يَبُرَ 76

1 عَسَقِ شَ بّيتِ بّيتِبَيٍ شَ مَنفّ بّ. عَ شَ بَ كْرَ شُي رَ. 2 عَلَ كٌلٌنشِ يُدَيَ بْشِ مَ، عَ شِلِ فبٌ عِسِرَيِلَ. 3 عَ شْنيِ نَ سَلَمُ، عَ شَ بَنشِ نَ سِيٌن. 4 عَ فٍرٍ سٌسٍيٍ عَلْ شَلِيٍ، وُرٍ لٍقَيٍ، نُن سَنتِدّفّمَيٍ كَنَ مّننِ نّ. 5 عِ شَ نْرّ فبٌ عَلْ كٌيِنمَ، نَشَن فبِلٍن كٍلِقٍ فٍيَيٍ مَ، سُبٍيٍ وُيَ دّننَشّ. 6 عِ بَرَ نْ سّنبّمَيٍ رَ، نَشٍيٍ مُ شُنُمَ سْنْن، نَشٍيٍ مُ نْ فٍرٍ تِدٍ عِ كَنكٍ. 7 عِ تَن يَشُبَ مَرِفِ عَلَ تٌ كٍلِ عٍ شِلِ مَ، عٍ شَ سٌي رَفِيٍ نُن عٍ شَ سٌي نَشَ هَلَكِ. 8 عِ مَفَاشُ! عِ شَ شْنّ كُي، ندٍ سُو سَمَ عِ يَ رَ؟ 9 عِ تٌ كِيتِ سَ كٌورٍ مَ، دُنِحَ نَشَ سَبَرِ فَاشُي كُي. 10 عِ شَ كِيتِ نَشَ تْورْ مِشِيٍ رَكِسِ. 11 عِ شَ شْنّ عِبُنَدَ مَ مَبِرِ قِندِشِ عِ مَتْشْي نَن نَ. عِ شَ بْحّتٍ لُشِ نّ عَلْ بّلّتِ عِ عِ تَفِ عِشِرِ مَ نَشَن نَ فٍرٍ كُي. 12 وٌ شَ وٌ شَ دَاكَن نَكَمَلِ وٌ مَرِفِ عَلَتَلَ بّ، وٌ شَ قَ سّرّشّيٍ رَ عَ شْن مَ، وٌ تَن نَشٍيٍ بِرِن عَ رَبِلِنشِ. 13 عَ تَن نَن حّنفِ بَمَ سّنبّمَيٍ قَتٍ عِ، عَ مَفَاشُ دُنِحَ مَنفّيٍ بّ.