Izehhiden 111

1 Hallilu-Yah! Alif. Ad qadeɣ SIDI s marra uř inu, Bit. di řaman n wegraw n yinni igguren nican, di tmesmunt. 2 Gimel. Řefɛayeř n SIDI d imeqqranen, Dalit. aqa twarezzun zi marra inni zzaysen ifarrḥen. 3 Hi. Netta igga s lɛaḍama d řɛezz, Waw. tasegda nnes tᵉttɣima i řebda. 4 Zayin. Netta igga ijj n řɛid i řidaret n lmuɛjizat nnes. Xit. SIDI d aḥnin d arḥim. 5 Tit. Netta iwca macca i yinni t itteggʷeden, Yud. ittidar Řɛahd nnes i řebda. 6 Kaf. Netta isscen i řgens nnes timegga nnes ijehden, Lamid. ḥima ad asen iwc tasɣart n řegnus. 7 Mim. Řefɛayeř n ifassen nnes d tidett d řḥeqq, Nun. marra tiweṣṣa nnes daysent řaman, 8 Samix. aqa aten bedden i řebda, Ɛayin. ttwaggen di tidett u s řeṣfayet. 9 Pi. Netta issewjed ttaman n weṣřaḥ i řgens nnes, Tsadi. igga Řɛahd nnes i řebda. Quf. Isem nnes d amqeddas d isseggʷaden. 10 Rix. Tiggʷudi n SIDI d beddu n tiɣit. Cin. Marra inni itteggen amenni, aqa ɣarsen řeɛqeř d lemliḥ. Taf. Ccan nnes ittɣima i řebda.