Jon 19

1 Juda binɨb okok anɨb agelak, Paylat bɨ chɨm kadɨŠgep ne okok kɨlop agek, Jisas nop dad nag ñuñu dɨl tapɨn yɨbɨl pakɨlak. 2 Anɨgɨl pakɨl, nag ñuñu sek ogɨnap dɨlɨg dɨ kos bol gɨl kɨmɨg nop alaÅ tol gɨñɨlak. Bɨnonɨm nag lelɨgɨpal tek, Jisas nop abe gɨñɨlak. Gɨñɨl, chech nɨkɨm palsek olap lɨñɨl, 3 nop yek sɨÅak am ap gɨlɨg agɨlak, Juda bɨnonɨm kɨli ak, pelnep yenɨmɨn agɨlak. Anɨb agɨlɨg, mɨkem nop pakɨlɨg pakɨlɨg gɨlak. 4 Pen Paylat tepayaÅ seÅ amɨl, Juda binɨb okok kɨlop agak, Nɨgɨm. Nop dɨl, dad seÅ awl nɨbop apen nɨgɨnɨmɨb, ne tap tɨmel olap gup ak ma pɨyow nepin agak. 5 Anɨb agek, Jisas kɨmɨg nop nag ñuñu sek ak gɨñɨl, chech nɨkɨm palsek ak lɨñel, seÅ owaknɨŠPaylat kɨlop agak, Nɨgɨm, bɨ anɨb ak nɨm ak agak. 6 Pen bɨ God nop sɨbogep bɨawl okok sek, Juda polis okok sek kɨli nop nɨÅɨd, suk awl agɨl agɨlak, Nop mab bak alaÅ chɨpɨl pak tɨbɨk lem kumaÅ. Nop mab bak alaÅ chɨpɨl pak tɨbɨk lem kumaÅ agɨlak. Agelak Paylat kɨlop agak, Nɨbi ke nop dad amɨl, mab bak alaÅ chɨpɨl pak tɨbɨk lem kumaÅ agak. Yad tap tɨmel olap gup ak ma pɨyow nepin agak. 7 Agek, Juda kay pen agɨlak, Ne ke agup, God Ãɨne mɨdebin agup agɨlak. Pen takaw adek chɨn Mosis ñu kɨl tɨkak olap mɨdeb, takaw anɨb ak agak, Bɨ olap agup anɨb ak, kumnɨmuÅ agak agɨlak. 8 Anɨb agelak nɨÅɨd, Paylat jel awl yɨbɨl gek pɨlɨkɨl, 9 adɨkɨd kal mɨgan ayaÅ amɨl, Jisas nop agnɨÅɨd agak, Nad man akal nɨb agak? Agek, takaw olap pen ma yɨbɨl agak. 10 Anɨgek, Paylat agak, Tɨtay dɨl yɨp takaw ma ageban agak? Yad nokom nep kod mɨdebin, ak nad ma nepan akaÅ agak? Wɨsɨk yokɨnɨg wɨsɨk yokɨnɨgayn, pen mab bak alaÅ chɨpɨl pak tɨbɨk lɨnɨmɨb agen, chɨpɨl pak tɨbɨk lel kumnɨgaban agak. 11 Agek Jisas pen agak, Pen yɨp kod mɨdeban ak nad ke mel, God nokom adek alaÅ mɨdeb ak agek kod mɨdeban agak. Anɨb ak tap tɨmel yɨp geban ak, nak mɨÅel sɨkol olap dɨnɨgaban agak. Bɨ pen yɨp dad apɨl nep ñɨl, yɨp gɨ tɨmel yɨbɨl gup ak, mɨÅel awl yɨbɨl ak dɨnɨgab agak. 12 Anɨb agek, Paylat Jisas nop yokɨp agyokin agɨl gos nɨgak ak pen, Juda kay meg mɨgan dad aplanɨl agɨlak, Bɨ anɨb anop yokɨp agyokenɨgaban, Lom gapman bɨnonɨm ak bogɨlak ne ma mɨdeban agɨlak. Bɨ olap ne ke bɨnonɨm mɨdebin agup ak, Lom gapman bɨnonɨm ayɨp penpen ñagul agɨl nɨgup agɨlak. 13 Anɨb agelak nɨÅɨd, Paylat Jisas nop poÅɨd seÅ apɨl, am bɨawl mɨj adek ak besɨgak. Tep adek besɨgak anɨb ak, Kab Simen Adek apal. Pen Hiblu takaw ak, Gabada apal. 14 Pen ñɨn anɨb ak, Juda binɨb Pasopa tap kɨli nan gep ñɨn ak. Subnab won ak, Paylat Juda kay kɨlop agak, Nɨgɨm, bɨnonɨm nɨbi ak agak. 15 Agek, meg mɨgan dad aplanɨl agɨlak, Nop agyokan. Nop agyokan agɨlak. Nop mab bak alaÅ chɨpɨl pak tɨbɨk lem kumaÅ agɨlak. Agel, Paylat kɨlop agak, Bɨnonɨm nɨbi ak, nop mab bak alaÅ chɨpɨl pak tɨbɨk len kumaÅ akaÅ agak? Agek, bɨ God nop sɨbogep bɨawl okok pen agɨlak, Bɨnonɨm chɨn olap ma mɨdeb, Lom gapman bɨnonɨm chɨn nokom mɨdeb agɨlak. 16 Pen anɨgɨl ag dad amɨl, Paylat takaw kɨlop ak dɨl, bɨ chɨm kadɨŠgep ne okok kɨlop agak, Nop dam mab bak alaÅ chɨpɨl pak tɨbɨk lem kumaÅ agak. Jisas nop mab bak alaÅ chɨpɨl pak tɨbɨk lɨlak (Matyu 27.32-44, Mak 15.21-32, Luk 23.26-43) Paylat anɨb agek, Jisas nop dad amnɨlak. 17 Pen Jisas ne ke mab nop chɨpɨl pak tɨbɨk lɨlak ak dɨl, man awl ak kelɨgɨl, dad amɨl man Chɨp Kɨmɨg Cheg Won apal ak amnak. Pen Hiblu takaw ak, Golgota apal. 18 Man anɨb ak amek, nop nab ayaÅ mab bak alaÅ chɨpɨl pak tɨbɨk lɨlak. Pen bɨ omɨÅal ayɨp, olap pɨs olap pɨs mab bak alaÅ chɨpɨl pak tɨbɨk lɨlak. 19 Pen Paylat abe agek, Jisas nop chɨpɨl pak tɨbɨk lɨlak mab bak alaÅ, yɨb tɨk lɨl agɨlak, Jisas bɨ Nasalet nɨb ak, Juda bɨnonɨm kɨli ak agɨl ñu kɨl tɨkɨlak. 20 Takaw adek nokom anɨb anep, Hiblu takaw kɨl tɨkɨl, Lom takaw kɨl tɨkɨl, Glik takaw kɨl tɨkɨl gelak nɨm, man awl ak wulep anɨb sɨÅak yek tek, Juda binɨb kuÅay yɨbɨl nɨgɨlak. 21 Pen bɨ God nop sɨbogep bɨawl okok, kɨli amɨl Paylat nop agɨlak, Takaw anɨb ak Juda bɨnonɨm kɨli ak ma kɨl tɨkɨnɨmɨn agɨlak. Bɨ anɨb ak pen ne agup, Yad Juda bɨnonɨm kɨli ak agup takaw anɨb ak kɨl tɨkɨnɨmɨn agɨlak. 22 Anɨb agelak, Paylat pen agak, Takaw tɨtay agɨl kɨl tɨkɨpin ak, anɨgɨl nep yonɨmuÅ agak. 23 Pen bɨ chɨm kadɨŠgep okok, kɨli Jisas nop mab bak alaÅ chɨpɨl pak tɨbɨk lɨlak won ak, chech tap ne yɨmak okok tɨg asɨk keke lel, tɨgawup oÅɨd amek keke dɨlak. Pen chech palsek ma ñag dɨlak ak, yɨmɨl yek abe tɨg asɨk dɨlak. 24 Pen ma ñag dɨlak ak nɨÅɨd, kɨli ke agɨlak, Ma tɨg talɨkɨnɨgun agɨlak. Yokɨp sadu tek gɨl, bɨ an kɨles gɨl dɨnɨmuÅ ak ne dɨnɨmuÅ agɨlak. Anɨb agɨl, sadu tek gɨl bɨ olap ne dak. Gɨlak anɨb ak, buk Baybol tɨkak adek ak nep gɨlak. Takaw anɨb ak kɨl tɨkɨl agak, Chech yad ak bɨlok keke dɨl, chech palsek yad ak dun agɨl, sadu tek gɨl bɨ olap ne dɨnɨmuÅ agɨl tɨkak. 25 Pen Jisas nonɨm ak, numkay ak, Maliya bɨ Klopas bin ne ak, Maliya taun Makdala nɨb ak, kɨli Jisas nop mab bak alaÅ chɨpɨl pak tɨbɨk lɨlak ak gol sɨÅak jakɨl nɨg yelak. 26 Jisas nonɨm anɨgɨl yek nɨÅɨd, bɨne mapen yɨbɨl lolɨgup ak abe wulep anɨb sɨÅak jak yek ak nɨm, Jisas ne ami nop agak, Bin, ñɨ nad nɨm pi ak agak. 27 Anɨb agɨl, bɨne anɨb ak nop agak, Nanɨm nad nɨm pi ak agak. Anɨb agek, kɨdek won ak bɨne anɨb ak nonɨm nop poÅɨd kal ne amɨl, kod yolɨgup. 28 Pen Jisas nɨgak, wog ne ak mɨdupsek gɨjup ak nɨm, buk Baybol takaw tɨkɨlak ak nɨÅɨd yɨbɨl lɨnɨmuÅ agɨl agak, Yɨp kuÅam mɨlep gup agak. 29 Pen ñɨg wayn sɨlek kɨnag olap sɨÅak yek ak nɨm, kɨli nop yɨmug nɨÅɨd, tap sayn bad olap dɨl, ñɨg wayn sɨlek anɨb ak tawɨl, dɨl mab lek ak olap kabes ñagɨl, dad aplanɨl Jisas joÅɨb adek nop alaÅ ak lɨlak. 30 Lelak, Jisas ñɨg wayn sɨlek ak ñɨbɨl agak, Nɨm tep agak. Agɨl jel kuyan gɨl, kawnan ne ak nop kelɨgɨl amnak. 31 Pen ñɨn anɨb ak, Juda binɨb tap kɨli nan gep ñɨn ak. Tol Juda añɨŠlep ñɨn awl anɨb ak, ñɨn awl yɨbɨl kɨli ownɨgab anɨb ak nɨm, chɨp okok mab bak alaÅ ma yonɨmuÅ agɨl nɨgɨlak. Anɨgɨl nɨÅɨd, am Paylat nop agnɨÅɨd agɨlak, Bɨ mab bak alaÅ chɨpɨl pak tɨbɨk lɨpal okok, tob kɨlop okok pak pagel kasek kumel, dɨ lum ayaÅ lɨnɨgel agɨlak. 32 Agelak, Paylat bɨ chɨm kadɨŠgep ne okok kɨlop agek, am bɨ Jisas ayɨp mab bak alaÅ chɨpɨl pak tɨbɨk lɨpal omɨÅal ak, tob kɨlop pak pagɨlak. 33 Pen Jisas nop amɨl nɨgɨlak, ne kumak. Anɨb ak tob nop ak ma pak pagɨlak. 34 Bɨ chɨm kadɨŠgep olap pen, kusal ak dɨl, Jisas nop tɨgɨlem ajɨŠsɨÅak puÅɨlek, won anɨb anep nɨkɨm sek ñɨg sek yowak. 35 Pen bɨ Jisas nop gɨlak anɨb ak wɨdɨn ne ke nɨÅɨd, binɨb okok kɨlop agñub. Takaw agñub anɨb ak, takaw nɨÅɨd yɨbɨl ak. Pen ne nɨgup, takaw ne nɨÅɨd agup anɨb ak, nop gos lɨnɨgɨnɨmɨb. 36 Pen gak anɨb ak, buk Baybol ak agɨl kɨl tɨkɨlak tek nep gak. Tɨkɨl agɨlak, TɨÅɨl nop ak, olap ma pak pagɨnɨgabal agɨl tɨkɨlak. 37 Pen takaw olap tɨkɨl agɨlak, Bɨ puÅɨlak anop nɨgɨnɨgabal agɨl tɨkɨlak. 38 Pen bɨ man sɨkol Alimateya nɨb olap yek. Ne Jisas bɨne olap pen, Juda bɨawl okok kɨlop nɨÅɨd pɨlɨkɨl, mɨseÅ ma agolɨgup. Bɨ anɨb ak yɨb ne Josep. Jisas nop gɨlak ak gɨjuwɨlak, Josep ne Jisas nop dad amnin agɨl, am Paylat nop agnɨgek, yaw agek, am dɨnɨg amnak. 39 Amek, bɨ Nikodemus ned am Jisas nop maynab ayaÅ nɨgak ak, tap kuy tep owep ak kuÅay yɨbɨl dad, Josep ayɨp amnɨlek. Tap kuy tep owep anɨb ak, mab Mul apal mok ak sek, mab Alos apal mok ak sek dɨl gɨlak. 40 Kɨli bɨ omɨÅal amɨl Jisas nop kamnɨg, Juda binɨb gelɨgɨpal tek gɨlek. Mab mok kuy tep owep ak dad amnɨlek okok, wak nop okok wikɨl, chech tep bad okok dɨl kam sɨlokɨlek. 41 Jisas nop mab bak alaÅ chɨpɨl pak tɨbɨk lɨpal wulep anɨb sɨÅak, wog day olap yek. Pen wog day nab anɨb ak, chɨp kaw koÅɨm kab mɨgan tɨdamɨgɨl dɨlak ak olap yɨg pag lɨl, chɨp olap ma kamɨlak. 42 Pen ñɨn anɨb ak Juda binɨb tap kɨli nan gep ñɨn ak, tol ñɨn awl ak ownɨgeb tek, kasek kamnɨgun agɨl, kab mɨgan wulep anɨb sɨÅak kamɨlak.