Lom 3

1 Bɨ wak kɨlop tɨbɨlɨkɨpal ak, tap wak ak nep mel. Anɨb ak tɨtay dɨl bɨ Juda kɨli bɨawl adek alaÅ mɨdon agɨl gos nepal? Taynen wak kɨlop tɨbɨlɨkɨpal? Anɨgel, tap teplep nɨm akal tek yenɨgab? 2 Nɨgɨm, kɨli mɨdtep gɨnɨgabal. God Juda binɨb tap teplep kuÅay yɨbɨl kɨlop ñub. Tap awl ak anɨgɨl mɨdeb, God ne takaw ne ak dɨl, Juda binɨb kɨli takaw anɨb ak kod mɨdtep gɨnɨgel agɨl, kɨlop ñak. 3 Pen chɨn nopun, kɨli ogɨnap takaw anɨb ak kɨdek ma gɨlak. Pen tɨtay dɨnɨgab? Kɨli takaw anɨb ak kɨdek ma gɨlak tek, God nop gel, ne abe takaw ne ke ak kɨdek ma gɨnɨgab akaÅ? Mel yɨbɨl, takaw ne ke ak kɨdek gɨnɨgab. 4 Binɨb okok mɨdupsek binɨb takaw yepɨs agep mɨdebal ak pen, God ne nɨÅɨd yɨbɨl agɨl, agup tek gup. Takaw anɨb ak tek buk Baybol ak tɨkɨl agak, Nad takaw apan ak, binɨb kɨli nepal, yɨpɨd gɨl nep apan agɨl tɨkak. Pen nep kot gɨnɨg, kot gɨnɨgel takaw jɨj olap ma yenɨgab agɨl tɨkak. 5 Pen tɨtay dup? Bɨ ogɨnap anɨgɨl agɨnɨgabal, Taynen God ne tap tɨmel gɨpun ak chɨnop pen gup agɨnɨgabal? Chɨn tɨtɨmel gon, God yɨpɨd gɨl gɨtep gup ak mɨseÅ lɨnɨgab agɨnɨgabal. Ne gɨtep gup ak mɨseÅ lek, binɨb okok mɨseÅ nɨgɨnɨgabal agɨnɨgabal. Tap tɨtɨmel gon, God chɨnop gos tɨmel nɨÅɨd yul awl ñub ak, yɨpɨd gɨl gɨtep ma gup akaÅ agɨnɨgabal? Takaw anɨb ak, binɨb gos nɨÅɨd anɨb apal tek nep agebin. 6 God pel yɨpɨd gɨl gɨtep ma genɨgab, tɨtay dɨl binɨb kɨlop yɨpɨd gɨl tɨg asɨk bɨlokɨnɨgab? Ne pen pel yɨpɨd gɨl gɨtep gup, anɨb ak tek binɨb kɨlop yɨpɨd gɨl tɨg asɨk bɨlokɨnɨgab. 7 Pen binɨb ogɨnap agɨnɨgabal, Chɨn yepɨs adek ak gonɨgabun, binɨb ogɨnap nɨÅɨd, God bɨ yɨpɨd gɨl yɨbɨl mɨdeb ak agɨl gos nɨgɨnɨgabal agɨnɨgabal. Anɨgɨl nɨgel, God yɨb awl yɨbɨl dɨnɨgab agɨnɨgabal. Anɨb ak taynen God chɨnop tɨg asɨkɨl, nɨbi binɨb tap si tap tɨmel gep mɨdebɨm okok agɨnɨgab agɨnɨgabal? 8 Takaw anɨb ak, binɨb ogɨnap yɨp agjulɨg apal, Pol takaw anɨb ak tek agup apal. Tap si tap tɨmel anep gon gon, anɨgɨl gon tap teplep apjakɨnɨmuÅ agup apal. Binɨb yɨp agjulɨg anɨb apal okok, God kɨlop yɨpɨd gɨl bɨlokɨl, yul awl ñɨnɨgab. 9 Anɨb ak tay agɨnɨgun? God nɨgek, chɨn Juda yɨb awl mɨdobun, binɨb Juda mel okok yɨb ma mɨdeb akaÅ? Mel yɨbɨl. Chɨn apun tek, Juda binɨb ayɨp binɨb Juda mel ayɨp, tap si tap tɨmel gep ak chɨnop mɨdupsek yu gup. 10 Takaw anɨb ak tek, buk Baybol ak tɨkɨl agak, Binɨb suÅtep ne olap ma mɨdeb, mel yɨbɨl agɨl tɨkak. 11 Binɨb gos nɨgtep gup olap ma mɨdeb agɨl tɨkak. Binɨb God nop pɨyowɨl nɨÅɨd chɨgin agɨl olap ma mɨdeb agɨl tɨkak. 12 Kɨli mɨdupsek adɨkɨd God nop kelɨgɨpal agɨl tɨkak. Kɨli jɨmñɨl gɨtep ma gɨpal agɨl tɨkak. Kɨli nokom olap dɨtep gep ak ma mɨdeb, mel yɨbɨl agɨl tɨkak. 13 Meg mɨgan kɨli ak kaw mɨgan tek mɨdɨl, takaw kɨli ak kumeb apjakup ak tek mɨdeb agɨl tɨkak. Yalɨb kɨli ak adɨk madɨk gɨl pel yepɨs yɨbɨl nep apal agɨl tɨkak. Meg mɨgan kɨli takaw tɨmel apal ak, yoy salaw kabɨyam tek ak mɨdeb agɨl tɨkak. 14 Pen takaw kɨli ak mɨdupsek tɨmel agɨl, binɨb agjuwɨl mɨlɨk nɨÅɨd kuj tɨmel gɨl gɨpal agɨl tɨkak. 15 Kɨles tɨmel yɨbɨl gɨl, binɨb paklɨnɨg gos anep nepal agɨl tɨkak. 16 Binɨb okok kɨlop pel gɨ tɨmel gɨl gel, koslam mɨdɨl mɨdtep ma gɨl, yul dɨl mɨÅel awl yɨbɨl dɨpal agɨl tɨkak. 17 Binɨb okok ayɨp, kɨmɨgel jɨmñɨl mɨdtep gɨnɨgun agɨl gos ak ma nepal agɨl tɨkak. 18 Kɨli God bɨ jel gup ak agɨl, ma yɨbɨl pɨlɨkɨpal agɨl tɨkak. 19 Pen chɨn nopun, God agek takaw Mosis ñu kɨl tɨkak anɨb ak, binɨb takaw anɨb ak muk okok mɨdebal okok kɨlop nep agup. Anɨgɨl agek, binɨb mɨdupsek binɨb suÅtep mɨdobun agɨl gos nɨgɨnɨgel tek ma lup. Binɨb man okok mɨdupsek gɨ tɨmel gɨpal ak nɨm, God kɨlop tɨg asɨk bɨlokɨnɨmuÅ tek lup. 20 Anɨb ak, binɨb takaw Mosis ñu kɨl tɨkak ak nɨÅɨd kɨdek gel, God kɨlop gek binɨb suÅtep ne okok ma yenɨgabal. Takaw Mosis ñu kɨl tɨkak ak pen nɨÅɨd, gos nopun, chɨn binɨb tap si tap tɨmel gep okok mɨdobun. 21 Mɨñɨl pen God binɨb kɨlop gek binɨb suÅtep ne mɨdebal ak mɨseÅ lup. Kɨli takaw Mosis ñu kɨl tɨkak ak nɨÅɨd kɨdek gel, God gek binɨb suÅtep ne ma mɨdebal. Mel. Pen takaw Mosis ñu kɨl tɨkak ak sek, takaw bɨ God gos ñek agñeb okok ñu kɨl tɨkɨlak ak sek, kɨli God anɨgɨl gɨnɨgab agɨl agyɨkɨlak. Anɨb agɨlak, God binɨb kɨlop gek binɨb suÅtep ne yenɨgabal agɨlak. 22 Binɨb Jisas Klays nop gos lɨnɨgel, God kɨlop gek binɨb suÅtep ne mɨdebal. Pen Juda binɨb kɨli pɨs olap mɨdebal, binɨb Juda mel pɨs olap mɨdebal agɨl gos ma nɨgup. Binɨb mɨdupsek Klays nop gos lɨnepal okok, God kɨlop gek binɨb suÅtep ne mɨdebal. 23 Chɨn mɨdupsek tap si tap tɨmel gɨl, ne ayɨp yonɨgun tek ma lup ak pen, 24 God chɨnop mɨdupsek yɨmug nɨÅɨd gɨtep gup. Yɨmug nɨÅɨd gɨtep gek, God ayɨp jɨmñɨl mɨdɨl binɨb tep ne takaw ma mɨdeb okok yonɨgun tek lup. Chɨn tap ogɨnap gon ne chɨnop anɨb ma gup. Klays Jisas nop monmon agyoken kɨlop pɨsnep dek koÅɨm amnɨgel agɨl gos nɨÅɨd anɨgak. 25 God ne Jisas nop sɨbog ñɨbal tek ñek, ne kumɨl nɨkɨm ne sogek, binɨb mɨdupsek tap si tap tɨmel gɨpal ak tɨg walɨg gɨyokɨmuÅ tek lup. Anɨb ak God chɨnop yomub, ne bɨ suÅtep mɨdɨl, pel yɨpɨd gɨl gɨtep gup. Bɨlel ne binbɨ okok kɨlop nɨÅɨd, kɨmɨgel mɨdɨl, tap si tap tɨmel gelɨgɨpal anɨb okok gos nɨgɨlɨg ma yolɨgup. 26 Pen mɨñɨl chɨnop yomub, ne ke bɨ suÅtep yɨpɨd gɨl gɨtep gup ak mɨdeb. Ne bɨ suÅtep mɨdɨl, binɨb Jisas nop gos lɨnepal okok God kɨlop gek, binɨb suÅtep ne mɨdebal. 27 Anɨb ak tɨtay dɨl yɨb chɨn ak dad aplanɨgun? Tap olap nɨÅɨd anɨgɨnɨgun ak ma mɨdeb. Taynen yɨb chɨn ak ma dad aplanɨgun? Jɨj ak anɨgɨl mɨdeb. Klays nop gos lɨnɨgon, God chɨnop gek binɨb suÅtep ne mɨdobun. Takaw Mosis ñu kɨl tɨkak ak kɨdek gon, God chɨnop gek binɨb suÅtep ne ma mɨdobun. Mel. 28 Chɨn anɨgɨl gos nopun, binɨb kɨli Jisas nop gos lɨnɨgel, God kɨlop gek binɨb suÅtep ne yenɨgel. Pen takaw Mosis ñu kɨl tɨkak ak, ne binɨb okok kɨlop gek God binɨb suÅtep ne yenɨgel tek ma lup. 29 Tɨtay dup? God ne Juda binɨb God kɨli ke mɨdeb akaÅ, binɨb Juda mel God kɨli abe mɨdeb akaÅ? Yaw, ne binɨb Juda mel God kɨli abe mɨdeb. 30 God nokom nep mɨdeb ak nɨm, Juda binɨb wak kɨlop tɨbɨlɨkep Jisas nop gos lɨnepal okok ayɨp, binɨb Juda mel wak kɨlop ma tɨbɨlɨkep Jisas nop gos lɨnepal okok ayɨp, omɨÅal gɨl kɨlop gek binɨb suÅtep ne yenɨgabal. 31 Anɨb ak chɨn Jisas nop gos lɨnɨgep ak, tap awl yɨbɨl mɨdeb agɨl gos nɨÅɨd nɨm, takaw Mosis ñu kɨl tɨkak ak tɨtay dɨnɨgun? Pɨsnep dɨyokɨnɨgun akaÅ? Mel yɨbɨl, pɨsnep ma dɨyokɨnɨgun. Chɨn pen anɨb agɨnɨgabun, Takaw Mosis ñu kɨl tɨkak ak am wos gɨnɨgab agɨnɨgabun.