Repeleisen 13

1 Wote, na kundÊr ei, mel rakra ti, num kuta ila oⱡa urum. Mel ei nga peng 7 anggilpa, kom 10 ÊnggÊtÊm. Kom 10 kÊⱡ ila nga, wu nuim mumuk mbÊ nga wÊnÊ mondurmin nimba nga murum. Wote, peng 7 ni kÊⱡ ila, mbi mat murum mbÊ ndi, Got nga nimba kit mundrum. 2 Mel rakra na kundÊr ei, kui lepat mel itim. KÊmp mbÊ, kng ber mel elinga, keta ei kui laiyon mel itim. WimbÊ ni nga ronduⱡ ei, mel rakra ni ngumba, elim nga rÊpÊndi pol ei kÊn, wote wamp rÊp iti ronduⱡ mam ei ngurum ku. 3 Mel rakra ni nga peng tenda ti, rorung kona ei ur titim. Ei kÊn, mel rakra ni nga kona orÊⱡa ei, mÊi kona wamp mbÊ pora kandÊk, min ngÊn mundÊk, pep rok akil tetÊng. 4 Wamp mbÊ ndi pora, wimbÊ ei nga mbi paka rondrÊng. Ei nambuⱡ emel, wimbÊ mam ni nga ronduⱡ ei, mel rakra ei ngurum. Wote, mel rakra ni nga kunda, mbi paka rondÊk nÊk mel, “Wamp nam ti, mel rakra ei mel, kapⱡa murum? Wamp nam ti, mel rakra ei kÊn, el romba?” nÊtÊng. 5 Ni kÊn, mel rakra ei, ik kit nimba, elim nga ronduⱡ ei, tepa kongun itangga, kalimp 42 omba pangga nimba, Got ndi, kandpa kui itim. 6 Mel rakra ei ndi, keta anga ropa, Got kÊn, Got nga mbi kÊn, elim nga kona morum ei kÊn, wote wamp muⱡ kona mormin mbÊ kÊn pora, ik kit nimba ngurum. 7 Got ndi kandpa, wak rangga kÊn, elim nga wamp mbÊ kÊn el ropa, wamp mbÊ ropa mana ndumba. Ronduⱡ ti tÊpa kÊn, mÊi kona mbila wamp rÊⱡaip na, kÊng elpa elpa kulk ik nÊk etmin wamp mbÊ nga pora, nuim mumuk moⱡÊp rÊp itimp nimba itim. 8 MÊi kona wamp mbÊ ndi pora, mel rakra ei nga mbi paka runding. Wote, wamp mat ndi, mbi paka rundi nÊnding. Ei nambuⱡ emel, muⱡ mÊi raⱡ mim iti nÊti kÊn, wamp mbÊ nga mbi ei, Sipsip Waⱡ unt rok kondrung ei nga kont mba mul, buk ila mbi morum. 9 Ei nga, wamp nam ti, kum nombuⱡa tem ndam, ik ei pilik kai itÊi! 10 Wamp nam ti, kan manga ila mbi nimba pilim ndam, kan manga ila pangga! Wamp nam ti, kur koiya ila kuⱡimp nimba pilim ndam, kuⱡangga ku. Uⱡ mbÊ enim, Got nga wamp rÊⱡaip mbÊ kÊn, om ndam, enim nga mondpa pili uⱡ ei, ambulk gi nduk muⱡÊi! 11 Wote, na ndi kundÊr ei, mel rakra ti mÊi ila oⱡa urum. Wote, mel ei nga kom raⱡ, kng sipsip waⱡ ei nga gu ni mel, raⱡ ÊnggÊtÊm. Wote, ik nÊtÊm uⱡ ei, wimbÊ kunt nga ik ni mel nitim. 12 Mel rakra akil tepa ni ndi, mel rakra kuimp tepa ni nga ronduⱡ ei, tÊpa kuimp keta ila kongun ronduⱡ mundpa itim. MÊi kona mbila wamp mbÊ kÊn, kongun ronduⱡ mundpa elinga, mel rakra kuimp tepa ni nga unt kÊng iti itim kona ni, ur kurum ni nga mbi paka rondrÊng. 13 Mel rakra akil tepa ni ndi, uⱡ rÊpÊndi elpa elpa mam mat itim. Uⱡ rÊpÊndi ti itim ei, wamp morung kuimp keta mbila nga, muⱡ ila ndip mat, etpa mÊi kona ila mana elinga kandurmÊn. 14 Got ndi, mel rakra ei kandpa, wak roⱡnga kÊn, mel rakra kuimp tepa ei nga kuimp keta ila nga uⱡ rÊpndi elpa elpa mbÊ itim. Uⱡ ei ndi, mÊi kona mbila wamp mbÊ kÊn, ik kol ropa, nimba mel, “Mel rakra kuimbal ei, unt koiya ndi, rok kondrung. Wote, akup kont morum ei nga to tÊndÊk mel ti, mim etÊk mondÊk tÊk ou nduk mbi paka rundÊi!” nitim. 15 Got ndi, mel rakra akil tepa ni, kandpa wak roⱡnga kÊn, mel ti mim etÊk mondrÊng ni, muⱡnga kont ei, pop ropa ruk nduⱡnga kÊn, nde mel mim etÊk ni, ik nitim. Wamp mat ndi, mel mim etÊng ei nga, mbi paka rundi nandÊng wamp mbÊ, ropa kondÊmba. 16 Mel rakra akil tepa ni ndi, ik ti nilinga kÊn, tip timal ti, wamp mbÊ nga pora, ki mbo orunga na, mÊi ombil na mbila pendÊtÊng. Uⱡ etÊng ei, wamp ou na, kel na, mbi mul wamp na, wamp kurpa na, kng mel pi wamp na, kindmant kongun wamp na, wote nuwa murmin wamp mbÊ kÊn, pora etÊng. 17 Ei nga, wamp nam ti, mel rakra ei nga tip timal ei, elim nga mbi ei, kuimp keta ila muⱡi nambÊⱡÊm ndam, wamp ei ndi, wamp mbÊ nga mel mbÊ, rarÊp ropa ti nÊtangga kÊn, wote wamp mbÊ ndi, wamp ei nga mel mbÊ, rarÊp rok ti nÊting ku. 18 TÊn wamp mbÊ ndi, uⱡ ei pilpÊn, kai etamÊn! Wamp nam ti nga pilpa kungÊndi ei ndi, mel rakra ei nga mon mbÊ, kÊmp rok kai etÊk pilÊi! Nambuⱡ emel, mon ei, wamp ti nga mbi tetmin. Wu ti nga mbi ei, 666 nitmin.