Lom 4

1 Anɨb ak based chɨn Eblaham lum awl yolɨgup ak, nop tɨtay dak agɨl agɨnɨgabun? 2 Nɨgɨm. Eblaham ne gɨtep gek nɨm, God Eblaham nop gek bɨ suÅtep ne yolɨgup tek, Eblaham yɨb ne ke dad aplanɨmuÅ tek lak. Pen nop anɨgɨl ma gak. Eblaham ne anɨb pal ak anɨgɨl gek, God Eblaham nop gek bɨ suÅtep ne ma yolɨgup. Mel. Anɨb ak tek, Eblaham yɨb ne ke dad ma aplanɨmuÅ tek lak. 3 Pen buk Baybol ak tay agak? Tɨkɨl anɨb agak, Eblaham ne God nɨÅɨd agup agɨl, nop gos lɨnɨgak ak nɨm, God agek bɨ suÅtep ne yek agɨl tɨkak. 4 Pen bɨ wog ak gɨl, mani dɨpal ak, kɨli mani anɨb ak chɨnop yokɨp ñɨbal agɨl gos ma nepal. Tap anɨb ak wog gɨpal tek dɨpal. 5 Bɨ olap pen yad God bɨ suÅtep ne mɨdenɨm agɨl gos nɨgup ak, anɨgɨnɨmuÅ. Ne wog kɨles tɨmel yɨbɨl gɨtep gin agɨl ma gonɨmuÅ. Mel. Ne pen God nop gos lɨnɨÅɨd, gos anɨgɨl nɨgɨnɨmuÅ, God binɨb tap si tap tɨmel gɨpal okok nɨÅɨd kɨlop gek, God binɨb suÅtep ne yenɨgabal. Bɨ anɨb ak God nop gos lɨnɨgup ak, nop nɨÅɨd gek, God bɨ suÅtep ne mɨdeb. 6 Takaw agebin awl tek, bɨnonɨm Depid abe bɨlel agak. Bɨ olap wog gɨtep gup mel ak pen, God gek ne bɨ suÅtep ne mɨdeb ak, bɨ anɨb ak nop tep gaknɨŠmɨñmɨñ gɨl mɨdeb. Depid ne gos anɨb ak nɨÅɨd, tɨkɨl anɨb agak, 7 Binɨb God takaw tɨbɨlɨkɨl tap si tap tɨmel gɨpal okok, God nɨÅɨd gach kɨlop tɨg walɨg gɨyokup ak, kɨlop tep gaknɨŠmɨñmɨñ gɨl mɨdebal agɨl tɨkak. 8 Binɨb tap si tap tɨmel gel God tap tɨmel anɨb ak nɨÅɨd kelɨgup ak, kɨlop tep gaknɨŠmɨñmɨñ gɨl yenɨgabal agɨl tɨkak. 9 Binɨb kɨlop tep gaknɨŠmɨñmɨñ gɨl mɨdebal nɨm ak, binɨb an anɨgebal? Binɨb wak kɨlop tɨbɨlɨkɨpal okok nep akaÅ, binɨb wak kɨlop ma tɨbɨlɨkɨpal abe anɨgebal? Nɨgtep gɨnɨmɨb. Chɨn anɨb agobun, Eblaham God nop gos lɨnɨgek, God nop gek bɨ suÅtep ne yek agobun. 10 Anɨb ak Eblaham tɨtay dɨl yek, God nop gek bɨ suÅtep ne yek? Wak ne tɨbɨlɨkak won ak akaÅ ma tɨbɨlɨkak? Wak ne tɨbɨlɨkak won ak mel, wak ne ma tɨbɨlɨkek God nop gek bɨ suÅtep ne yek. 11 Eblaham wak ne ma tɨbɨlɨkak won ak, ne God nop gos lɨnɨgak, anɨb ak tek God Eblaham nop gek bɨ suÅtep ne yek. Pen kɨdek God agak, Nad wak tɨbɨlɨkɨnɨmɨn agek, wak ne tɨbɨlɨkak. Ne anɨgek, binɨb anɨgɨl nɨgɨlak, Eblaham ne God nop gos lɨnɨÅɨd bɨ suÅtep ne yek. Pen chɨn ne anɨgak anɨb ak nɨÅɨd, anɨgɨl nopun, binɨb wak kɨlop ma tɨbɨlɨkɨpal ak pen, God nop gos lɨnepal okok, Eblaham ñapay ne mɨdebal. Kɨli wak kɨlop ma tɨbɨlɨkɨpal ak pen, God nop gos lɨnɨgel kɨlop gek binɨb suÅtep ne mɨdebal. 12 Pen kɨli nep mel, bɨ wak kɨlop tɨbɨlɨkɨpal ogɨnap abe Eblaham ñapay ne mɨdebal. Bɨ wak kɨlop tɨbɨlɨkɨlɨg God nop gos lɨnepal okok, kɨli based Eblaham wak ma tɨbɨlɨkak won ak God nop gos lɨnɨgak tek mɨdebal. 13 Bɨlel God ne Eblaham ayɨp, Eblaham jɨj gɨl gek binɨb ñapay ne kɨdek yenɨgabal okok ayɨp, kɨlop tap olap gɨnɨgayn agɨl aglak. Anɨb aglɨl agak, Lum awl ak mɨdupsek nɨbop ñɨnɨgayn agak. Eblaham pen takaw Mosis ñu kɨl tɨkak ak kɨdek gek, God tap olap gɨnɨgayn agɨl aglak ak ma agak. Mel. Eblaham God nop gos lɨnɨgek, God gek bɨ suÅtep ne yek. Anɨb ak tek, God tap olap gɨnɨgayn agɨl aglak. 14 Nɨgɨm. God tap olap gɨnɨgayn agɨl aglak anɨb ak, binɨb takaw Mosis ñu kɨl tɨkak ak kɨdek gɨpal okok kɨlop ma agak. Binɨb nop gos lɨnepal okok kɨlop aglɨl agak. Mel ak, binɨb God nop gos lɨnepal anɨb ak gos yokɨp olap tek lak. Lek, God tap olap gɨnɨgayn agɨl aglak ak apyap pakɨpɨkop. 15 Chɨn nopun, takaw Mosis ñu kɨl tɨkak ak mɨdeb won ak, binɨb kɨdek ma gel kɨlop gos tɨmel nɨÅɨd yul awl ñub. Pen Mosis ñu kɨl tɨkak ak ma mɨdeb ak, takaw tɨbɨlɨkɨnɨgel tek ma lup. 16 God Eblaham ñapay ne kɨdek yenɨgabal okok kɨlop yɨmug nɨÅɨd gɨtep gɨl, tap olap gɨnɨgayn agɨl aglɨnɨm agɨl gos nɨgak. Anɨb ak Eblaham God nop gos lɨnɨgek God anɨb ak nɨÅɨd, adek anɨb ak Eblaham nop tap olap gɨnɨgayn agɨl aglak. Binɨb takaw Mosis ñu kɨl tɨkak kɨdek gɨpal okok nep mel, binɨb mɨdupsek Eblaham God nop gos lɨnɨgak tek nepal okok, God kɨlop abe tap olap gɨnɨgayn agɨl aglak. Eblaham, ne based chɨn mɨdupsek. 17 Buk Baybol ak anɨb ak tek tɨkɨl agak, Yad nep gek, binɨb man keke kuÅay yɨbɨl based kɨli mɨdeban agɨl tɨkak. Anɨb ak Eblaham God nop gos lɨnɨgek God anɨb ak nɨgek, Eblaham ne based chɨn mɨdeb. God nɨm ak ne ke binɨb kumeb okok kɨlop gek tepayaÅ tɨkjakɨpal, bɨlel tap ogɨnap ma yek ak pen, God agek tap anɨb okok yek. 18 Pen Eblaham ñapay tɨkɨnɨmuÅ tek ma lek, God Eblaham nop anɨgɨl agak, Nad jɨj gɨl, binɨb ñapay nad kuÅay yɨbɨl nep yenɨgabal agak. Anɨb agek, Eblaham God tɨtay gɨnɨgab ak gos ma nɨgak ak pen, ne God nɨÅɨd agup agɨl nop gos lɨnɨÅɨd, gos sek kod yek. Mɨdɨl nɨm, God agak tek binɨb man keke kuÅay yɨbɨl based kɨli yek. 19 Eblaham ne nɨgak, sub ne anep 100 tek amɨl, ne ke bɨ mɨlep yɨbɨl lak. Pen abe nɨgak, bin ne Sala ñapay ma tɨkɨl, ñapay wom. Ne pen God nop kɨles gɨl gos lɨnɨgak. 20 Eblaham ne God ne tap olap gɨnɨgayn agɨl aglak ak gɨnɨgab agɨl gos nɨgak. Gos keke ma nɨgak. Ne God nop kɨles gɨl gos lɨnɨÅɨd, yɨb awl yɨbɨl ñak. Ne nɨgtep gak, God ne kɨles tɨmel mɨdɨl, tap olap gɨnɨgayn agɨl aglak ak gɨnɨmuÅ tek lup. 22 Anɨb ak Eblaham God nop gos lɨnɨgak ak, God ne nɨÅɨd anɨb agak, Ne bɨ suÅtep yad agak. 23 Buk Baybol ak kɨl tɨkɨl agɨlak, God ne nɨÅɨd anɨb agak, Ne bɨ suÅtep yad agak agɨl tɨkɨlak. Pen agɨl tɨkɨlak anɨb ak, God ne Eblaham nokom gos nɨgɨnɨmuÅ agɨl ma tɨkɨlak. 24 Chɨnop abe gos nɨgɨnɨmuÅ agɨl tɨkɨlak. Chɨn God nop gos lɨnopun anɨb ak tek, chɨnop abe agɨnɨgab, Nɨbi binɨb suÅtep yad agɨnɨgab. God nɨm ne Jisas Bɨawl chɨn kumak ak nop gek, tepayaÅ tɨkjakak. 25 Chɨn tap tɨmel gɨpun anɨb ak tek, God Jisas nop dɨl bɨ ogɨnap ñek, nop paklel kumak. Pen yad kɨli ayɨp jɨmñɨl mɨdɨl binɨb tep yad takaw ma mɨdeb okok yenɨgel agɨl, Jisas nop gek tepayaÅ tɨkjakak.