe wẽyẽ. LÌlÌëye owa shäryëp ba kong lÌlÌëme. Miydër ga Sbö bangkjrëp jlÌõkoyo, bop wa kjlÌaraso kjwe kiyokorop bor kong lÌlÌëm kjÄ©shko» lÌe ba kong. 13 Ĩya iröng ga öng wlÌẽp ushko so wlÌëngglÌa lÌlÌgwÄ©na sök kjlÌara ba sjö go, kjor kowo tjrëko. Eni ga shara, zröra, sho sura, pjono dret Jehová poshrëkklÌo, ba wa lÌi ãska. 14 E irgo ga kjok eshko kowara beno «LÌlÌëbo uunkong, e twaga Jehovárë.» E kjÄ©shko ga eerishko ga oba tjlÌẽ ga «Jehová dlÌupyo go ga shji lÌlÌëye lÌlÌëm ga twe Jehovárë bi kong» lÌëba eni. 15 Eshko ga Jehová parkaga lÌi tjlÌẽno ba kong ter kjok dogo dwayo jek obi. 16 TjlÌẽ ga «Jehová tjlÌẽ ga “Bop wa kjlÌaraso kiyokorop bor kong lÌlÌëm kjÄ©shko ga lÌër bop kong om go jlÌõkoyo ga 17 pja kjimtër ara. Bop tjëyo tek ber bop irgo lÌi iër ber shdär träk lÌlÌëm, dbala lÌok kjopkwo go wlÌeni, lÌa sho tjeng dlÌung kjako wlÌeni bakoe. Epga ber lÌöng kjok kjone pogo ga ba moskwoga zãya song Ä©yado. 18 Tja kolÌorop kjÄ©shko ga tjëyo lÌöng kjrina kjrina kjok kjwang jÄ©kong lÌi kjimtër bop tjëyo lÌi kjÄ©shko” lÌe Jehovárë bop kong» lÌe Jehová parkagarë ba kong eni. 19 Kura pjir ga to tek iröng obi ba wa tjok, ba parkagaga beno lÌöng lÌishko. E irgo ga opshino to iröng Berseba kjokyo ba tjok. Ga beno sök eshko. 20 Ãötong dbar kop ara ga roy shrono Abraham kong ga ba kjlÌara Najor wapga tjeng ara. Wapga tjeng domerga doglÌo kjwong (8) ba boy Milca tjok. Ba wa domer bäm Ä©yo ko Uz, e irgo Buz, e irgo Quemuel. (Quemuel, e Aram data.) E irgo ga wapga tjeng domerga ko Quésed, Jazó, Pildás, Yidlaf, Betuel. (Betuel, e Rebeca data.) 24 Najor boy oblÌë ba parkaga wlÌeniyo tjok kjlÌara ko Reumá. Wapga tjeng domerga obi ba tjok ko Tébaj, Gaján, Tajás, Macá.