MATTHEW 27

1 JiÌng ahongnin chu Ochaisingei murdi le Upangei han Jisua that rang lampui an sinna. 2 ZingjiruÌiin an khita, an tuonga, Pilat, Rom raÌioÌt koÌm an peÌka. 3 A minsuÌrpu Judas han, Jisua theiloi an mintum ti a riet inchu aÌnsiÌra, a sumdaÌr soÌmthum hah Ochaisingei le Upangei koÌm a hongchoÌi noÌka. 4 “Midik thi ranga ki minsuÌr ha chu ki minchaÌi sabak keÌng ani zoi,” a tia. Anni han a koÌm han, “Mahah kan ta rangin imo asena. Maha chu nangma sintho keÌng!” an tipea. 5 Judas han ma sumdaÌr hah Biekin sunga a paia, a rota; hanchu, a sea, avan khaÌi that zoi. 6 Ochaisingei han sum hah an ruÌta, “Mahih chu thisen man sum ani sikin Biekina sum darna munna dar rangin chu inthieng mak” an tia. 7 Hanchu, an inruola, ramdangmingei phuÌmna mun rangin BeÌlvuokpu mun an rochoÌka. 8 Masikin ma mun hah atuÌn tena (Akeldama) “Thisen Mun” an ti tit zoi. 9 Hanchu DeÌipu Jeremiah’n, “sumdaÌr soÌmthum hah an laÌka Israelngeiin ama man ranga adoÌr an masat hah, 10 male Pumapa chongpeÌk anghan, beÌlvuokpu mun man rangin sum hah an mang zoi,” ai ti hah ahong dik zoi ani. 11 Jisua hah Rom raÌioÌt makunga aÌndinga, raÌioÌt’n, “Judangei reÌng nini mo?” tiin chong a rekela, Jisua’n, “Ni ni, ni ni ti zoi hate,” tiin a thuona. 12 Hannirese, Ochaisingei le Upangeiin an noÌnna roia chu iteÌn thuon mak. 13 Masikin, Pilat’n a koÌm, “Nang an noÌnna roi hih ni riet loi mini?” a tia. 14 Nikhomrese, baÌikhat luo khomin thuon maka, RaÌioÌt chu asaÌn a kamaÌma. 15 Hanchu Rom raÌioÌt han KalkaÌn KuÌt zora racham mi intaÌng inkhat lokongei an ti tak a mojoÌk pe ngei ngaÌia, 16 Ha laÌia han mi intaÌng, riming inthang tak Barabbas an ti hah a oma. 17 Masikin lokongei an hong intuÌp inchu Pilat han an koÌm, “Tu himo nangni mojoÌk pe inlang nin nuom? Barabbas himo, Jisua Messiah an tipu himo?” tiin a rekela. 18 Juda rachamneipungei han Jisua hah an narsa sika a kutah an hong peÌk ani ti aÌnthaÌrtakin a rieta. 19 Hanchu Pilat hah roijeÌkna munah aÌnsung laÌitakin a loÌmnuÌn, “Ha midik chunga han ite tho no roh, jaÌnin han ka ramangin ama sikin ku tuong ok keÌng” tiin chong a hong bea. 20 Ochaisingei le Upangeiin Barabbas mojoÌka Jisua that ranga Pilat koÌma ngeÌn rangin mipui ngei an metheÌma. 21 Hannirese Pilat’n mipui ngei koÌm han, “Hi mi inik ngei laÌia hin tu himo nangni mojoÌk pe ronga nin nuom?” tiin a rekela. Anni han, “Barabbas” tiin an thuona. 22 Pilat’n an koÌm, “Hanchu, Jisua Messiah an ti hih, imo ko lo rang ani zoi?” tiin a rekel ngeia. “Khrosa jeÌmdel roh” tiin an thuona 23 Nikhomrese, Pilat’n an koÌm, “Imo ai tho minchaÌi?” tiin a rekel ngeia. “Khrosa jeÌmdel roh!” tiin an raÌt dodoÌrin an inieka. 24 Pilat’n ite aneÌmna om no nia, injeÌlna vai keÌng ai suok rang ti amun chu tui a laÌka, lokongei makunga a kut a rusuka, an koÌm, “Hi miriem thina hin ite theiloina doÌn mu-ung! Mahih nin sintho keÌng ani!” a tia. 25 Loko murdi’n, “Hi mi thina sika duÌk chu keini le kin naÌingei chungah chul rese!” an tia. 26 Hanchu Pilat’n Barabbas hah a mojoÌk pe ngeia; male Jisua hah a jeÌm suolechu Khrosa jeÌmdel rangin an kutah a peÌk ngei zoi. 27 Hanchu, Pilat raÌlmingei’n Jisua hah raÌioÌt inpuia an tuonga, an paÌla mi murdi a koÌla an intuÌpa. 28 A puonngei an liÌk pea, puon senduk an minsila. 29 Male, riling tapor an phana, an min khuma, a kut chang tieng khiengrol an min choÌia; a makungah khuÌkinbilin, “Juda ngei ReÌng ring soÌt roh!” tiin an phengsana. 30 An michila, a khiengrol hah an suta, a luah an toÌka. 31 Hanchu, an phengsan suolechu puon senduk hah an laÌk noÌka, ama puon deÌn hah an minsil noÌka. Hanchu, Khrosa jeÌmdel rangin an tuong zoi. 32 Hanchu, an se laÌiin Cyrene khuo mi inkhat a riming Simon an tonga, raÌlmingei’n Jisua Khros ruput rangin an daÌndea. 33 Golgotha, “Luru Mun” an ti hah an hong tunga, 34 Mahan Jisua hah uain, tuikha leh inpol an peÌka, a tem zoiin chu neÌk nuom maka. 35 Hanchu, Khrosa an jeÌmdela, male, taruosaÌnin a puonsilngei an insema. 36 Masuole chu, mahan insungin, an enna. 37 A lu chungah an noÌnna miziek, “Hi mi hih Jisua, Judangei ReÌng ani,” tiin an taÌra. 38 Hanchu, ama leh loÌmin inru inik a voitieng inkhat, a changtieng inkhat an jeÌmdel sa. 39 Hanchu, aÌnloÌi murdi’n an lu thukin Jisua an deia. 40 “Biekin set na ta, suÌnthumin ni minding noÌk rang na! Pathien NaÌipasal ni niÌn chu ne theiin insaninjoÌk roh! Khros leÌr renga juong chum ta roh!” an tia. 41 Ma angdeÌn han, Ochaisingei le Balam minchupungei le Upangei khomin ama an deia: 42 “Mi dangngei laka a minjoÌk ngaÌia, ama chu injoÌk thei maka! Israelngei reÌng ni mak mo? AtuÌn Khros leÌr renga juong chum rese chu iem ei tih! 43 Pathien a iema, Pathien NaÌipasal’n aÌnbea. Tho lei en rei u, Pathien’n atuÌn a minjoÌk nuom mo!” an tia. 44 Inru, ama leh an jeÌmdel ngei khomin ha angdeÌnin an dei sa. 45 Hanchu suÌn daÌr soÌmleinik renga kholoi daÌrthum tenah chu rammuol ajiÌng khapa. 46 DaÌrthumin chu Jisua roÌl inring takin aÌnieka, “Eloi, Eloi, lema Sabacthani?” a tia. Mahah aomtie chu, “Ka Pathien, Ka Pathien, ithomo nina maÌksan?” tina ani. 47 Ha munah aÌnding senkhat ngeiin mahah an rieta, “Elizah ai koi keÌng” an tia. 48 Hanchu, an laÌia mi inkhatin a taÌna sponj a laÌka, uain thuÌra a michia, toÌkmol mongah a taÌra, hong min neÌk rang a thoa. 49 Hannirese, mi dang ngeiin, “La ngaÌk roh, a minjoÌk rangin Elizah mo a juong lei en bak hi rei” an tia. 50 Jisua roÌl inring takin aÌniek noÌka, arang achat zoi. 51 Hanchu, Biekina puonjaÌr hah alu renga among deÌnin akeÌr pata. Masuole chu pilchung aÌnniÌka, lungpuingei an koia, 52 thaÌnngei ahoÌn onga, Pathien mi tamtak alei thi ngei hah kaithoiin an oma. 53 ThaÌnngei hah an maÌka, Jisua, thina renga aÌn thoinoÌk suoleh Khopuilien Inthiengah an luÌta mahan mi tamtak koÌm an inlaÌr zoi. 54 RaÌlmi ulien le a koÌla raÌlmi aom Jisua thiÌr ngei han, ningnu inniÌk le neinun om tie ngei hah an muÌn chu an chia, “Hi mi hih Pathien NaÌi ani kheÌt!” an tia. 55 Ma munah han nupang tamtak, Galilee ram renga Jisua nuÌkjuÌia asan ngaÌi ngei han alazanna renga an thiÌra. 56 Ha ngei hah Mary Magdalene ngei Jacob le Joseph nu Mary ngei le Jebedee loÌmnu ngei an ni. 57 Kholoi ahong nin chu mineipa Arimathea khuo mi a riming Joseph a hong tunga; ama khom Jisua ruoisi a lei nia. 58 Pilat makunga ava sea Jisua ruok hah ava zonga, ruok hah Joseph koÌm peÌk rangin Pilat’n chong a peÌka. 59 Masikin Joseph han ruok hah a musuma puoninneÌm athar leh a thoma, 60 male thaÌn lunga iver zoisuobila han a min jaÌla. Hanchu thaÌn baÌi hah lung alienpa leh a hiÌp zoiin chu a sea. 61 Mary Magdalene le Mary dang hah thaÌn tieng maÌithakin an insunga. 62 AnangtuÌkah Sabbathni suÌnin chu Ochaisingei le Phariseengei hah Pilat koÌm an honga, 63 male a koÌm, “O pu, ha milaka han aring laÌiin, ‘SuÌnthum suoleh chu inthoinoÌk ki tih’ a ti kin riet. 64 Masikin thaÌn hah suÌnthum suÌng chu asadima ngaÌk rangin chong peÌk roh, a ruoisingeiin an sea, an va muruka, mipui laÌia, ‘Thina renga aÌnthoinoÌk zoi’ an ti thei loina rangin. Ma anghan aninoÌnchu hi huongna nuÌktak hih motona neÌkin siet uol nih,” an tia. 65 Pilat’n an koÌm, “RaÌlmi tuong ungla,” male “se ungla thaÌn hah nin thei lam doÌra asaÌn min ngaÌk roi,” a tipe ngeia. 66 Hanchu an sea, thaÌn lung hah siÌn thoÌn, a ngaÌk rang ngei hah an min ngaÌk ngei zoi.