Izehhiden 110

1 Azehhed n Dawud. SIDI issawař ak-d Sidi inu: Qim ɣar ufus afusi inu, ař dd-ssarseɣ řɛedyan nnec d tanebdat sadu iḍaren nnec. 2 SIDI ad issekk azeǧaḍ n ṣṣulṭa nnec zi Ṣihyun, Cek ad tṣellṭed di řwesṭ n řɛedyan nnec. 3 Řgens nnec ad yiři d amseɛɛaf deg wass n ṣṣulṭa nnec, ad dd-yas di tissiqt iqeddsen zi řemřawřet n tuffut, ammu i ɣa yiři i Cek nnda n yinni ɛad mammec d ac dd-ittwaxeřqen. 4 SIDI ijjuǧ, ɛemmarṣ ad xas indem: “Cek d Akehhan i řebda, ɛlaḥsab ṣṣifet n Malkiṣadiq!”, ixs ad yini ‘Ajeǧid d Amsegged’. 5 Sidi aqa-t ɣar ufus afusi nnec. Netta ad iřbez ijeǧiden deg wass n weɣḍab nnes. 6 Netta ad iḥakem x řegnus, aqa da tammurt teccur s řxecbat, ad iřbez azeǧif x ict n temmurt tameqqrant. 7 Ak-d webrid ad isu zi teɣzart, x uya ad issgeɛɛed azeǧif nnes.