Yɛsɑ̃ɑ̃ 53

¹ Bɛdèmbɛ̀ kóo kótì dìèmmɛ̀ Dɑfiti yɛ̀nfɛ̀ kɛ eu fɛtɑ̃rifɛ.

² Kuyɛìnkù kuù ɔ̃ɔ̃ yĩ́ nɛ̀ ku yɛ̀mmɛ̀ miɛkɛ Kuyie nyí bo. Bɛ̀ cɑ̀kɛmu kɛ dɔɔri isɔkɛ kpɛrɛ, bɛ miɛkɛ òmɔù í dɔɔri dɛ̀ɛ̀ wenni.

³ Kuyie mbo kɛĩ́nkɛ̀ nkɛ kɛ wúónní bɛnìtìbɛ̀, kɛ bo yɑ̀ kòò mɔù bo wèè mɔ̀kɛ mɛyɛ̀mmɛ̀ kɛ kù wɑnti.

⁴ Bɛmɔu bɛ̀ dɛ̀tɛ́nɛ̀ Kuyie nku, bɛmɔu bɛ̀ cɑ̀kɛmu, òmɔù í dɔɔri mɛsɑ̀ɑ̀ mbɑ́ omɑ́ɑ̀.

⁵ Bɛ̀ɛ̀ dɔ̀ɔ̀ri mɛyɛi mbɛtɔbɛ̀ bɛ̀ í yɛ̃́ dɛ̀mɑrɛ̀, bɛ̀ soú n kɔbɛ mbɛ kɛ yo, bɛ̀ í n yu mí nKuyie.

⁶ Ntɛ bɛ kɛ̀ kufɔ̃wɑɑ́ mbɛ̀ ɑutɛ́ dɛtetìrɛ̀, Kuyie nyóó díɛ́mu ɑ dootitɔbɛ̀ kṹɔ̃̀, kɑ̀ɑ bɛ̀ ɑ̃nnɛ́ ifɛi, kɛ yɛ̃́ Kuyie mbɛ̀ bɔntóomɛ̀mu.

⁷ We nyóó yɛ̀nní Siyɔ̃ɔ̃ kɛ́dɛɛtɛ́ Isidɑyɛɛribɛ? Kuyie mbo fietɛní dìì mɔ̀nnì ku kɔbɛ bɛ̀ɛ̀ tu tidɑɑtì, dɛ̀ bo nɑrikɛ Sɑkɔbu kɔbɛ, Isidɑyɛɛribɛ bo nyɑ̃nku.