2 Korinth 11

1 AÌnmoÌl siei anga ko om laÌi khomin mi nin tuongdier pe rangin ku nuom. RangaÌihoitakin tho roi! 2 Pathien narsana angin keÌng nangni ka narsa; doÌngmate inthiengtak angin nin nia, pasal inkhat vai, Khrista ngeÌt lehan in nangni min nei ranga keÌn khaÌm pe ngei nin ni. 3 Nin mulungboÌkngei hah hong sietin Khrista taka nin inpeÌkna akip le aÌnthieng hah maÌkrak nin tih, ti hih ki chi ani ma angdeÌn han Eve hah muruÌl vaÌrna milakngei han huongin aom ani. 4 Tumini nin koÌm juongin Jisua dang, a thurchi kin misiÌr niloi a juong misiÌra; raÌisaÌntaka nin lei rangaÌi thei sik le keini renga nin man niloi Ratha le thurchisa adang viek ratha dang le thurchisa dang nin lei pom sikin! 5 Aliekin, “tiÌrtonngei” tia nin koi ngaÌi ngei neÌka chiÌn uol ki ni rangin chu mindon mu-ung! 6 Thurchi misiÌr chu ke theibaÌkloi khom ani thei, aninaÌka rietna tieng chu ma anghan ni tet maka; maha chu zoratin le lampui tina khom nangni kin minthaÌr pe suo zoi ani. 7 Pathien Thurchi Sa nin koÌm ku juong misiÌr laÌihan ite neinun nangni ngeÌn mu-unga; nangni choÌiminsaÌngna rangin keimananaÌk keÌn nuoi ani. Maha ko tho minchaÌi mo? 8 Nin laÌia sin ko tho zoraÌn koiindang adangngeiin sanna min peÌk ani. Masikin chongna rangin, anni ngei muruÌkin ke nangni ka san ngaÌi ani. 9 Male nin koÌm ko om suÌng han sum keÌn sam zoraÌn tute nangni minjeÌl mu-unga; Macedonia ram renga laÌibungngei le sarnungei an hong han ka naÌng murdi min juong choÌi pe ani. SuÌnnuÌk tienga anghan, suÌnmoton tieng khom nangni rangin puokrik ni tet no ning! 10 Khrista chongtak keima taka om sika han hi keÌn songna hih Achaia ram pumpuia daÌirek noni tih hih keÌn khaÌm ani. 11 Nangni ku lungkham loi sika mahi ki ti mini? Pathien’n nangni ku lungkham tatak tiin a riet ngaÌi ani! 12 AtuÌna sin ko tho anghin tho tit ki tih, “tiÌrtonngei” adangngei hah an insong thei loina rang le keini kin sintho angtakin sin an tho an ti thei loina rangin. 13 Ha mingei hah tiÌrton dik nimak ngei, anni ngei hah tiÌrton dikloi an nia, an sinthoa milak thoa Khrista tiÌrton tatak ngei anga inlang ranga aÌnthok ngei ha an ni. 14 Asa, kamaÌm rang om mak! Soitan luo mana vaÌntiÌrton vaÌr angin inlang rangin aÌnthok duo! 15 Masikin a tiÌrlaÌmngei khom dikna tiÌrlaÌmngei anga inlang ranga an inthok hih neinun kamaÌmom ni uol mak. Amongna chu an sinthongei angtakin an man rangrohoi hah la man an tih. 16 Ki ti noÌk: tuteÌn amo angin mi mindon no rese ngei. Aniatachu nin mindonin chu, alekti luo keÌn song theina rangin amo angin ni pom roi. 17 Adiktakin atuÌna ki ti hi chu Pumapa’n ti ranga ni nuom anga ki ti nimaka; hi insongna roia hin chu amo tatak angin ko chong ani. 18 Hannirese mi tamtak munisi ninangei song an om sikin kei khom ma angdeÌnin tho ki tih. 19 Nangni chu nin vaÌr tatak, male masikin raÌisaÌntakin amo ngei ha nin tuongzit ani! 20 Nangni chu miÌn nangni daÌnde khom rese ngei, inlaÌpnaÌn nangni mang khom rese ngei, chaÌnga nangni min oÌk khom rese ngei, nangni enminnuoi khom rese ngei, nin maÌia nangni beÌn khom rese ngei nin tuongzit ngaÌi. 21 Ha neinunngei hah tho rangin chu kin chi rai sikin apom khom keÌn zak! Hannirese tukhomin i-ih lama khom an insong ngamin chu â amo angin ko chong ani â kei khom ka haÌi ngam. 22 Hebrew mi mo an ni? Kei khom ki ni. Israel mi mo an ni? Kei khom ki ni. Abraham richisuonpaÌrngei mo an ni? Kei khom ki ni. 23 Khrista tiÌrlaÌmngei mo an ni? AchaÌng ku phuo naÌka chu anni rangin chu keima ke tiÌrlaÌm asa uol ki ni! Sintho ranak ko song uol ok, intaÌngna ina ku luÌt zora atam uol, viÌkin ko om uol, male veÌl tamtak thi vavaÌngin ko om uol. 24 Judangeiin voisoÌmthum voikuo chum rangnga min toÌka; 25 Rom mingeiin voithum min viÌka, male voikhat lung leh deÌngin ko oma. Voithum rukuong sietna ko tonga, voikhat chu suÌnkhat jaÌn khat tui chunga ko oma. 26 Ku khuolchaina voi tamtak tuilien ichiÌn, inru ichiÌn, ku Juda champuingei ichiÌn, Jentailngei ichiÌn; khopuilienngei suÌnga chiÌna tongin, rama chiÌna tongin, tuipuilienngeia chiÌna tongin, male mal saloingei chiÌn ko om ngaÌi. 27 Ki sinthona ko soÌl rai sika inloia ko om tik atam ngaÌi; vonchaÌm le tuiinraÌlin ko om ngaÌia; bu ko khop loi tik, omna rang ka man loi tik, aninoÌnchu puonsil keÌn vaÌi tik atam ngaÌi. 28 Male neinun dangngei tiloiin, koiindangngei murdi ki mindonna ni delin niÌngtin ko om ngaÌi. 29 Tumakhat an inzalin chu, kei khom keÌn zal ok ngaÌia; tumakhat sietna tieng tuongin aomin chu beidongin ki sip ngaÌi. 30 Ko song ngeÌt rangin chu keÌn zal tie aÌnlang neinunngei hih song ki tih. 31 Pumapa Jisua Pathien le Pa riming chu tuonsoÌtin satvurin om rese! milak tho mu-ung ti a riet ngaÌi. 32 Damascus taka ko om laÌihan, ReÌng Aretas nuoia raÌioÌt’n mi suÌr rangin khopui mokotngeia rungpungei a dar ani. 33 Aniatachu kok suÌnga kulpui bang in-onga min mathaÌka, ma renga hah ko rotpai ani.