Jon 18

1 Jisas Nap nop takaw agnɨg juwɨl, bɨne okok ayɨp amɨl ñɨg jɨluÅ olap tɨkɨlak. Ãɨg jɨluÅ anɨb ak, yɨb Kidlon apal ak. Pɨs kɨd adaÅ amɨl, wog day yek mɨgan amnɨlak. 2 Pen wog anɨb ak, Jisas ayɨp bɨne okok ayɨp pel apnan gelɨgɨpal anɨb ak tek, Judas bɨ Jisas nop chen mɨmug gak ak, tep anɨb ak nɨgtep gak. 3 Ne apɨl, bɨ chɨm kadɨŠgep ogɨnap dad owak. Pen bɨ God nop sɨbogep bɨawl okok sek, bɨ Pelisi okok sek, kɨli polis kɨli ogɨnap kɨlop agyokel, Judas ne apɨl polis anɨb okok abe dad owak. Kɨlop dɨl poÅɨd, kɨli sup ogɨnap, lam ogɨnap, tap chɨm kadɨŠgep okok ogɨnap dɨl, wog day anɨb ak dad apjakɨlak. 4 Pen Jisas nop tap tɨtay gɨnɨg gɨlak ak ne ke nɨgak ak nɨm, apelak sɨÅak amɨl agak, An nop pɨyow ajebɨm agak? 5 Agek pen agɨlak, Jisas bɨ Nasalet nɨb agɨlak. Agel agak, Nɨm yad agak. Agak anɨb won ak nep, Judas ne bɨ Jisas nop chen mɨmug gak ak, kɨli ayɨp anɨb wagen sɨÅak jakɨl yek. 6 Pen Jisas agak, Nɨm yad agek, kɨli pɨlɨk keke sɨÅadaÅ amɨl, apyap pakɨlak. 7 Pen kɨlop tepayaÅ agnɨÅɨd agak, An nop pɨyow ajebɨm agak? Agek agɨlak, Jisas bɨ Nasalet nɨb agɨlak. 8 Agel pen agak, Nɨbop mɨneyɨl apin, Nɨm yad apin agak. Yɨp pɨyow ajɨlɨg yɨl nɨm, bɨ okol kɨlop kelɨgem amnɨgel agak. 9 Tap gak anɨb ak, Jisas ned Nap nop agak tek nep gak. Ne ned agak, Bɨ yɨp agɨnak okok, olap ma kul gup mɨdebal agak. 10 Pen Saymon Pita baynat dad owak ak lɨpɨg dɨl, bɨ olap nop tɨmud yɨpɨd kɨd ak pɨsnep tɨbɨlɨk yokak. Bɨ anɨb ak, ne bɨ God nop sɨbogep bɨawl yɨbɨl ak wog gɨñeb ne olap, yɨb ne Malkus. 11 Pita anɨgek, Jisas agak, Baynat dɨpan ak tepayaÅ lan agak. Ãɨg sɨlek kɨnag Bapi yɨp ñub ak, ma ñɨÅɨnɨmuÅ agɨl nepan agak? 12 Jisas anɨb agaknɨÅ, bɨ chɨm kadɨŠgep okok sek, bɨawl yɨbɨl kɨli ak sek, Juda bɨ polis okok sek, kɨli Jisas nop chɨchɨk dɨl, tun gɨlak. 13 Tun gɨl, nop dad Anas yek ak ned amnɨlak. Bɨ Anas anɨb ak, Kayapas nɨmak ne. Kayapas nɨm, bɨ God nop sɨbogep bɨawl yɨbɨl ak, sub nokom anɨb ak aglelak wog gɨ yek. 14 Pen Kayapas ne nokom nɨm, ned Juda bɨawl okok kɨlop anɨb agak, Bɨ nokom olap chɨnop nen agɨl kumenɨgab, tep yɨbɨl agak. 15 Pen Jisas nop anɨgɨl dad Anas yek ak amnɨlaknɨÅ, Saymon Pita ayɨp, Jisas bɨne olap ayɨp, kɨdek kɨdek amnɨlek. Bɨ God nop sɨbogep bɨawl yɨbɨl ak, ne Jisas bɨne anɨb anop nɨgtep gak. Anɨb ak tek, ne Jisas nop kɨdek gɨl, bɨ God nop sɨbogep bɨawl yɨbɨl kal ne ak wali mɨgan ayaÅ amnak. 16 Pita pen seÅayaÅ kanɨbtub sɨÅak jak yek, anɨb ak Jisas bɨne anɨb ak adɨkɨd apɨl, bin kanɨbtub kod yek anop agɨl, Pita nop poÅɨd wali mɨgan ayaÅ amnak. 17 Pen bin kanɨbtub kod yek ak, ne Pita nop agak, Nad abe bɨne olap tek lup agak? Agek agak, Yad mel agak. 18 Pen bɨ wog gɨñeb okok sek, Juda polis okok sek kɨlop takɨl gek, mab olap nab anɨb sɨÅak dagɨl, jakɨl nep mɨÅɨl yelak. Pita nop abe takɨl gek, ap kɨli ayɨp jakɨl nep mɨÅɨl yek. 19 Pen bɨ God nop sɨbogep bɨawl yɨbɨl ak ne Jisas nop agnɨgak. Bɨne tɨtay dɨl wog gelɨgɨpal ak sek, takaw ne tɨtay agñolɨgup ak sek nop agnɨgak. 20 Anɨgɨl agnɨgek Jisas pen nop agak, Yad takaw ogɨnap we gɨl ma agñɨnek agak. Bɨ Juda okok kɨli mɨdupsek pel apnan gɨl nɨg yelaknɨÅ, Juda apnan gɨpal kal okok sek, God agnɨgep kal awl ak sek, pel mɨseÅ agñɨbin agak. 21 Anɨb ak taynen yɨp agnɨgeban agak? Binɨb yɨp nɨgɨlak okol, takaw agɨnek ak nepal tek lup ak, kɨlop agnɨgɨnɨmɨn agak. 22 Jisas anɨb agek, Juda polis olap jak mɨdɨlɨg, nop mɨkem kɨd sɨÅak pakɨl agak, Taynen nad bɨ God nop sɨbogep bɨawl yɨbɨl anop takaw anɨb ak tek ageban agak? 23 Agek pen agak, Takaw tɨmel olap agen, takaw tɨmel apin anɨb ak binɨb okol kɨlop agtep agñan agak. Pen takaw nɨÅɨd yɨbɨl ak agen, taynen yɨp pakɨpan agak? 24 Pen Anas ne Jisas nop tun gɨlak tek mɨdaknɨŠagek, dad Kayapas bɨ God nop sɨbogep bɨawl yɨbɨl yek ak amnɨlak. 25 Pen Saymon Pita ne anɨgɨl nep jakɨl mab mɨÅɨl mɨdaknɨÅ, bɨ ogɨnap nop agɨlak, Nad abe bɨne olap tek lup agɨlak? Agel, ag sɨlokɨl agak, Yad mel agak. 26 Pen bɨ God nop sɨbogep bɨawl yɨbɨl ak, bɨ wog gɨñeb ne olap yek. Bɨ wog gɨñeb ne anɨb ak, Pita bɨ tɨmud tɨbɨlɨkak ak, bɨne jɨmñɨl adek nokom anep tɨk damɨl tɨkɨpal olap yek. Pen ne Pita nop agak, Yad nep nepin, nak bɨ anɨb ak ayɨp wog day ak yesɨpil tek lup agak. 27 Agek, Pita tepayaÅ ag sɨlokɨl agak, Mel agak. Anɨb agaknɨÅ, anɨb won ak nep yawl kakaluk abe suk agak. 28 Man tɨkaknɨÅ, Juda bɨawl okok kɨli Jisas nop dɨl, Kayapas kal ak nɨb, dad Lom gapman bɨawl yek kal ak amnɨlak. Juda binɨb Pasopa tap ñɨÅɨnɨg gɨlak tek, Lom gapman bɨawl kal mɨgan amonɨgabun, chɨnop asɨŠwɨlɨkɨnɨgab agɨl, seÅayaÅ yelak. 29 Anɨgɨl nep yelaknɨÅ, Paylat seÅ amɨl kɨlop agak, Bɨ nɨm awl nop tay takaw nɨÅɨd dad opɨm agak? 30 Agek pen agɨlak, Ne tap tɨmel olap ma gɨpɨkop, nop anɨgɨl ma dad opɨnop agɨlak. 31 Agel Paylat kɨlop agak, Nɨbi nop damɨl takaw nɨbi kɨdek gɨpɨm pal ak nɨÅɨd, takaw nop tɨg asɨkɨm agak. Agek Juda bɨawl okok nop agɨlak, Chɨn bɨ olap nop ñaglon kumnɨgel agɨl olap ma mɨdeb agɨlak. 32 Agɨlak anɨb ak, Jisas yɨp anɨgɨl paklɨnɨgabal agɨl, ned agak tek nep gɨlak. 33 Pen Juda bɨawl okok anɨb agelak, Paylat tepayaÅ adɨkɨd kal mɨgan ayaÅ amɨl, Jisas nop suk agek apek agak, Nak Juda bɨnonɨm kɨli ak akaÅ agak? 34 Agek Jisas pen agak, Takaw yɨp agnɨgeban ak, gos nak ke nɨÅɨd ageban akaÅ, bɨ ogɨnap nep agñɨlak ak dɨl ageban agak? 35 Agek Paylat pen agak, Taydɨl? Yad bɨ Juda kay olap akaÅ agak? Pen binɨb nak okok sek, bɨ God nop sɨbogep bɨawl okok sek, kɨli nep dad apɨl yɨp opal agak. Nak tɨtay dɨpan agak? 36 Agek Jisas pen agak, Yad binɨb dɨl kod mɨdebin ak, bɨnonɨm lum awl mɨdebal tek ma mɨdebin agak. Yad lum awl bɨnonɨm mɨdebɨnep tek, Juda bɨawl okok yɨp nag lun agel, binɨb yad okok tɨkjakɨl, kɨli ayɨp penpen ñapɨlap agak. Pen yad binɨb dɨl kod mɨdebin ak anɨb ak ke mɨdeb, bɨnonɨm lum awl mɨdebal tek mel agak. 37 Agek Paylat agak, Anɨb ak nad bɨnonɨm olap akaÅ agak? Agek Jisas pen agak, Nɨm nak ke apan ak agak. Pen ami yɨp tɨkek, yad takaw nɨÅɨd yɨbɨl ak agñɨnɨg lum awl ownek agak. Binɨb takaw nɨÅɨd yɨbɨl ak dɨnɨgun agɨl nepal okok, takaw yad ak nɨÅɨd dɨpal agak. 38 Anɨb agek Paylat agak, Pen tɨtay dɨl takaw nɨÅɨd yɨbɨl ak nɨgɨnɨgun agak? Paylat ne agak, Jisas nop mab bak alaÅ chɨpɨl pak tɨbɨk lem kumaÅ agak (Matyu 27.15-31, Mak 15.6-20, Luk 23.13-25) Paylat takaw anɨb ak agɨl, tepayaÅ adɨkɨd seÅ amɨl, Juda kay kɨlop agak, Ne tap tɨmel olap gup ma pɨyow nepin agak. 39 Pen yad sub ak sub ak, Pasopa ñɨn awl ak owup, nag lep bɨ nɨbi olap yokɨp wɨsɨb yokɨpin agak. Anɨb ak, Juda bɨnonɨm anɨb ak, nop yokɨp wɨsɨb yoken nɨbop amnɨmuÅ akaÅ agak? 40 Agek, kɨli meg mɨgan dad aplanɨl agɨlak, Nop mel. Chɨnop Balabas nop wɨsɨb yokɨnɨmɨn agɨlak. Bɨ Balabas anɨb ak, bɨ tap si dep penpen ñagep olap.