2 Korinth 12

1 KeÌn song ngeÌt rang ani, ite asena aom loi rang khomin. Aniatachu atuÌn Pumapa’n inlaÌrnangei mi min mu le chongphuong rang mi peÌk ngei hah misiÌr ki tih. 2 Khristien mi inkhat invaÌn insaÌngtaka khin juong laÌkin aom ti ki riet ama hah kum soÌmleiminli ani zoia (mahi ataka mini, inlaÌrna a mu mini riet mu-ung Pathien vaiin a riet). 3 Ki ti noÌk, ma miriem hah Paradis taka rangin juong laÌkin aom ti ki riet (mahi khom atak mini, inlaÌrnaÌn a mu mini riet mu-ung â Pathien vaiin a riet), male ama han chong a misiÌr thei loi, le munisi muÌrngeia misiÌr ranga phal loi neinunngei a hong rieta. 5 Masikin hi mi hih song ki tih â aniatachu ko dok tie aÌnlang neinunngei tiloiin chu keimananaÌkin chu insong no ning. 6 Insong nuom khom ronga, amo chu ni no ning, chongdiktak ki misiÌr rang sikin. Aniatachu insong no ning, tukhomin min mu angin le keima renga chong an riet lam neÌkin min mindon minsaÌng loina rangin. 7 KamaÌmom neinunngei tamtak ku mu ngei sikin inpaÌknaÌn ki sip loina rangin taksatieng damloina natak peÌkin ko om ani, maha keÌn paÌk loina ranga Soitan thangtheipu anga sinthoa ni jeÌm ngaÌi ani. 8 Ma natna hah mi khaÌi pai pe rangin voithum Pumapa ke ngeÌnna. 9 Aniatachu ama’n, “Ko moroina hi keÌng na naÌng ani, na raÌtloi zoraÌn keÌng ki sinthotheina akip ngaÌi,” tiin mi thuon ani. Hanchu, ku chunga Khrista sinthotheina mi rungna hi rietna rangin raÌisaÌntakin ka raÌtloinangei hih song ki tih zoi. 10 Khrista jaÌrin chu raÌtloinangei, eÌronangei, intaknangei, nuomlonangei le duÌktongnangei khom ku mulung achuk. Ka raÌtloi zoraÌn keÌng, ka raÌt ngaÌi sikin. 11 Amo angin ko oma â aniatachu nangnin mo rangin mi nin tho pe sikin. Nangni keÌng mi nin pomna minlang rang nin ni. Ite ni no khom ronga, i-ih lampuia khom alieka nin, “tiÌrtonngei” neÌkin chu chin uol no ning. 12 TiÌrton ki ni minthaÌrnaÌn sininkheÌlngei le neinun kamaÌmomngei tamtak nin laÌia dierna tatak doÌnin ki sin ani zoi. 13 Koiindang adangngei neÌka saloi uola enin inmo nin om, sumtienga sanna nangni ki minjeÌl loina hah ani noÌnchu? RangaÌihoitakin ki dikzoiloina hah ni ngaÌidam roi! 14 AtuÌna zora hih nin koÌm juonga nangni juongpan rang keÌn thok voithumna ani zoi, male ite nangni siÌng no ning. Ka naÌng chu nangni hah nin ni, nin sum nimak. Mangei murdi suole, naÌingeiin an nulepangei sem rang an doÌn rang nimaka, nulepangeiin keÌng an naÌingei sem rang an doÌn rang ani. 15 Nangni sanna rangin ko doÌn murdi raÌisaÌntakin thaÌm let ka ta, male nangni sanna rangin keima khom inpeÌk let sa ki tih. Nangni ku lungkham sabak sika han mi nin lungkham baÌkloi rang mini? 16 Hanchu, puokrik nangni ka chang pe loi hah chu nin joÌtinruol atih. Hannirese tumakhatin keima hih milaka sip, male milakngei leh nangni a min oÌk zoi ani la tiÌng an tih. 17 Inmo? Nin koÌma thangtheipungei ku juongtiÌr ngei mangin nin chunga inlaÌpna ko rok rang? 18 Titus hah juong rangin ke ngeÌnna, male iempu dang hah ama leh ku juongtiÌr ani. Titus’n nin chunga inlaÌpna a rok nin ti thei rang mo? Ama le keima hih boÌknangei inmunin lampui inkhata singinsa’n sintho ngaÌi mak me mo? 19 Nin koÌm kin dikna thurchi kin misiÌr tit angin nin mindon thei. Nimak! Khrista’n kin chong ranga mi nuom anghan Pathien makunga kin ti ani, male ruol moroitak ngei, neinuntin kin tho ngei murdi hih, nangni sanna rang keÌng ani. 20 Ku juong tika ku nuom lamin nangni mu loiin ti le nangni khom nin nuom lamin mi nin mu noÌnchu ti hih, ki chi ani. Inkhalnangei le narsanangei, mulunglumngei le ranghuolna rokngei, eÌronangei le muÌrtamnangei, inpaÌknangei le baÌiinkhamnangei ku juong mu rang mini ti hih, ki chi sa ani. 21 Ku juong noÌk tika ka Pathien’n nin mitmua maÌimoÌkin mi dar ni ti, le zora vunsaia mi tamtak sietna an sina an nunchan saloi neinunngei, an ngaÌituina le hurna sietnangei renga insiÌr loipu ngei hah ka chappui rang mini ti hih, ki chi sa ani.