MATTHEW 26

1 Hanchu Jisua’n ha chongngei murdi hah a ril zoiin chu a ruoisingei koÌm, 2 “SuÌnnik suoleh, KalkaÌn kuÌt hong om atih iti nin rieta. Miriem NaÌipasal hih jeÌmdel rangin peÌk niÌng atih,” a tia. 3 Hanchu ochaisingei le Upangei hah Ochai Inlal Caiaphas inpuia intongna an neia, 4 inruÌkin an suÌra, an that rang lam an mintuoa. 5 Nikhomrese, “KuÌt suÌngin chu ni no rese, mipui laÌia injeÌlna tete om duoi nih,” an tia. 6 Hanchu, Jisua hah Bethany’a aphaÌrpa Simon inah a oma. 7 Jisua bu a neÌk laÌitakin, nupang inkhat alabaster biloÌrin sariek mirimhoi man luttak ahong choÌia, a luah a buok pea. 8 Ruoisingeiin an mu inchu an ningathika. “Irangmo hi anga a inchek hi? 9 Hi mirimhoi hih man tamtaka zuora, inriengngei koÌma sem thei keÌng ani,” an tia. 10 Jisua’n an ti ngei hah a rieta, an koÌm, “Ithomo hi nupangnu hih nin rokoÌk? kata rangin sin asa le enhoi tak ai tho ani. 11 Inriengngei chu nin koÌma om tit an nia, hannirese, kei chu nin koÌma om bang noning. 12 Hi sariek mirimhoi ka takpuma ai buok hih phuÌm ranga ni sinsiamna ranga ai tho ani. 13 AtuÌn, chongdiktak nangni ki ril, rammuol pumpuia thurchisa an misiÌrna naÌma, hi nupangnu sintho khom hih ama riettitna rangin misiÌr sa ngaÌi an tih,” a tia. 14 Masuole Ruoisi soÌmleinik ngei laÌia inkhat a riming Judas Iscariot an ti hah ochaisingei koÌm a sea 15 Male ama’n, “Jisua nangni ki minsuÌr inte imo mi nin peÌk rang?” a tia. Anni han sumdaÌr soÌmthum an tela ama an peÌka. 16 Masuo renga chu Judas han Jisua an kuta a peÌk theina rangin chuminreÌn a rok tit zoi. 17 CholboivaÌipoÌl KuÌt ni suÌn motontakah han, ruoisingei an honga, Jisua koÌm, “KalkaÌn KuÌt hih khotieng mo va minsuÌk unglang nu nuom?” tiin an rekela. 18 Ama han an koÌm, “khopuiliena mi inkhat koÌm se ungla, a koÌm. ‘Minchupu’n ko zora anaÌi zoia; ku ruoisingei leh KalkaÌn KuÌt ni inah mang kin tih,’ a ti va ti roi,” a tia. 19 Jisua’n an koÌm he a be lam angtakin an thoa, KalkaÌn KuÌt hah an va minsuÌk zoia. 20 Kholoi ahong niÌnchu, Jisua le ruoisi soÌmleinik hah khalaÌi ottin an insung laÌiin. 21 KhalaÌi an ot laÌitakin Jisua’n an koÌm, “Nangni ki ril, nin laÌia mi inkhat hin ni minsuÌr a tih,” a tipe ngeia. 22 Hanchu ruoisingei mulung duÌkatonga, a koÌm, “Pumapa, keima mo mi ni ti?” tiin inkhat inkhatin an rekel paka. 23 Jisua’n an koÌm, “KheÌnga vaÌipoÌl mi puÌrpuipu hin ni minsuÌr a tih. 24 Pathien Lekhabu’n ai ti anghan, Miriem NaÌipasal hih thiÌng a tih, nikhomrese, Miriem NaÌipasal minsuÌrpu chung chu arik baÌk rang na! Ha miriem ha chu aÌnzir tetloi nisenla ata rangin sa uol a tih,” a tia. 25 A minsuÌr rangpu Judas hah a hongchonga, “Minchupu, keima mo mini ti tatak?” tiin a rekela. Jisua’n a koÌm, “NeÌn ti hate” tiin a thuona. 26 Hanchu an saÌk laÌitakin, Jisua’n vaÌipoÌl a laÌka, raÌisaÌnchong a ril zoiin chu a khoia, a ruoisingei koÌm a peÌka, an koÌma, “LaÌk ungla, saÌk roi, hi hih ka taksa ani,” a tia. 27 Masuole chu, kilaÌt a laÌka, Pathien koÌm raÌisaÌnchong a ril zoiin chu an koÌm a peÌka, “NeÌk roi, nin reÌngin; 28 ma hih ki thisen mi tamtak nunsie ngaÌidamna ranga suok rang, Pathien chonginkhit mindet rang chu ani. 29 Nangni ki ril, Ka Pa ReÌngrama nangni leh uain thar ke neÌk ni atung maÌka chu hi uain hih neÌk noÌk khaÌi no ning,” a tia. 30 Masuole chu la inkhat an thoa, an tho suolechu Oliv taÌng tieng an se zoi. 31 Hanchu Jisua’n an koÌm, “Avien jaÌn lelea hin nin reÌngin rot let nin ta, ni maÌk riei nin tih, Pathien Lekhabu’n, ‘Pathien’n belrihoÌlpu hah that an ta, belringei hah chekinchaÌi chit an tih,’ a ti sikin. 32 nikhomrese, keÌn thoinoÌk suoleh Galilee rama nin motona lei seÌng ki tih,” a tia. 33 Peter’n a koÌm, “Adangngeiin nang maÌk riei khomrese ngei, keiman chu nang maÌk tet no ning!” a tia. 34 Jisua’n Peter koÌm, “Nang ki ril, avien jaÌn aÌrkhuong maÌn nangma’n voithum keima hih riet ngaÌi mu-ung ni tiÌng ni tih,” a tipea. 35 Peter’n a koÌm, “Ni thina thisa rang khom niÌnlang ma anghan ti tet no ning,” tiin a thuona. Ruoisi dangngei khomin ha angdeÌn han an ti paka. 36 Hanchu Jisua hah a ruoisingei leh munkhatin Gethsemani an tina han an sea, Jisua’n an koÌm, “Soson chubai ka va tho suÌngkaÌr chu hin leÌn sung roi,” a tipe ngeia. 37 Peter le Jebedee naÌipasal inik ngei hah a tuonga, RathainvaÌina le mulungduÌk tongnaÌn ahong sipa, 38 male an koÌm, “ka mulungduÌk atong raia athi rang doÌrin keÌng ki ni zoi. Hin om ungla meÌn ning pui roi,” a tia. 39 Hanchu, maÌntieng ava se uol vieta, pila aÌnboka, chubai a thoa, “O Pa, anitheiin chu, hi tuongna kilaÌt hih ko koÌm renga ni khaÌi pai pe roh! Nikhomrese, keima racham niloiin nangma racham ni rese,” a tia. 40 Masuole chu a hongkiÌr noÌka, ruoisi inthum ngei hah an inin a hong mua; Peter koÌm, “Inmo nangni inthum hite daÌrkaÌr khat luo khom mi inningpui thei loi tie hi? 41 Huongna nin luÌt loina rangin intuÌng chienin chubai roi. Ratha’n chu a nuoma, taksa’n ai phari loi ani” a tia. 42 Hanchu, avoiniknaÌn Jisua a se noÌka, a chubai noÌka, “O pa hi tuongna kilaÌt hi ke neÌk loia pai thei aninoÌnchu nangma racham ni rese,” a tia. 43 A hong noÌkin chu ruoisingei hah ain deÌnin a mu noÌka; an mitngei reng an meng zoi loi sikin. 44 Jisua’n a maÌk ngei noÌka, a voithumnaÌn a ti nanaÌk hah tiin chubai a tho noÌka. 45 Male ruoisingei koÌm a hong noÌka, an koÌm, “AtuÌn tena inngamin nin la in bang na? En ta u, Miriem NaÌipasal hih mi nunsiengei kuta peÌk rang zora ahongtung zoi. 46 Inthoi ungla, seÌng ei ti zoi. En ta u, ni suÌr rangpu hih ahong naÌi zoi!” a tia. 47 Hanchu, Jisua a chong la mong loiin ruoisi soÌmleinik ngei laÌia Judas hah a hong tunga. Ama loÌmin Ochaisingei le Upangei hongtiÌr mipui, khandai le toÌkmol choÌiin an hong sa. 48 A minsuÌr rangpu han, “A bieng ku tum takhah nin rokpu niÌng a tih, suÌr kelen roi!” tiin minsinna a lei peÌksai ani. 49 Judas hah Jisua koÌm a se pata, a koÌm, “Minchupu, nu chunga rathanngamna om rese,” tiin a bieng a tuma. 50 Jisua’n a koÌm, “Mal, no hongna abi tho kelen roh!” a ti pea, Hanchu an honga, Jisua hah an suÌr zoi. 51 Jisua koÌma om ngei laÌia inkhatin a khandai a leka Ochai Inlaltak, a tiÌrlaÌmpa kuor a tukthaÌk pea. 52 Jisua’n a koÌm, “Na khandai hah a koka thun noÌk ta roh. khandai a lek ngei chu khandai nanaÌkin thiÌng an tih. 53 Ka Pa koÌm sanna ko zong theia, ama’n voikhatrengin vaÌntiÌrton isaÌng ruk paÌl soÌmleinik neÌka tam a juongtiÌr thei iti ni riet loi mini? 54 Nikhomrese, ngeÌn ta inlang, i angin mo Pathien chong hih hi anga hong iom rang hih ai tung thei ranga?” a tia. 55 Hanchu, Jisua’n lokongei koÌm han, “Khandai leh toÌkmol choÌiin inru suÌr rang leh in-ang bangin misuÌr rangin nin hong na? NiÌngtin Biekinah keÌn sunga, ki minchu ngaÌia, mahan misuÌr mak cheia. 56 Nikhomrese, deÌipungei chong miziek ngei hah ahong tung dik theina rangin, hi ngei murdi hih a hong iom ani hi,” a tia. Hanchu, ruoisingei murdi’n ama an maÌk raka an reÌngin an rot riei zoi. 57 Hanchu, Jisua suÌrngei han, Ochai Inlaltak Caiaphas inah Balam minchupungei le Upangei lei intuÌpna han an tuong zoia. 58 Peter’n alazanin a juÌia, Ochai Inlaltak in khalaÌi deÌnin a juÌia. KhalaÌidung a luÌta a mongna mu rang nuomin a rungpungei kaÌra han aÌnsunga. 59 Jisua an that theina rangin Ochaisingei le roijeÌkpu murdi han theiloi an mintum theina rang abi an roka; 60 nikhomrese, mu mak ngei, mi tamtak hongin a chungroia milak ril khom senla ngei. AnuÌktakah mi inik an honga, 61 male, “Hi mi hin, Biekin hih setin suÌnthumin ki sin noÌk thei,” a ti an tia. 62 Ochai Inlaltak hah aÌndinga, Jisua koÌm, “Hi nang an noÌnna roia hin ite thuonna ni nei loi rang mo?” a tia. 63 Nikhomrese, Jisua chu a daÌireka. Ochai Inlaltak han arkoÌk noÌka, “Pathien aring rimingin nang ki ti; ni ril roh, Pathien NaÌipasal Messiah hah nini mo?” a tia. 64 Jisua’n a koÌm, “Ni na ti hate. Mahah ninoÌn khom nang ki ril; atuÌn renga Miriem NaÌipasal hih RaÌtinchung chang tienga, insunga, invaÌna suÌm chunga juong la muÌng nin tih,” a tia. 65 Ochai Inlal han a puonsilngei a potkheÌra, “Pathien a rilsiet zoi; Rietpuipu dang naÌng khaÌi mak meh! Pathien a rilsiet tie chu nin riet zoi! 66 I angin mo nin mindon?” a tia. Anni han, “A tho minchaÌi, athi ngeÌt rang ani” an tia. 67 Hanchu a maÌia an michila male an jeÌma; senkhatin, 68 “Ni ril roh, Messiah, Tumo nang a jeÌm?” tiin an beÌna. 69 Hanchu, Peter hah rukul suÌng khalaÌiah aÌnsunga, Ochai Inlaltak tiÌrlaÌm doÌngmate inkhat a honga, a koÌm, “Nang khom, Jisua Galilee rama mi koÌm no om ngaÌi,” a tipea. 70 Hannirese, an reÌnga makunga a minleÌma. “I thurchi mo nin misiÌr reng riet mu-ung” tiin a thuona. 71 Rukul mokot peÌntieng ava joÌka, tiÌrlaÌm doÌngmate dangin a lei mu noÌka. Ha takah omngei koÌma han, “Hi mi hih, Nazareth Jisua koÌma a om ngaÌi” a tia. 72 Peter’n a minleÌm noÌka, “KhomaÌk insaÌmin ki ti ani, ha mi hah riet mu-ung!” a ti noÌka. 73 Chomolte suoleh chu hataka inding ngei hah Peter koÌm an honga, a koÌm, “Nang khom an laÌia mi nini khet, No chong lam renga hin ei riet thei!” an tipea. 74 Male Peter’n an koÌm, “Chongdik rillin khomaÌk keÌn saÌm ani! Adik noÌnchu Pathien’n duÌk ni mintong rese! Ha mi hah riet tet mu-ung!” a tia. Masuolechu aÌr akhuong kelen zoi, 75 male Peter han, Jisua’n a koÌma, “AÌr akhuong maÌn voithum ni minleÌm ni tih,” ai tipe chong hah a hong rietsuok noÌka. A joÌka a chap ngu-ngui zoi.