Repeleisen 12

1 Wote, uⱡ min ngÊn pi ti, muⱡ ila ekit urum ei, amp ti murum ei, elim nga muⱡ rurum kÊⱡ, kona ant ei mel kapⱡa, rÊⱡang purum. Wote, elim nga kÊmp puⱡ mana orunga, kona kalimp ei pitim. Wote, elim nga peng ila mipil 12 kat, wu nuim mbÊ nga wÊnÊ mondurmÊn ei nga ti mundrum. 2 Amp ni, kangambuⱡa mundrum ei nga kangambuⱡa memba ui ei nondpa urum ila, mindil nomba ronduⱡ ke nitim. 3 Wote, uⱡ min ngÊn pi ti ku, muⱡ ila ekit urum ei, wimbÊ mam kunt ti, peng 7 anggilpa, kom 10 anggilpa etÊm ei, ekit urum. Ni kÊn, peng 7 ni kÊⱡ ila, wu nuim mumuk mbÊ nga wÊnÊ mondurmÊn nimbÊ nga mondrung. 4 Ni kÊn, wimbÊ Êi ni ndi, muⱡ ila mipil minal petmin nimbÊ nga rÊⱡaip ti ropa tÊpa, mÊi kona ila mana ndurum. Ni kÊn, wimbÊ ni ndi, amp ei kangambuⱡa miyangga nuimp nimba, nokundpa murum. 5 Wote, amp ni ndi, kang ti mitim. Kang ei, ronduⱡ minal tepa moⱡpa, wamp rÊⱡaip minal rÊp etpa nokundÊmba. Wote, amp ni ndi, kang ni melinga kÊn, tÊkrÊk ruk ok, kang ni tÊk mek, Got kÊn elim nga rÊpÊndi poⱡ ila, mek oⱡa purung. 6 Wote amp ni, nung nimba mba, kona kui waka tila purum ei, Got ndi, amp ei nga tÊpa kun endpa, tinditim kona ila purum. Kona ila amp ei, rÊp itangina, rumbÊⱡ 1260 omba mba. 7 Ni kÊn, muⱡ kona ila el mam ti etÊng. Anggelo Maikel kÊn, elim nga anggelo mbÊ, tÊpa tepa wimbÊ ei kÊn, el roⱡnga, wimbÊ kunt ei ndi, elim nga anggelo mbÊ, tÊpa tepa Maikel nga anggelo mbÊ kÊn el rurum. 8 Ni wote, wimbÊ ei nga anggelo mbÊ, el iting ei nga ronduⱡ ti mon. Uⱡ ei nga, muⱡ kona ila muⱡing mel, kapⱡa iti nÊtÊtÊm. 9 Got nga anggelo mbÊ ndi, wimbÊ mam ei, rok tÊk ekit ndurÊng. WimbÊ mam ei, unt kor nga murum ei, mbi tek, Seitan nÊtÊng ei ndi, mÊi kona ila wamp mbÊ, ik kol nga puⱡ ropa ngumba itim ila, elim nga anggelo mbÊ kÊn kunda, rok tÊk mÊi kona ila mana ndurÊng. 10 Wote, na pit mel, wi muⱡ ila wamp nga ik ti ndi, wi ronduⱡ ropa, nimba mel, “Akup tÊn nga Got nga wamp etpa ti uⱡ ei onum! Akup Got elim nga wamp tÊpa mumuk rui uⱡ ei nga ronduⱡ ei, pena ila ekit onum. Akup elim nga Kraist nga ronduⱡ ei, ekit onum. Uⱡ ei, nambuⱡ emel, wamp ti, tÊn nga wamp ÊngÊnÊl mbÊ, rumbuldi rÊnggilmÊ raⱡ, Got nga kuimp keta ila, ik ndo ngumba etÊm wu ni, akup anggelo mbÊ ndi, rok tÊk mana ndurÊng. 11 TÊn nga wamp angmÊn mbÊ, Sipsip Waⱡ ei nga mema ila ronduⱡ tÊk kÊn, elim nga ik kupa ei, wamp mat kundÊk nÊk etÊng uⱡ ei ndi, el rui wamp ei, rok mana ndurÊng. Wamp angmÊn mbÊ ndi, en enim rok kunding uⱡ ei, kapⱡa mint nÊk pÊtÊng. 12 Nim muⱡ kona ei kÊn, muⱡ ila mormin wamp mbÊ pora, numan kai pilik muⱡÊi! Wote, nim mÊi kona ei kÊn, num kuta raⱡ kit pilkÊⱡ ka etkÊⱡ muⱡÊl! Nambuⱡ emel, mbun mindil mam mat, enmbil kÊn onum. Seitan ni, popÊⱡ mam mat mepa kur mana urum. Ei nambuⱡ emel, elim ui onunga kot ila, mana omba moⱡmba uⱡ ei nga pilpa urum,” nitim. 13 WimbÊ ei, elim tÊk mÊi kona ila mana ndurÊng uⱡ ei pilpa kÊn, amp i kang mitim ni, pep ropa tÊkrÊpa purum. 14 Wote amp ni, kÊi ndowa mam ti nga pou raⱡ ngorung. Ei nambuⱡ emel, amp ei ndi, kÊi pou raⱡ ropa mondpa mbur nimba mba, kona kui waka ila muⱡangga, kona ila amp ei, rÊp itangina, wimbÊ ei kÊn, ruⱡ etpa nÊk kÊn etÊng, rumbÊⱡ 1260 omba mba. 15 Wote, wimbÊ ni nga keta nombuⱡa ila nu mam ti, mik ropa tÊpa, ekit ndurum ila nu ei ndi, amp ei, tangga nimba pilpa itim. 16 WimbÊ ei ndi, nu ni mik ropa munduⱡnga kÊn, wote mÊi ei ndi, amp ni, tÊpa rapundpa, nu mam ni keta anga ropa, nomba kitim. 17 Ni kÊn, wimbÊ kunt ei ndi, amp ei kÊn, popÊⱡ kuⱡpa kÊn, amp ei nga wamp pundun mbÊ kÊn, el ruimp nimba purum. Wamp pundÊn mbÊ, Got nga, mi ik mbÊ pora, pep rok, Jisas nga ik kupa ei nÊndÊk, rÊk rÊk pep rok etmin. 18 Wote, wimbÊ mam kunt ni, num kuta ÊldÊ ila anggilpa murum.