Lepelesin 4

1 Pen takaw kɨl tɨkɨpin anɨb ak nɨÅɨd, sayn tap olap nɨgɨnek, God man ne alaÅ kanɨbtub yɨkɨl yek. Ned akɨl tek agek nɨgɨnek ak, tepayaÅ ak agɨl yɨp agak, Adek awl ape, tap kɨdek gɨnɨgab okok nep yomin agak. 2 Anɨb agaknɨÅ, God Kawnan ne ak ap yɨp bak laknɨŠnɨgɨnek, God man ne alaÅ bɨ olap mɨdɨl, bɨnonɨm besɨg mɨdep adek sɨÅak besɨg yek. 3 Wak nop ak ke yɨbɨl lɨl, kab Kɨlmejɨk ayɨp kab Koniliyan ayɨp tek ñɨñakol gɨlɨg yek. Pen chɨben ak nop gaw gɨl, kab Emelal tek gugɨñ pagɨñ gɨl, yɨnɨg tɨk yapɨlɨg yek. 4 Bɨnonɨm besɨg mɨdep ne ak nab ayaÅ mɨdaknɨÅ, bɨawl besɨg mɨdep anep 24 okok lɨl kus gɨlak. Bɨawl anɨb okok chech kayɨg yɨmɨl, tap gol dɨl gɨlak nag ak, kɨmɨg cheg okok keke lɨl, besɨg yelak. 5 Bɨnonɨm besɨg mɨdep sɨÅak, añɨñak dɨlɨg, tɨmuk awl agɨlɨg, gu agek palsek amnak. Jɨj anɨb sɨÅak sup mɨlek anep kugul ak mɨlek gɨ yek. Sup mɨlek anɨb okok nɨm, God Kawnan ne ak tam pakɨl anep kugul lup ak. 6 Bɨnonɨm besɨg mɨdep ne yek jɨj sɨÅak, tap olap ñɨg solwala ak glas tek kɨd yɨbɨl agɨl yek. Besɨg mɨdep bak ne ak, tap kɨm mɨdep omɨÅal omɨÅal jak mɨd kus gɨlak. Tap anɨb okok wɨdɨn kɨli kuÅay nep kud okok mɨdɨl, wɨŠokok mɨdɨl gak. 7 Tap kɨm mɨdep anɨb okok, olap chen layon tek lak, olap chag bulmakaw ñɨluk tek lak, olap bɨ jomulɨk tek lak, olap yawl duk pɨl palsek lɨ ajɨpal tek lak. 8 Pen tap anɨb okok mɨdupsek pɨlɨkɨd anep kagol ak lak. Wɨdɨn kuÅay yɨbɨl, adek okok dɨl, pɨlɨkɨd okok dɨl mɨdupsek yu gak. Pen subnab maynab ayaÅ, kɨmep ag mɨdɨlɨg agɨlak, God Bɨawl yɨbɨl, tap okok mɨdupsek gɨnɨmuÅ tek nep mɨdeb ak agɨlak. Ne bɨ suÅtep agɨlak. Ne bɨ suÅtep agɨlak. Ne bɨ suÅtep agɨlak. Ned yek, mɨñɨl mɨdeb, kɨdek yenɨgab agɨlak. 9 Pen tap kɨm mɨdep keke omɨÅal omɨÅal anɨb okok, bɨ bɨnonɨm besɨg mɨdep adek yek ak pel pelnep yenɨgab ak kɨlop tep gaknɨÅ, nop tep agɨlɨg yɨb nop dad aplanɨlak. 10 Aplanelak, 24 bɨawl okok, kɨli jɨj sɨÅak kɨgom yɨmɨl, bɨ bɨnonɨm besɨg mɨdep adek yek ak nop gos anep lɨlɨg Bɨawl yɨbɨl ak pel pelnep yenɨgab agɨlɨg, nag kɨmɨg cheg lɨlak ak tɨg asɨkɨlak. Tɨg asɨkɨl ne yek sɨÅak dɨyokɨl, yɨb nop dad aplanɨlɨg agɨlak, 11 God Bɨawl chɨn, nad tap okok mɨdupsek gɨlɨnak agɨlak. Gos nad nɨÅɨd tap okok mɨdupsek gɨlɨnak agɨlak. Gɨle, mɨñɨl tap anɨb okok mɨdupsek mɨdeb agɨlak. Anɨge, binɨb mɨdupsek kɨlop tep yɨbɨl gek, yɨb nep dad aplanɨl, kɨles nad muk okok yelak agɨlak. Anɨgebal nɨm, teplep mɨdeb agɨlak.