Matyu 10

1 Jisas elim nga kitip kÊni wu 12 ni kÊⱡ, wi ropa rukÊr tÊpa, ronduⱡ ngumba kur kit moⱡum wamp mbÊ nga kur kit mbÊ, tÊk mundÊk, kui ou kel mbÊ nga elpa elpa pem wamp mbÊ, etÊk ting ei nga ronduⱡ ngurum. 2 Nombuⱡa rung wu 12 kÊⱡ nga mbi kÊⱡ ya ei mel, kuimbal murum wu ei, Saimon ei, mbi kont ti tek, Pita nitmin ni kÊn, ÊngÊn akil Andru kÊn, wu Sepeti kangÊm Jeims kÊn, Jon raⱡ kÊn, Pilip kÊn Bartolomiyu kÊn, Tomas kÊn, Matyu ku moni takis ti wu ni kÊn, Jeims wu Alpiyas kangÊm kÊn, Tatiyas kÊn, Saimon ei, wu el kum kat Rom rup wamp ei, ropa nga tÊpa mana nduimin nÊk etÊng. Wu kÊⱡ nga wu ei kÊn, Juras Iskariyot, wote Jisas rÊk murum wu ni kÊn. 5 Jisas ndi, elim nga kitip kÊni wu 12 ni kÊⱡ, tÊpa kongun ila mundpa, ik kÊⱡ mel man ngumba mel, “Got nga ik nÊpÊl, mbo wamp mormin kona mbila kep, Sameriya kona mbÊ nga kona peng mbila kep, rukÊr pi nÊpÊi! 6 Enim puk Isrel wamp mbÊ, rÊp wu ti mon elinga, kng sipsip mel, tiki polk mormin mbila pÊi! 7 Puk kÊn, Got nga ik puⱡ i etÊk nÊk mel, ‘Got nga wamp tÊpa mumuk rui uⱡ ei nondpa omba nÊi!’ 8 Kui peng em wamp mbÊ etÊk tÊk, wamp on mbÊ, rok rot nduk, kint pombuⱡma rorum wamp mbÊ etÊk tÊk, kur kit wamp kÊn moⱡum mbÊ, makrÊk tÊk mundÊk etÊi! Enim memp tÊnmin ei, wei nÊwÊ tÊnmin ei mel ku, wamp mbÊ ya nÊnt uⱡ mbÊ mel, gem ku etÊk pindÊi! Uⱡ mbÊ mel etpÊn, wote mel na ti, punt rok ngeing nÊk, pilik iti nÊtÊi! 9 Ku moni mat tÊk enim nga kÊng ila pendÊk, mek pi nÊpÊi mon! 10 Wal kumbana na kel kat kep, rapÊk mek pi mon. Wote, wal pÊki na ei nga kep, kÊmp rÊk mel mek pi nÊpÊi mon ku! Omba, nombuⱡa mam pangina, kÊmp ambuⱡmba ei nga tÊmbÊⱡ na ti kep mon ku. Nambuⱡ emel, pung kona mbila mel mbÊ nga tÊk kun inding. 11 “Enim kona peng kel muna, manga rÊⱡaip na tila puk eng ei kÊn, wamp nam ti ngorum puⱡ orunga, kai etÊm wamp ei nga, manga ila pek muⱡÊi! Molk wote, kona tila ku pÊi! 12 Wote, manga tila murÊk puk, manga puⱡ wamp ei kundÊk, moⱡpa kundi uⱡ ei, enim kÊn piyangga, ngÊi! 13 Manga puⱡ wamp mbÊ ndi, enim numan ngÊk, rawe etÊk tÊng ndam, enim nga memp ik ei, wamp kÊⱡ kÊn piyangga! Muna, enim numan ngui nganggÊk, rawe etÊk ti natÊng ndam, enim nga memp ik ei, en enim kÊn yant wangga, ngÊi! 14 Wote manga rÊⱡaip ti ndi, muna kona peng kel ti nga wamp mat ndi, enim rawe etÊk ti natÊk, Got nga ik ei tÊk pei mundÊk tÊk, nguna kandÊk, piling ei nga numan ngui nganggÊk, eng kona ei wak rok, enim nga kÊmp kaimp ila kÊng ngupÊn moⱡum ei ila, ndanda nduk, tek kelik pÊi! 15 Enim ik kupa ei kundÊp nÊnt, muⱡ mÊi raⱡ pora nangga! Got ndi, wamp kÊmp tÊm ui ei kÊn, kona peng na, manga rÊⱡaip na mat, Got nga ik ei tÊk nguna kandÊk, tÊk pei mundÊk piling ei, numan ngui nganggÊk, enim wamp nimbÊ, mindil mam ti nuing. Ei, unt kor nga ei, kona Sorum, Gomora raⱡ, ropa kaⱡnga mindil norung ei mel mon. Wote, ama mindil elpa ti mel ku nuing. 16 “Kum tÊiya! Na ndi, enim owa rakra mormin kona ila, kng sipsip tÊk mondÊrmin ni mel, enim tÊp mundunt. Ei kÊn, kimbuⱡa mel tÊk mendÊk, kÊi imil mel, koma tek ÊndÊi! 17 “Wamp ndi, enim imp molk mek puk, wu ou mbÊ ngangina, atinga manga kel mbila, kanda ndi rok iting ei nga tÊk mendÊk ÊndÊi! 18 Omba, mbo wamp moⱡÊng kona mbila na ndi, nÊi nÊnt ik mbÊ nÊk, itÊi nÊnt uⱡ mbÊ mel eng ei kÊn, enim tÊk mek puk, Rom kona mbÊ nga rup nokundurmÊn wu mbÊ kÊn, kona mbÊ nga wu peng mumuk mbÊ kÊn, moⱡÊng mbila, enim kot inding. Mbo wamp moⱡÊng mbila, i eng uⱡ ndi, na nga ik ei para mba. 19 Enim kot inding pilik imp molk mek ong ei kÊn, etÊp nÊmin mel nant nÊk, kÊⱡ keⱡ numan ou nduk pili nÊpÊlÊi! Enim nga ik ropÊl rok, ning ui ei om kÊn, Got elim ndi, enim nga keta ila nimba ngui ngui endÊmba. 20 Ik ning ei, enim ndi, kanda ni nÊning. Enim ik ning ei mel, enim nga Oⱡa Wuta nga Muⱡnga ei ndi, enim kÊn moⱡpa, ni nÊndÊmba. 21 “Wu ÊngÊn ti ndi, ti rÊk muⱡangga rok kunding. Wu Tipam ti ndi, elim nga kangambuⱡa mbÊ, rÊk muⱡangga, rok kunding. Muna, kangambuⱡa ndi, en enim nga mam tipamÊl mbÊ, rÊk muⱡangina, rok kunding. 22 Wamp minal ei ndi, na nga nÊndÊk eng uⱡ ila kandÊk, enim numan ngui ngÊnging. Ei kÊn, wamp nam ti ndi, na nga ik ei pewa aiwa nimba, ambuⱡpa gi ndupa muⱡangga, kot ending uⱡ ei, pora nim ndam Got ndi, wamp ei etpa tÊmba. 23 Enim kona peng ila pangina, tÊk kot ending ndam, kona ei wak rok kelik, kona peng elpa tila ku pÊi! Enim ik kupa ei kundÊp nÊnt, Got nga ik ei, Isrel kona peng tetÊm mbÊ nga kona peng mat ila kundÊk, ni nÊni muⱡangina, wote MuⱡÊl Wu Kupa ei, yant omba. 24 “Skul kangambuⱡa ti ndi, elim nga ik mbo wu ei, tÊpa mana ndumba mel mon. Kindmant wamp ei ndi, elim nga wu nuim ei tÊpa mana ndumba mel mon. 25 Ei kÊn skul kangambuⱡa ti ndi, ik mbo wu ei mel, kapⱡa muⱡimp nimba pilpa, mil kan etpa om ndam, kapⱡa etmba ku. Omba kindmant wu ti ndi, elim nga wu nuim ei nga kitip kandpa, kongun em ndam, kapⱡa ku etmba. Wote, wamp mbÊ ndi, manga puⱡ wu ei kundÊk, Biyelsipul kur kit mbÊ nga nuim ei, nÊng ndam, wote manga tenda ila petmin wamp mbÊ i ku etÊk, ik kit wei mat ku nÊnding. 26 “Ei kÊn, enim wamp mbÊ nga mundmong iti nÊtÊi! Uⱡ mo rok, ik mo rok nÊk eng mbÊ, etpa tÊpa mot ndumba. 27 Na enim rumbÊⱡ ila, kundÊp nÊnt ik kÊⱡ, wote rÊnggilmÊ nÊk, mot ndÊi! Wote, enim ol tep kundÊp nÊnt ik kÊⱡ, tÊk pena ila pendÊk nÊi! 28 Enim nga kÊng kÊⱡ rok kunding. Wote, min ei rok kundi nÊkÊnding. Wote wamp mbÊ nga, mundmong indi nÊndÊi! KÊng kep, min kep, pÊkÊ ropa, ndip kona ila mundÊmba wu Got ei nga mint mundmong indÊi! 29 KÊi waⱡ raⱡ nga ku kuⱡi tenda na, ei mel rop mundpÊn tilmina. Ei wote, enim nga muⱡ kona morum Wu TipanÊm kupa ei ndi, kandpa kilangga, kÊi raⱡ nga ti tÊpa, kawa ndupa mana omba, koⱡmba mel mon. 30 Enim wamp mbÊ, nga peng ila, peng ndi namba iti morum ei, Got ndi pilpa ketÊm. 31 Ei nga, mundmong iti nÊtÊi! Enim wamp mbÊ kÊi waⱡ na ei mel mon. Enim wamp ei, Got nga kuimp keta ila, mel numan ngui elpa ti mel ku mormÊn. 32 “Wamp nam ti ndi, wamp moⱡÊng kona pena mbila moⱡpa, na nga para ndupa, nimba mot ndum ndam, na ndi i ku etÊp, na nga muⱡ kona Wuta morum ila, wamp ei nga nimp mot nduimp. 33 Muna wamp nam ti ndi, wamp moⱡÊng kona pena mbila moⱡpa, na nga ik ei pi napÊtmÊn nim ndam, na ndi, i ku etÊp, na nga muⱡ kona Wuta moⱡum ila, wamp ei na pi napÊt ku nimp. 34 “Enim ndi, na ya mÊi kona ila, moⱡpa kundi uⱡ ei nga mep ur nÊk, pili nÊpilÊi mon! Na ya moⱡpa kundi uⱡ ei, mep ui nÊwÊr. Na ndi, wamp mbÊ etÊp, oi kan pindimp pilip, koiya nengina ti mep ur. 35 Puⱡ geka nangga nÊmp ur ei mel, na ndi, wu tipam kangÊm raⱡ, mam mbuⱡam raⱡ, amp apÊm apÊm raⱡ mbÊ, oi piyangga nÊmp ur. Wote, wu ti nga el puⱡa wamp mendpÊⱡ muⱡing kÊⱡ, elim nga manga tenda wamp kÊⱡ. 37 Wamp nam ti ndi, elim nga mam tipam raⱡ numan minal ngumba. Na wei wei etpa, numan ngum ndam, wamp ei na nga kitip kÊni wamp moⱡmba mel kapⱡa mon! Wamp nam ti ndi, i ku etpa, elim nga kangambuⱡa mbÊ, numan minal ngumba. Na wei wei etpa, numan ngum ndam, wamp ei na nga kitip kÊni wamp moⱡmba mel, kaⱡpa mon. 38 Wamp nam ti ndi, elim nga nde peta ei koma rui narÊpa, na kÊn pep ropa ui nawÊm ndam, na nga kitip kÊni wamp moⱡmba mel, kapⱡa mon. 39 Wamp nam ti ndi, elim nga mÊi kona ila moⱡpa mba, uⱡ ei nga kel rondum ndam, wamp ei kont mba mul uⱡ ei ti natÊmba. Muna wamp nam ti ndi, na nga nÊndpa uⱡ mat itangga! Wote, elim rok kondung ndam, kont mba mul uⱡ kupa ei tÊmba. 40 “Wamp nam ti, enim rawe etpa tÊm wamp ei, na rawe etpa tÊmba. Wote, wamp nam ti, na rawe etpa tÊm wamp ei, wi muⱡ kona na tÊpa mundrum wu ei, rawe etpa tÊmba. 41 Wamp nam ti ndi wamp ei, Got nga nombuⱡa rung wamp ei nimba, rawe etpa tÊpa mepa, elim nga mang kona pum ndam, wamp ei Got nga nombuⱡa rung wamp ei nga punt mel, Got ndi, ngumba ei kunda tinggil. Wote, wamp nam ti ndi, wamp ei, uⱡ kai mbÊ etÊm nimba, rawe etpa tÊm ndam, wamp ei uⱡ kai mbÊ etÊm wamp ei nga punt mel, Got ndi, ngumba kunda tinggil. 42 Na ik kupa ei nÊnt, wamp nam ti ndi, wamp kurpa ti kandpa wamp ei, Jisas nga kitip kÊni wamp ti, kant ei ka nimba, mbo nu kot nui nimba, kuⱡpa ngum ndam, wamp ei, Got ndi, wak ropa wei mundi namÊndÊmba,” nitim.