Luk 12

1 TÊnggÊt kÊn, wamp ama minal ok moⱡina, kona ti nimba moⱡnga, wamp mat ndi, mat kÊmp pol mbila kambilik anggÊtÊng. Kona nila Jisas ndi, elim nga kitip kÊni wu kÊⱡ, kuimp tepa kundpa nimba mel, “Enim ndi, Perisi wamp mbÊ nga yis mbÊ, pilik tÊk mendÊk muⱡÊi! Yis nÊnt ei, ik kol uⱡ ei, kundÊp nÊnt nitim. 2 Wamp mbÊ ndi, ik nÊk, mo rok uⱡ etÊk, kambilik pendÊk mormin mbÊ, wote pena ila mot nimba. 3 Wote enim ndi, ik mat rumbuⱡ ila molk nÊng ik mbÊ, wote omba ik mat nÊng ndam, pena ila piyangga wamp mbÊ ndi, pilik kapⱡa inding. Manga ila mukÊr, ol tek nÊng ik mbÊ, tÊk peni ila pendÊk, ui rok ning,” nitim. 4 Wote Jisas ndi, wamp mbÊ kundpa nimba mel, “Enim nga kÊng kÊⱡ, wamp mat ndi, rok kunding ei nga mundmong iti nÊtÊi mon! Enim nga min ei, kunda rok kundi nÊkÊnding ei ka,” nitim. 5 Jisas ndi, nimba mel, “Enim ndi, nam nga mundmong inding ei nga, na ndi, nÊmp piral ndamp. Got nga mint mundmong indÊi! Nambuⱡ emel, Got nga rondÊⱡ ei ndi, wamp ropa kundpa, wote ndip kona tÊpa mundpa etÊm. Na ndi, enim ik kupa kundÊp nÊnt. Enim ndi, Got nga mint mundmong indÊi! 6 Enim pÊtmÊn ni ka, wamp mat ndi, ku toea raⱡ rok mundÊk, kÊi waⱡ 5 kat rarÊp rok tÊtmÊn. Ni nga, Got ndi, kÊi waⱡ ti, wak rui narÊrÊm mon ni ka! 7 Got ndi, enim wamp mbÊ nga peng ndi mbÊ, kÊmp ropa pilpa pora ndurÊm. Ei nga, enim mundmong iti nÊtÊi! Enim wamp mbÊ, Got nga kuimp keta ila wamp ingk mbÊ mormÊn,” nitim. 8 Omba Jisas ndi, wamp kÊⱡ ik mat, kundpa nimba mel, “Wamp ti ndi, anggilpa wamp mbÊ kundpa, na nga rÊⱡaip ila mor nim ndam, wote MuⱡÊl Wu Kupa ei ndi, Got nga anggelo mbÊ kÊn, uⱡ tenda ei mel ku etmba. 9 Wote, wamp ti ndi anggilpa, wamp mbÊ kundpa, na nga rÊⱡaip ila rÊk muⱡi nambÊr nim ndam, wote MuⱡÊl Wu Kupa ei ndi, Got nga anggelo mbÊ kÊn, uⱡ tenda ei mel ku etmba. 10 Wamp nam ti, MuⱡÊl Wu Kupa ei, ik mura kit mat ngum ndam, Got ndi, wamp ei nga uⱡ kit mbÊ wak rondÊmba. Wote, wamp nam ti ndi, Muⱡnga Wingti ei ik mura kit mat ngum ndam, wote Got ndi, wamp ei nga uⱡ kit mbÊ, wak rundi nandÊmba mon! 11 Ui mat kÊn, enim wamp mat ndi, mek puk atinga manga kel na, gapman kot kona mbila, muna mi ik mbo wu na mbÊ nga kuimp keta mbil angÊndÊk, enim waldÊk, ik mat nÊng ndam, enim mundmong etÊk kÊn, na namba etÊp ik mat, punt rop nimp nda nÊk, pili nÊpÊlÊi mon! 12 Ant mong ila kÊn, Muⱡnga Wingti ei ndi, ik mong mbÊ, mbo rundangga punt rokÊn nin ei ka!” nitim. 13 Wamp ou nduk, mÊk rok morÊng rÊk ting nila wu ti ndi, Jisas kundpa nimba mel, “Ik Mbo Wu ye! Na nga tipam ei, kurÊm ei nga, na nga ÊngÊn wu ei, kundÊk nana kÊn, tÊl nga tipam ei nga moiya mel tepa, purÊm mbÊ nga mat, kÊmp tÊpa, na ngangga ni!” nitim. 14 Wote Jisas ndi, wu ni punt ropa, waldpa nimba mel, “Nam ndi, na mak ropa kÊn, enmbil nga mel mbÊ, molkÊn kÊmp tindi,” nitim. 15 Jisas ndi, wamp nimbÊ, kundpa nimba mel, “Enim pilik kandÊk, kun etÊk muⱡÊi! TÊpa kawa ndangga, enim ndi, mel elpa elpa mbÊ kandÊk, kum pindi uⱡ ila muⱡing. NambÊⱡ emel, enim mel ou nduk, tek moⱡÊng ndam, mel mbÊ ndi, enim nga kont muⱡing uⱡ ei, kapⱡa mon,” nitim. 16 Jisas ndi, ik ek ti ropa, wamp mbÊ, kundpa nimba mel, “Wu ti, ku moni ambrÊm ei nga, kongÊn kona ila rÊng puⱡi, kakÊna tangga kÊn, wote wu ei, elim numan ei ndi pilpa, ‘Akup na namba uⱡ ti itimp nda nimba kÊn, na nga rÊng mbÊ, tÊp timp manga mat, mon pÊnt ei ka! 18 Akup na pÊnt uⱡ ei mel, itimp nimba kÊn, rÊng tet manga mbÊ, rokÊtÊp kÊn, manga mam mat rakÊp mondÊp mbila, wit na rÊng kai mbÊ, manga ila timp.’ 19 Wote elim ndi, nimba mel, “Na akup mel mbÊ, kapⱡa enim. Na mel kai mbÊ, tÊp tep moⱡÊp pamba mba, pana ou ndupa omba mba. Akup na rÊk rÊk rÊng nomp, nu kai kandÊp, muⱡ tÊp ambuⱡÊp paⱡÊp, wei muⱡimp ei ka!’” nitim. 20 Wote Got ndi, wu ni, kundpa nimba mel, ‘Nim wu wÊlÊ purÊm ti kant. Akup rumbÊⱡ ila mint nim kun ndam. ‘Wote, nim nga mel tekÊn morÊn mbÊ, wamp nam ti tÊmba nda?’ 21 Wote Jisas ndi, nimba mel, “Wu mat ndi, mel ou ndupa mbÊ, tÊk mÊk rok molk, wote Got nga kuimp keta ila, wamp kurpa ralk muⱡing,” nitim. 22 Wote Jisas ndi, elim nga kitip kÊni wu ni kÊⱡ, kundpa nimba mel, “Na ndi, ik kÊⱡ nÊnt. Enim nga kÊng orunga, namba rÊng mat nombÊn, muⱡ mat raⱡpÊn itmin nda nÊk, kel rondÊk numan ou ndupa, pili nÊpÊlÊi mon! 23 Kont mba mul uⱡ ei uⱡ rondÊⱡ, wote rÊng mbÊ kÊn kapⱡa mon! Wote, kÊng kÊⱡ nga ronduⱡ ei kÊn, muⱡ mbaⱡ mbÊ nga rondÊⱡ ei, kapⱡa mon! 24 Enim kÊi mbÊ kÊnÊiya! KongÊn etÊk rÊng mat rÊⱡi nakÊrmin ku. Wote, rÊng manga mat rÊki nakÊrmin ku. Wote kÊi mbÊ, Got ndi, rÊng ngurÊm ila nok andÊrmin. Enim wamp mbÊ, kÊi mbÊ mel kapⱡa mon ei ka! 25 Wote, enim kÊⱡ nga ti ndi, numan rondÊⱡ kat pilpa kÊn, na pana ralt moⱡÊp mint, mbi nimba pÊtÊm uⱡ ei, kapⱡa mon! 26 Uⱡ kel ei, nim kapⱡa iti nÊtÊn. Ei nga wote, enim mel elpa mat nga nambuⱡ emel, numan ou nduk pÊtmÊn? 27 Enim ndi, plawa kuk kÊⱡ kandÊrmin ei, etpa oⱡa orÊm mel nant? Wote, plawa kuk mbÊ ndi, kongun iti natÊk muⱡ mbal namba iti natÊtmÊn ni ka! Ei nga, na enim kundÊp nÊnt. Unt king Solomon ndi moⱡpa, elim nga kÊng orunga, muⱡ minal tepa, moke kai mat itim. Wote, plawa kuk ei nga eng norum uⱡ ei ndi, king Solomon nga moke itim uⱡ ei, mana ndurÊm. 28 Akup nga plawa kÊⱡ, mÊi ila kuk ropa, eng nomba morÊm. UtÊma oⱡa ila, tepa mana pangga, tÊk ndip kÊⱡing. Plawa mel roldÊnga kÊⱡ, Got ndi, ou ndurÊm ndam, wote enim wamp mbÊ, mundpa kel mba nda ei! Enim wamp mbÊ nga mondpa pili mel wei etpa petÊm. 29 Uⱡ ei nga, enim ndi, kÊⱡ keⱡ numan pilik kÊn, namba rÊng na, nu na mat nuimin ndam, nÊk pili nÊpÊlÊi, mon! 30 Mbo wamp mbÊ, mel mbÊ nga mint pilik keⱡ rondÊrmin. Wote, enim nga Tipam Got ei ndi, enim nga ting mel mbÊ, pilpa pora ndurÊm. 31 Wote enim ndi, Got nga wamp tÊpa mumÊk rui uⱡ ei tÊk, kuimbal mundÊng ndam, Got ndi, mel mbÊ pora, enim ngumba mint,” nitim. 32 Jisas ndi, wamp mbÊ kundpa nimba mel, “Enim wamp rÊⱡaip kel kÊⱡ, mundmong iti nÊtÊi! Nambuⱡ emel, enim nga Tipam ei ndi, nimba pora ndupa kÊn, Got nga wamp tÊpa mumÊk rui uⱡ ei, enim nguimp nitim. 33 Enim nga mel tek moⱡÊng mbÊ, rarÊp rok, ku tÊk, wote ku moni mbÊ tÊk, wamp kurpa moⱡÊng mbÊ, tÊk rapÊndÊk ngÊi! Ku moni wal rondÊⱡ kat kit muⱡi nambÊrÊm kÊⱡ ila mel kai mbÊ, tÊk wal rok, wi muⱡ kona ila tiyÊi! Kona ila wu raⱡ rui narÊmba, kindÊp nok ti nÊting, tÊtÊp ropa uⱡ ti, iti natÊmba. 34 Enim nga mel kai mbÊ, teng kona ila wote, enim nga mundmong ei kunda temba,” nitim. 35 Jisas ndi, wamp mbÊ kundpa, nimba mel, “Enim nga muⱡ mbal mbÊ tÊk, gi nduk ralk, lam kiya mbÊ, anmbil nangga. TÊk kun etÊk muⱡÊi! 36 Enim nokÊndÊk muⱡing uⱡ ei, wu nuim na ti, kang amp tÊk etmin ila mba, rÊng nomba moⱡpa, wote yant omba, manga kumba roⱡnga kÊn, kongun wu kÊⱡ ndi molk, tÊkrÊk ok, manga kumba tÊtmÊn uⱡ ei mel. 37 Wote, wu nuim ei, omba kandrÊm mel, kongÊn wu kÊⱡ ur pi napÊk mormin kÊⱡ, ambulk palk muⱡeing. Na ndi, enim ik kupa kat kundÊp nÊnt. Wu nuim ei, elim nga muⱡ mbal ei, tÊpa gi ndupa raⱡpa, wamp mbÊ, rat puⱡ ila, muⱡÊi nimba. Wote elim ndi, wamp mbÊ, rÊng ngumba ei nga nu kundpa moⱡmba. 38 Wote, wu nuim ei, rumbÊl rangga omba, muna ou rumbuldi omba, muna wote rang mba tangga omba, kÊnangga kongÊn wamp kat ur pi napÊk, tÊk kun etÊk moⱡÊng wamp kÊⱡ, kapⱡa ambulk palk muⱡeing. 39 Wote, enim uⱡ ti pilÊi! Manga puⱡ wamp ei ndi, kundÊp wamp ti omba, ei nga pilim ndam, elim nokundpa moⱡpa, elim nga mel mbÊ poⱡ tÊmba. 40 Uⱡ ei mel ku, enim akup tÊk kun etÊk muⱡÊi! Enim ndi, MuⱡÊl Wu Kupa ei, ui nawÊmba, rÊk pilik moⱡÊng ui tila omba,” nitim. 41 Pita ndi, Jisas ni, waldpa nimba mel, “Wu Nuim ye! Nim ik ek rokÊn nÊn ik kÊⱡ, tÊn mint kundkÊn nÊn, muna wamp mbÊ, kunda kundkÊn?” nitim. 42 Wote Jisas ndi, nimba mel, “KongÊn wamp nam ti, elim numan kai pilpa, elim nga kongÊn ei etpa kai mondrÊm. Elim nga wu nuim ei ndi, elim to ropa mondpa kÊn, elim nga kongÊn wamp mbÊ rÊp endpa, rÊng nuing wi ei, pilpa mint, kongÊn wamp mbÊ rÊng ngumba. 43 Wote, wu nuim ei, yant omba kÊnangga kÊn, elim nga kongÊn rÊp endpa, moⱡÊm ndam, kongÊn wu ei, ambuⱡpa paⱡpa moⱡmba. 44 Na ndi, enim ik kupa kat kundÊp nÊnt. Wu nuim ei ndi, elim nga mel mbÊ pora, kongÊn wu ei ndi, rÊp itangga,” nimba. 45 “Wote kongÊn wu ei, elim nga numan ila keⱡ rondpa kÊn, elim nimba mel, ‘Wu nuim ei, tÊkrÊpa ui nawÊmba ei ka!’ nimba. Wote, kongÊn wamp mat, tÊmbÊⱡ ndi ropa, rÊng tem mbÊ nomba, nu nomba kupÊr ropa muⱡangga kÊn, wote wu nuim ei omba, kÊnangga kongÊn wu ei, tÊpa kun iti natÊpa moⱡÊm ndam, wu nuim ei ndi, kongÊn wu ei etpa kit mondpa, kongÊn etÊk kit mondÊrmin wamp mbÊ kÊn, tÊpa rÊp rondÊmba. 47 Kongun wu nam ti, elim nga wu nuim ei nga kongÊn endÊmba kÊⱡ, pilpa pora ndupa, wote elim tÊpa kon iti natÊpa moⱡÊm ndam, tÊmbÊⱡ ndi romba. 48 Wote, kongÊn wu nam ti ndi, elim nga wu nuim ei nga endÊmba uⱡ kÊⱡ, pili napilpa, uⱡ kit mat em ndam, elim nga wu nuim ei om ei kÊn, kongÊn wu ei, tÊmbÊⱡ wei wei etpa romba. Mel ou ndupa tÊm wamp ei ndi, mel ou ndupa, punt ropa ngumba. Wote, mel ou ndupa, minal tÊm wamp ei ndi, to ei mel ku, punt ropa ngomba,” nitim. 49 Wote Jisas ndi, wamp mbÊ, kundpa nimba mel, “Na omp kÊn, ndip ti, mÊi kona ila rop mundÊr ei, tÊkrÊpa ndip nangga nÊmp pÊnt. 50 Na nu ti, mel ku timp ei, ti natÊp mor ei nga numan ei mbun enim. 51 Enim ndi, pilik kÊn, na ya mÊi kona ila mana ur ei, wamp nga moⱡpa kundi uⱡ ei, mep ui nÊwÊr! Na ndi, enim kundÊp nÊnt. Na omp wamp rÊⱡaip mbÊ, tÊp elpa elpa mundimp ei nga ur. 52 Akup ei kÊn, wote kunda ku, wamp mbÊ, paip kat manga tenda ila petmin ndam, raⱡ int tanggila, raldika yant tangina, el puⱡa wamp ralk muⱡing. 53 Wamp oi rok muⱡing ei mel, tipam kangÊm raⱡ, el puⱡa wamp mel muⱡÊnggil. Mam mbuⱡam raⱡ, el puⱡa wamp mel muⱡÊnggil. ApÊm apÊm raⱡ, el puⱡa wamp mel muⱡÊnggil,” nitim. 54 Wote ni kÊn, Jisas ndi, wamp rÊⱡaip mam ti morÊng ila, kundpa nimba mel, “Enim ndi, wÊl ant ei, mana purÊm orunga, kona kopa kÊⱡ kandÊk kÊn, kona ndamÊng romba nÊtmin ei, kopa kona rorÊm. 55 Wote enim ndi, molk kandÊk pilik kÊn, kona ant ei, al orÊnga rondÊⱡ mundpa oⱡa onÊm ei, ant mba nÊtmin ei, kopa kona ant purÊm. 56 Enim ndi, uⱡ kandÊk nÊtmin kÊⱡ, enim wamp ik kol rormin ei ka! Enim ndi, muⱡ mÊi raⱡ ila oⱡa orÊm uⱡ kÊⱡ, kandÊk pilik kÊmp tÊtmÊn. Enim nambuⱡ emel, akup ui ila nga uⱡ, enim kÊⱡ pilik kandÊk, kÊmp ti natÊtmÊn,” nitim. 57 Wote Jisas ndi, wamp mbÊ, kundpa nimba mel, “Nambuⱡ emel, en enim ndi, uⱡ kun mbÊ kÊmp tÊk, pilik kai etÊk, kÊni nakÊndÊrmin. 58 Wamp nam ti ndi, nim kot indimp nim wamp ei kÊn, rÊp rokÊⱡ, nombuⱡa mam ila pukÊⱡ kÊn, mana nÊkÊⱡ kun mundi! TÊpa kawa ndangga wamp ei ndi, nim mepa mba, kÊmp tÊmba pÊtmÊn wu kÊⱡ ngangga! Wu kÊⱡ ndi, nim mek puk, el wu kÊⱡ ngangina, wote el wu kÊⱡ ndi, nim mek puk, kan ngangina ila pekÊn molkÊn kÊn, nim ku moni mak rong kÊⱡ, ngÊkÊn mint, kan manga ila wak rokÊn uin,” nitim.