Lepelesin 5

1 Pen nɨgɨnek, bɨ bɨnonɨm besɨg mɨdep ak yek, mɨj palawl dayday kamɨlak olap, ñɨn yɨpɨd kɨd ak dɨ yek. Mɨj kamɨlak anɨb ak, yɨb okok seÅ adek okok ken tɨkɨl, mɨgan ayaÅ ken tɨkɨl gɨlak. Pen dayday kamɨl, nag keke anep kugul ak tunɨg tep yɨbɨl gɨlak. 2 Pen God ensel ne awl yɨbɨl olap nɨgɨnek. Ensel anɨb ak apɨl, suk awl agɨl agak, Bɨ an tek nag lak awl wɨsɨbɨl, mɨj anɨb awl malakɨnɨgab agak? 3 Anɨb agak ak pen, bɨ wɨsɨp alaÅ akaÅ, lum awl akaÅ, muk okyaÅ ogɨnap akaÅ, mɨj anɨb ak malakɨl nɨgɨnɨgel tek olap ma yelak. 4 Anɨgek nɨgen, mɨj anɨb ak malakɨl nɨgɨnɨgel tek olap ma yelak. Yad anɨb ak nɨÅɨd, chɨb gek chaÅ awl lɨnek. 5 Pen bɨawl anep 24 okok, olap yɨp agak, ChaÅ ma lɨnɨmɨn agak. Nɨgan. Bɨ olap yɨb nop ak Chen Layon kɨles tek agɨlak agak. Ne Juda jɨj ak nɨb, bɨnonɨm Depid tɨkek tɨk dad amɨl, nop tɨkelak ne Bɨawl yek agak. Ne bɨ penpen gep ak kɨlop ñag jup tek, mɨj anɨb ak nag anep kugul ak wɨsɨbɨl, malakɨnɨgab agak. 6 Pen nɨgɨnek, Chag Sipsip Ãɨluk ñag lelak kumak tek olap jakɨl yek. Ne bɨnonɨm besɨg mɨdep abe, tap kɨm mɨdep omɨÅal omɨÅal anɨb okok abe nab sɨÅak yek. Pen bɨawl kuskus gɨl yelak. Chag Sipsip Ãɨluk anɨb ak mablod anep kugul ak, wɨdɨn anep kugul ak lak. Wɨdɨn anep kugul lak takaw jɨj ak, God Kawnan ne ak tam pakɨl anep kugul lup ak. Kawnan ne anɨb ak yokek, lum okok mɨdupsek kɨd kɨd amub. 7 Pen Chag Sipsip Ãɨluk ak bɨ bɨnonɨm besɨg mɨdep yek ak jɨj sɨÅak amnak. Amɨl, mɨj kamɨl ñɨn yɨpɨd kɨd okok ken dɨ yek ak ne dak. 8 Dak tek, tap kɨm mɨdep omɨÅal omɨÅal anɨb okok sek, 24 bɨawl okok sek, ap kɨli Chag Sipsip Ãɨluk yek sɨÅak kɨgom yɨmɨlak. Bɨawl anɨb okok kɨli tap gita tek okok keke dɨl, kɨnag gol dɨl gɨlak okok keke dɨ yelak. Kɨnag dɨ yelak mɨgan anɨb okok, tap kuy tep owep ak dagɨlel sɨkom kuy tep aplan jakɨl yek. Tap kuy tep owep God nop dagɨlɨlak anɨb ak, binɨb God yɨl yelak okok agnɨgep kɨli tek ak. 9 Pen kɨli kɨmep kɨdeyɨl olap agɨl agɨlak, Nep ñag lelak kumnak ak, binɨb man keke mɨdebal tek, jɨj keke mɨdebal tek, takaw yɨbɨl keke apal tek, wak keke lup tek, ogɨnap God yɨl dɨnak agɨlak. God yɨl dɨnak ak nɨm, nak nokom mɨj kamɨl tunɨg tep gak anɨb ak, dɨ wɨsɨbɨl malakɨnɨmɨn tek lup agɨlak. 10 Nad bɨnonɨm kɨli ak mɨdaknɨÅ, kɨli binɨb God nop sɨbogep okok mɨdɨl, God chɨn anop wog gɨtep gɨlɨg mɨdebal agɨlak. Kɨdek kɨli nad ayɨp, binɨb lum awl kɨlop kodɨnɨgabal agɨlak. 11 Pen tepayaÅ nɨÅɨd nɨgɨnek, ensel ñɨn juwɨl ñɨn juwɨl, tawsin milion kuÅay yɨbɨl kuÅay yɨbɨl ap yelak. Apɨl bɨnonɨm besɨg mɨdep ak sek, tap kɨm mɨdep omɨÅal omɨÅal okok sek, bɨawl anep 24 okok sek kɨlop puÅɨl kus gɨl agɨl, 12 meg mɨgan dad aplanɨlɨg agɨlak, Chag Sipsip Ãɨluk nop ñag lelak kumak ak, ne bɨ tep yɨbɨl agɨlak. Ne nɨm, bɨ yɨb awl yɨbɨl mɨdɨl, kɨles dɨl, gos teplep abe nɨÅɨd, tap teplep okok mɨdupsek dɨnɨmuÅ tek yenɨgab agɨlak. Binɨb okok kɨlop tep yɨbɨl gek, nop tep agɨl, yɨb nop dad aplanɨgabal agɨlak. 13 Pen nɨgɨnek, tap mɨdupsek God ne gɨlak okok, wɨsɨp alaÅ, lum awl, muk okyaÅ, ñɨg solwala nab ayaÅ, okok mɨdupsek agɨl agɨlak, Bɨ bɨnonɨm besɨg mɨdep ak sek, Chag Sipsip Ãɨluk ak sek, bɨ omɨÅal bɨ yɨb awl yɨbɨl mɨdɨl, kɨles dɨnɨgel agɨlak. Binɨb okok kɨlopmɨÅal tep agɨl, yɨb kɨlop dad aplanɨgel, pel pelnep agɨlak. 14 Anɨb agelak, tap kɨm mɨdep omɨÅal omɨÅal okok agɨlak, NɨÅɨd apal agɨlak. Anɨb agelak, bɨawl okok kɨli kɨgom yɨmɨl, kɨlopmɨÅal yɨb dad aplanɨlak.