يَبُرَ 75

1 عَسَقِ شَ بّيتِ بّيتِبَيٍ مَنفّ بّ. عَ شَ بَ عَلْ بّيتِ نَشَن شِلِ «عِ نَشَ كَسَرّ تِ.» 2 مُشُ مَرِفِ عَلَ، مُشُ بَرَ عِ مَتْشْ. مَتْشْي نَ عِ بّ، عِ تَن نَشَن نَ مُشُ سّيتِ مَ، عِ تَن نَشَن شَ كَابَنَكٌي قَلَمَ يِرٍ بِرِن. 3 عِ نَشّ، «ﭑ مَ وَشَتِ سُفَندِشِ نَ عَ لِ، ﭑ تَن نَن كِيتِ سَمَ تِنشِنيِ رَ. 4 دُنِحَ نُن عَ شَ مِشِيٍ قَمَ شُنُدٍ، كْنْ ﭑ تَن نَن عَ كِنكِيٍ سّنبّ سٌمَ. 5 ﭑ عَ قَلَمَ يّتّ عِفبٌي نُن مِشِ كٌبِيٍ بّ، ‹وٌ نَشَ وٌ يّتّ عِفبٌ، وٌ نَشَ وٌ شُنيِ عِتٍ. 6 وٌ نَشَ وٌ شُنيِ عِتٍ كٌورٍ مَ، وٌ بَ يّتّ عِفبٌحَ وْيّنيِ قَلَقٍ رَ.›» 7 وٌ شَ عَ كٌلٌن شُننَكٍلِ مُ كٍلِمَ سٌفٍتٍدٍ، عَ مُ كٍلِمَ سٌفٍفٌرٌدٍ، عَ مُ كٍلِمَ فبٍنفبٍرٍنيِ مَ. 8 عَلَ نَن كِيتِ سَمَ، عَ مِشِ ندٍ شَ قٍ رَفٌرٌ، عَ مِشِ ندٍ شَ قٍ عِتٍ. 9 تْنبِلِ ندٍ نَ عَلَتَلَ شْنيّ، وّنِ شَاحّ رَقَلَشِ نَ نَشَن كُي. عَ نَ سٌمَ دُنِحَ مِشِ حَاشِيٍ نَن يِ، عٍ عَ مِن هَن عَ حْن. 10 ﭑ نَ مَسٍنيِ تِمَ تّمُي بِرِن، ﭑ يَشُبَ مَرِفِ عَلَ مَتْشْمَ بّيتِ رَ. 11 «ﭑ مِشِ حَاشِيٍ شَ يّتّ عِفبٌحَ شُن نَكَنَمَ نّ، ﭑ تِنشِنتْييٍ شُن نَكٍلِ.»