Matyu 9

1 Jisas kelpa nu kanu urum ni kÊⱡ ila ku, rukÊr mba, num Galili puⱡa ropa, elim nga kona peng ila int purum. 2 Kona peng ila wamp mat ndi, on por murum wu ti, rupⱡaima ila koma rok mek, elim urum nila orung. Jisas ndi, wamp mbÊ nga mondpa pili ronduⱡ purum uⱡ ei kandpa, wu on por mul ni kundpa nimba mel, “Na nga wu kangÊm ye! Numan wang ndui! Nim nga uⱡ kit mbÊ pendÊp kent,” nitim. 3 Jisas nÊtÊm ik ni pilik, Moses nga mi ik mbo wu kat, en enim nÊk int yant etÊk, “Wu ei ndi, Got nga ik mbuldung orunga nindinim ei ka!” nÊtÊng. 4 Ik nÊtÊng ei, Jisas ndi, tÊpa mendpa nimba mel, “Enim numan kit i etpa mbÊ nambuⱡ emel pÊnmÊn? 5 ‘Nim nga uⱡ kit mbÊ pendÊp, kent nimp ik ei kapⱡa,’ muna ‘Oⱡa molkÊn nombuⱡa mam pi,’ nimp ik ei kapⱡa?" 6 Ei mel, na MuⱡÊl Wu Kupa, ya mÊi kona ila ronduⱡ tep mor ei ndi, uⱡ it eng mbÊ pendÊp kilimp, nÊnt ik ei mel, itamba kandÊk poⱡ ndeing. Ei kÊn, on por mul wu ni kundpa nimba mel, “Oⱡa molkÊn, nim nga rupⱡaima kÊⱡ, koma rokÊn mekÊn mang kona pi!” nitim. 7 I pilinga, wu ni oⱡa moⱡpa, mang kona purum. 8 Wamp ila morung nimba, uⱡ i itim ei nga kandÊk, mundmong etÊk, Got ndi, mÊi kona wamp, ronduⱡ mam ti ngurum ei ka! NÊk kÊn, Got nga mbi paka rondrÊng. 9 Jisas kona ni wak ropa, nombuⱡa mam ila mba kÊndrÊm mel, ku moni takis ti, wu Matyu ni, elim nga kongun manga ila murum ila kundpa nimba mel, “Na pep rokÊn ui!” nitim. Matyu, Jisas nitim ik ni pilpa, pep ropa akil tepa purum. 10 Jisas kÊn, elim nga kitip kÊni wu kÊⱡ kÊn puk, Matyu mang kona ila puk rÊng norung. Ku moni takis ti wu na, punt wu minal rÊk ok, Jisas kÊn elim nga kitip kÊni wu kÊⱡ kÊn, morung ila molk, rÊk ndurÊng. 11 Perisi wu nimbÊ ndi, Jisas i etpa, rÊng numba murum uⱡ ni kandÊk, elim nga kitip kÊni wu nimbÊ waldÊk nÊk mel, “Enim nga ik mbo wu ei, ⱡawa etpa, ku moni takis ti wu na, punt ti wu na mbÊ kÊn, rÊng numba morum ei ka!” nÊtÊng. 12 WaldÊtÊng ik ni, Jisas pilpa nimba int ndupa nimba mel, “Kui rui narÊrÊm wamp ei, dokta morum ila pi napÊrmÊn. Kui rorum wamp ei mint purmin. 13 Painui wu Oseiya ndi, mon ti ropa i nimba mel, ‘Got ndi, nim wamp elpa mbÊ kaimp kÊⱡ nimba pÊtÊm. Kng rÊng mel mbÊ, kaⱡpa tindiⱡim mundi uⱡ ei mon. Na wamp kun kai mbÊ kÊn, Got nga uⱡ mbÊ pep reing nÊmp ui nÊwÊr mon!’ nÊtÊm. Na uⱡ kit iti wamp na, wote punt ti wamp na mbÊ, etÊp timp nÊmp ur,” nitim. 14 Wamp nu tindi wu Jon nga kitip kÊni wu kÊⱡ ok, Jisas murum nila waldÊk, “TÊn kÊn Perisi wu kÊⱡ kÊn, rÊng mowi rÊk rÊk petmin. Ei wote, nim nga kitip kÊni wu kÊⱡ, rÊng mowi pi napÊtmin, ei ka!” nÊtÊng. 15 Wote Jisas ndi, ik punt ropa nimba mel, “Wamp tÊma ong mbÊ, amp tÊmba wu ei kont moⱡum ei kÊn, wamp tÊma ong mbÊ, numan kai pendÊk muⱡing. Wote, amp tÊmba wu ei, imp molk mek pung ei kÊn, wamp tÊma mbÊ, rÊng nandÊk kont kolk mowi ping. 16 Wamp ti ndi, muⱡ uni kont ti tÊpa, wal pÊki unt nga kat mbila, nÊtÊm ila pendpa, kapⱡa ropa rumbÊⱡi nambrÊm. Ei nambuⱡ emel, muⱡ uni kont pendpa rambÊⱡÊm ei, ronduⱡ mba wal pÊki unt nga kÊⱡ mepa, rÊk omba ou ndupa ou ndurum. 17 Muna, wamp ti ndi, nu wain kont ei tÊpa, kng meme kÊng ming unt nga ila, oi ndupa mundi namÊndrÊm. I etÊm ndam, meme kÊng ming unt nga ei, wain kont ei ndi, pepa mbun itangga, meme ming ei rung nimba. Wote, wain kont ei etpa, kit ku moⱡmba. Mon, wain kont ei meme kÊng ming kont tila ku, ming rumÊn uⱡ ei ndi, nu kep, ming kep, pÊkÊ etpa kai moⱡmba,” nitim. 18 Jisas ik nimba moⱡnga, Jura wamp atinga manga kel rÊp wu ti, omba Jisas murum nila, mura ropa mondpa nimba mel, “Na nga mbuⱡam ambuⱡa ei, Êkpi mendpÊⱡ koⱡmba enim. Wote nim okÊn, nim nga ki ei ndi, minda ndun ndam, kont mba moⱡmba,” nitim. 19 Ni kÊn, Jisas pilpa anggilpa wu ni purum mel akil tilinga, elim nga kitip kÊni wu nimbÊ, Jisas purum mel rÊp rok purung. 20 Ni kÊn, nombuⱡa mam paka ila amp ti ku, puk ropa, mema omba mba mint moⱡnga, pana 12 omba purum amp ni ndi, omba Jisas nga wal pÊki roⱡ kÊⱡ nga punt ila, minda ndurum. 21 Minda ndupa numan rukÊr nimba mel, “Na elim nga wal pÊki kÊⱡ mint minda ndunt uⱡ ei ndi, na nga kui ei pora nimba,” ni pitim. 22 Jisas tÊpa pelinga ndupa, amp ni kandpa nimba mel, “Na nga ambuⱡa ye! Nim numan wang nda! Nim nga mondpa pili ei ndi, ninim etpa wei mondnÊm,” nitim. TÊngÊnda mint, amp ei nga mema rurum uⱡ ni kÊr nitim. 23 I etpa pendpa, wote Jisas ni, mba rÊp wu ni nga manga ila, murÊk purum. Mba kÊndrÊm mel, koⱡa manga kowa pela ik ndurmÊn wu mbÊ kÊn, koⱡa manga morung, wamp nimbÊ nga ka rom ik ei, ama oⱡa purum. 24 Jisas kandpa, omba nimba mel, “Enim wamp pÊkÊ, ok pena pÊiya! Ambuⱡa kel ei kuⱡi naⱡÊm. Ambuⱡa ei, ur mendpÊⱡ petÊm!” nitim. I nitim ik ni nga wamp ndi, ik nitim ni, tÊk ik ong paka pendÊk, oi endÊk etÊng. 25 Jisas ndi, wamp nimbÊ pÊkÊ, makrÊpa tÊpa pena ndupa, pora ndupa, ambuⱡa on tetÊng ruⱡmina nila murÊk mba, ambuⱡa ni nga ki ni ambuⱡpa, oⱡa tilinga, ambuⱡa ni rÊt nimba, oⱡa murum. 26 Uⱡ itim ei nga timan ik ei nÊk, mek ekit puⱡmina, kona nondpa wamp mbÊ ndi, pilik kapⱡa endÊtÊng. 27 Jisas kona ni wak ropa, nombuⱡa mam tila omba purum mel, mong titim wu ralt akil tekÊⱡ, wi nop nÊmp rokÊⱡ nÊkÊⱡ mel, “Depit nga kangÊm ye! TÊl kont kun ka!” nÊtÊnggil. 28 Wote, Jisas manga ila murÊk purum ni kÊn, mong ti wu ni raⱡ akil tekÊⱡ, elim murum nila oⱡunggila, wu raⱡ kundpa nimba mel, “Na ndi, enmbil kapⱡa, etÊp timp ni kÊⱡ mondkÊⱡ pÊnmbil ye?” nimba wuldÊtÊm. Wote, ni wu ni raⱡ ndi, “Nuim ei! Nim ndi, kapⱡa tÊl etkÊn tin,” nÊtÊnggil. 29 Wote Jisas ndi, wu ni raⱡ nga mong ei, minda ndupa, “Enmbil nga mondpa pili ei ndi, enmbil etpa tÊnÊm,” nitim. 30 Nimba, mong ni raⱡ etpa piral ndurum. Wote Jisas ndi, wu ni raⱡ kÊn, ronduⱡ mundpa man ngumba mel, “Ya ent uⱡ ei, wamp ti kundÊk ni nÊnÊl mon!” nitim. 31 Wote, Jisas nitim ik ni, pilik kelkÊⱡ, Jisas nga itim uⱡ ei, kona mbila timan roⱡÊnggila. Wamp ndi, pilik kapⱡa endÊtÊng. 32 Wu ni raⱡ kelik poⱡunggila mel, wamp mat ndi, ik nÊndÊtÊm wu ti kur kit moⱡpa itim wu ti, mek Jisas murum ila orung. 33 Wote Jisas ndi, kur kit ni makrÊpa monduⱡnga, wu ni nga ik ei peⱡa nitim. Wamp morung nimbÊ ndi, kandÊk min ngÊn mundÊk ei mel nÊtÊng, “TÊn ya, Isrel kona ila uⱡ ei mel ti, kÊni nakÊndÊrmÊn,” nÊtÊng. 34 Wote, Perisi wu nimbÊ ndi, nÊk mel, “Kur kit tÊpa ekit ndunÊm ei, kur kit mbÊ nga Nuim ei ndi, wu ei ronduⱡ ngurum ei nga enim,” nÊtÊng. 35 Jisas kona ou kel titim nimbila, atinga manga murum nimbila, andÊp Got nga kÊndÊk ik kai ei nimba ngumba. Omba elim ndi, Got nga tÊpa mumuk rui kona ei nga nimba. Wote, kui namba kui mbÊ nga pitim wamp mbÊ, etpa wei mondpa itim. 36 Wote, Jisas wamp mam ti kÊndrÊm. Ni kÊn, kont minal kurum. Ei nambuⱡ emel, kng sipsip na mat, rÊp wu mon etÊm ni mel, wamp mbÊ, mindil nok pilik rondÊk puk morung. 37 I itim ei nga kandpa, elim nga kitip kÊni wu ni kÊⱡ kundpa nimba mel, “Kongun rÊng mbÊ ou ndunÊm. Ei wote, rÊng tÊk mou ruing ei nga kongun wamp onunga enim! 38 Ei nga, kongun rÊng puⱡ wu ei kÊn, atinga rangina, kongun wamp puⱡi tÊpa mundangga, rÊng mbÊ tÊk mou reing,” nitim.