Luk 11

1 Wote ui ti kÊn, Jisas elim kona tila atinga ropa murum. Wote, atinga ropa pora nduⱡnga kÊn, elim nga kitip kÊni wu ti ndi, Jisas kundpa, nimba mel, “Nuim ye! Unt, Jon wamp nu tindi wu ei ndi, elim nga kitip kÊni wu kÊⱡ, atinga mbo rundrum ei mel ku, nim ndi, tÊn atinga mbo indÊn ka!” nitim. 2 Wote Jisas ndi, wu nimbÊ, kundpa nimba mel, “Enim atinga i etÊk rÊi! ‘TÊn nga Wuta o! Nim nga mbi wingti ei, tÊpÊn ou ndÊmin. Nim nga wamp tÊpa mumuk rÊi uⱡ ei, wangga! 3 Akup rÊk rÊk ui mbila, tÊn nga nuimin rÊng mbÊ nguiyo! 4 TÊn nga uⱡ kit mbÊ pendkÊn kili! Nambuⱡ emel, wamp mat ndi, tÊn etÊk kit mondÊrmin uⱡ mbÊ, tÊn ndi, i ku etpÊn, uⱡ kit mbÊ, wak ronmÊn. Nim ndi, tÊn kandkÊn, kui tana uⱡ mbun pi mbÊ, tÊn kÊn oⱡa ui nÊwangga, mon!’” nitim. 5 Wote Jisas ndi, elim nga kitip kÊni wu ni kÊⱡ, kandpa nimba mel, “Enim wu mormin kÊⱡ nga ti ndi, ou rumbuldi elim nga wamp puⱡ ti nga manga ila mba, ropa rÊt ndupa nimba mel, ‘Ang, na nga manga ila wu ponÊng ti rumbuldi oⱡnga kÊn, na ndi, wu ei rÊng nguimp mel ti mon elinga, nim ndi, na bret raldika ngÊn nÊmp ont ei ka!’ nimba. 7 Wote, manga ila murÊk moⱡum wamp ei ndi, nim kundpa, ‘Na mbun ngui ngÊngi! Na kÊn kangambuⱡa kÊⱡ kÊn, kor kumba ropÊn pendpÊn, ur pepÊn pora ndumin. Na kapⱡa oⱡa moⱡÊp, nim mel ti nguimp mel mon!’ 8 Ei kÊn, manga puⱡ wu ei ndi, wamp elim nga ÊngÊn ti, wi ronum pÊnt ei ka nimba, rÊng mat nuwa tÊpa ngui ngangÊmba mon! Wote, pipil kuⱡi naⱡÊpa epÊp ropa, wi tÊkrÊk ropa enÊmp kuⱡpa kÊn, rut nimba kÊn, rÊng mawa em mbÊ, kapⱡa ngumba mint. 9 Na ndi, enim ik kupa ti kundÊp namp. Enim Got kÊn waldÊk, atinga rong ndam, mel mat enim ngumba. Enim mel ti kurung ndam, kapⱡa Got ndi, ora ndangga kÊning. Enim ndi, kumba rok gep ndÊng ndam, kapⱡa Got ndi, kumba tÊndÊmba. 10 Wamp pora, Got kÊn atinga rok, waldÊtmin mbÊ, mel mat ngurum. Wamp mat ndi, mel mat kurÊrmin mbÊ, Got ndi, ora nduⱡnga kandÊrmin. Kumba rok, gep ndurmin wamp mbÊ nga Got ndi, kumba tÊndÊtÊm. 11 Omba, enim nga kangambuⱡa mbÊ ndi, tipamÊl mbÊ kundÊk, oma mat, tÊk ngui nÊng ndam, wote tipamÊl mbÊ ndi, kimbuⱡa mat tÊk nguing ei? Ei mon! 12 Wote, kangambuⱡa ei ndi, tipam kundpa kÊi muⱡ tÊkÊn ngui nangga, wote tipam ndi, kimbuⱡa kelwa ti, tÊpa ngumba ei? 13 Enim uⱡ kit mbÊ nga puⱡ wamp mbÊ ndi, kangambuⱡa mbÊ, mel kai mat ngurmin. Uⱡ ei mel ku, enim nga Tipam wi muⱡ ila morum ei ndi, numan kai pilpa, waldÊtmin wamp mbo Muⱡnga Wingti ngurum,” nitim. 14 Wote Jisas ndi, wu ti kur kit ndi, ropa kum ngurum ila ik ni nandpa itim wu ni, etpa titim. Wote wu ni, ik nimba elinga, wamp mbÊ ndi kandÊk, min ngÊn mundrÊng. 15 Wote, wamp mat ndi, nÊk mel, “Jisas ndi, kur kit mbÊ nga nuim Biyelsipul ei nga ronduⱡ ei, tÊpa kur kit mbÊ, ropa pep ropa mundnum,” nÊtÊng. 16 Wamp mat ndi, Jisas oⱡa tÊk kÊning pilik kÊn, waldÊk nÊk mel, “Wu ei, Got nga ronduⱡ ila kongun mat em ndam, uⱡ rÊpÊndi ti etpa, tÊn ora ndangga kÊnmin,” nÊtÊng. 17 Wote Jisas ndi, wamp nimbÊ nga numan pÊtÊng ni, kundpa nimba mel, “Kona tenda tila wamp rÊⱡaip kat, rÊk ila oi kan pendÊk, el eng ndam, wamp mbo kÊⱡ molk, ruⱡ pi nÊping. Wote, wamp mema tenda kat palk, rÊⱡaip raⱡ etÊk molk, el eng ndam, wamp kÊⱡ kit muⱡing. 18 Omba, Seitan nga rÊⱡaip ei, palk raⱡ etÊk, el eng ndam, wote ronduⱡ muⱡing ei? Enim ndi, na kundÊk kur kit nuim Biyelsipul mondÊp kÊn, kur kit mbÊ, makrÊp mundunt ninmin ei nga nÊnt. 19 Na kur kit nuim Biyelsipul ei, mondÊp kur kit mbÊ nÊmp mundunt ninmin. Ei wote, enim nga wamp rÊⱡaip mbÊ, nam nga ronduⱡ ei, tÊk kur kit mbÊ, nÊk tÊk mundÊrmin? Enim nga wamp rÊⱡaip mbÊ, etmin uⱡ ei ndi, ora ndupa, en enim kÊn ⱡawa etmin. 20 Ei mon, Got nga ronduⱡ ei, na nguⱡnga kÊn, na ndi, kur kit mbÊ, nÊmp tÊp mundunt. Uⱡ ei ndi, ora ndupa, Got nga wamp tÊpa mumuk rui uⱡ ei, enim kÊn omba morum. 21 Omba, wu ronduⱡ purum ti ndi, el kupanda na tepa, elim nga mang keta rÊp etpa morum ndam, elim nga mel mbÊ, etpa poⱡ tÊtÊm. 22 Wote, wu ama ronduⱡ ti ndi, rÊk omba wu ei ropa, pendpa el kupanda na, koiya na mel ronduⱡ nimba pÊtÊm mbÊ, tÊpa elim nga mel ambuⱡpa morum mbÊ, tÊpa wamp mbÊ ngumba etÊm. 23 Wamp nam ti, na kÊn mÊn muⱡi nambrÊm ei, na kÊn el puⱡa wamp morum. Wamp ti, na nga sipsip kÊⱡ, na kÊn tÊpa mÊk rui narÊm ei, na nga wamp mbÊ, ropa mbuⱡ mbaⱡ etÊm. 24 Wote Jisas ndi, nimba mel, “Omba kur kit ti ndi, wamp ti nga rukÊr orunga moⱡpa, wote wamp ei, wak ropa mba, kona waka ti, kandÊp tÊp muⱡimp nimba purum. Wote, kona kai ti, kandpa ti natÊpa kÊn, nimba mel, ‘Unt na mur manga ila kelip pamp nimba kÊn,’ mba kandrÊm mel, unt murum manga ni, ou nduk, pÊkaimp rok, kai etÊk tetÊng. Ni kandpa kÊn, int mba, kur kit 7 kat kongun kit minal etÊk, elim akÊk oⱡa nduk etmin ni kÊⱡ, el kaⱡpa tÊpa, mepa oⱡnga puk, manga nila mukÊr puk mormÊn. Unt wamp ni, wei etpa moⱡpa, kit mundrum ndam, wote akil tepa wamp ei, ama kit minal morum,” nitim. 27 Jisas ndi, wamp num pitim kona nila, Got nga ik puⱡ mbÊ nimba murum. Ni kÊn, amp ti, rÊk ila murum ni ndi, Jisas wi ropa, kundpa nimba mel, “Amp ti, nim mepa aim ngurum amp ei, ambuⱡpa paⱡÊmba,” nitim. 28 Wote Jisas ndi, nimba mel, “Wamp nam ti, Got nga ik ei, pilpa pep ropa, em wamp ei, numan mam ti, ngumba muⱡangga,” nitim. 29 Wamp mam ti, Jisas murum kona nila ok, mint morung. Jisas ndi, wamp nimbÊ, kundpa nimba mel, “Akup nga ui ila wamp kit mat mormin kant. Wamp mbÊ ndi, wi rok, Got nga uⱡ rÊpÊndi ti, etÊp ora ndamba, kÊnmin mint ninmin, ei ka! Na ndi, kanda uⱡ ti, etÊp tÊp ora ndui nÊndimp mon! Unt Painui wu Jona nga uⱡ rÊpÊndi tenda ei, mint kÊning. 30 Unt, Ninipa kona peng ila painui wu Jona ni, Got nga to rondpa moⱡnga, wamp ndi kandrÊng. Uⱡ ei mel ku, akup ui ila MuⱡÊl Wu Kupa ei, Got nga to rondpa ya rÊk ila morum. 31 Wamp mbÊ pora, kot iting ei nga ui ti, Got ndi, to ropa pinditim. Ui ila Sipa kona ila amp kwin ti, murum ei omba, wamp mbÊ, kot iting kona ila anggilpa, wamp mbÊ nga uⱡ kit akup etÊk mormin mbÊ, kot ila nimba. Nambuⱡ emel, amp kwin ei, mÊi punt ronggÊt moⱡpa, wote Solomon nga pilpa kungÊndi ik kai nÊtÊm mbÊ, pilmba pilpa urum. Ei mel, ya enim nga kona ila rÊk wu ti morum. Ei ndi, Solomon tÊpa mana ndupa, oⱡa orunga morum. 32 Wote Got ndi, wamp mbÊ pora, kÊmp tÊmba ui ei kÊn, Ninipa wamp kÊⱡ, kot ila anggilik kÊn, akup ui ila mormin wamp mbÊ nga uⱡ kit etÊk mormin mbÊ, kot inding. Uⱡ ei, nambuⱡ emel, unt painui wu Jona ndi, Ninipa wamp kÊⱡ, ik mbo inditim ei, tÊngÊnda pilik, numan ropÊl rorung. Ei nga, akup ya rÊk ila wu ti morum ei, Jona tÊpa mana ndupa, oⱡa orunga moⱡpa, ik mbo endnim,” nitim. 33 Wote Jisas ndi, ik ti nimba mel, “Wamp ti ndi, lam kiya kandpa, manga mukÊr rat pol mana orunga, mo ropa mundi namÊndrÊm mon. Wamp mat manga ila kandÊk, mukÊr weing nÊk lam kiya kandÊk, rat pol oⱡa orunga mondÊrmin. 34 Enim nga kÊng ei nga mong ei, kai moⱡum ndam, kÊng kÊⱡ rÊⱡang minal purum. Enim nga mong ei, kit moⱡum ndam, kÊng kÊⱡ pora rumbÊⱡ morum. 35 Uⱡ ei nga, enim nga rÊⱡang rukÊr orunga morum ei, etÊk kai mundÊi! TÊpa kawa ndangga, enim nga rÊⱡang rukÊr orunga morum ei kumbÊⱡmba. 36 Wote, enim nga kÊng kÊⱡ pora, rumbÊⱡ ti muⱡi nambÊⱡÊm ndam, lam kiya rÊⱡang purum ni mel, rÊⱡang mint mba moⱡmba,” nitim. 37 Wote, Jisas ik mbo endpa, pora nduⱡnga kÊn, Perisi wu ti ndi, Jisas elim nga manga ila rÊng nÊn, wi nilinga purum. Jisas mba, manga nila mukÊr rat pol nila murum. 38 Jisas ni, ki ⱡumÊi rÊi narÊpa, rÊng nurum ila Perisi wu ni ndi kandpa, numan ou ndupa pitim. 39 Wote Jisas ndi, Perisi wu ni, kundpa nimba mel, “Enim Perisi wamp mbÊ ndi, rÊng normin mel mbÊ, ekit orunga, ⱡumÊi rok, eng nondÊrmÊn. Wote, enim nga numan rukÊr orunga, uⱡ kit mbÊ ndi, peka ropa petÊm,” nitim. 40 Enim Perisi wamp wÊlÊ mbÊ ye! Got ndi, enim nga kÊng ekit orunga, etpa kai mundrum ndam, wote rukÊr orunga etpa, kai mundi nÊmÊndrÊm nda? 41 Wote, enim nga rÊng normin mbÊ nga rukÊr orunga, tek mormin mel mbÊ, wamp kurpa mat, tÊk rapÊndÊk ngÊi. Uⱡ i eng ei ndi, enim eng nomba. 42 Enim Perisi kÊⱡ, pilik kai itÊi! Pana kona mbila, kim na, rÊng mat kÊmp tÊk, ki ti gu nduk, Got ngÊi! Enim Got numan ngui uⱡ kun kai kÊⱡ, wak rormin ei kelik, akup ronduⱡ mundÊk, uⱡ kai kÊⱡ etÊk, wamp mat, wak rui narÊk, wote mi ik mbÊ pora, pep rÊi. 43 Enim Perisi wu mbÊ, pilik kai itÊi! Enim atinga manga kel mbila nga kuimbal mint puk molk, wamp kel mbÊ, mÊk rok mormÊn kona mbila, enim rawe iteing mint nÊk etmin ei ka! 44 Enim Perisi wu mbÊ, pilik kai itÊi! Enim wamp on kut kona, mÊi ila mo ropa, telinga kÊn, wamp mat ndi, kÊni nakÊndÊk ok, purmÊn uⱡ ni mel etÊk mormÊn. 45 Wote, Jisas nitim ik ni, mi ik mbo wu ti ndi, pilpa moⱡpa, punt ropa, Jisas waldpa, nimba mel, “Ik mbo wu ye! Nim ndi, Perisi wamp mbÊ, ik kundkÊn nÊn kÊⱡ, tÊn kunda ik mura ngÊn ei ka!” nitim. 46 Wote Jisas ndi, punt ropa wu ni, kundpa nimba mel, “Enim mi ik mbo wu mbÊ kunda, pilik kai etÊk muⱡÊi! Enim mi ik mbo wu mbÊ ndi, uⱡ mbun mam mbÊ tÊk, wamp kel mbÊ nguⱡina, mindil nok koma rormin. Wote, enim nga ki kot ila rÊk nduk, tÊk rÊpÊndi napÊndÊrmin ku. 47 Uⱡ ei, enim pilik kai itÊi! Enim nga anda kouwÊ mbÊ ndi, painui wu mbÊ, rok kondrung ei nga, akup enim ndi, painui wu kÊⱡ nga on kona ei, mim etÊk mormÊn. 48 Unt nga anda kouwÊmÊn kÊⱡ, etÊng ei mel ku, akup enim ndi, uⱡ mbÊ wamp mbÊ, teing nÊk orunga mint nduk, mormin uⱡ ei, nambuⱡ emel etmÊn. Anda kouwÊ mbÊ ndi, painui wu mbÊ, rok kondrung ei nga on kona mbÊ, enim mim etÊk mormÊn. 49 Nambuⱡ emel, Got nga numan kun kai ei ndi, nimba mel, ‘Na ndi, painui wu na, nombuⱡa rung wu na mat tÊp mundamba. Wote, wamp mbÊ ndi, wu mat etÊk kit mondÊk wu mat rok kunding.’ 50 Got ndi, mÊi ei puⱡ mondpa itim ui ei kÊn, yant ndupa, painui wu rok kondÊk etÊng ⱡawa ei, akup ui ila wamp mormin mbÊ, ⱡawa ei ting. 51 Unt, painui wu rok kondrung kÊⱡ nga puⱡ mondÊk, Eipel rok kondrung. Uⱡ ei, tepa mint orum. Wote, Sakaraiya rok kondrung ei, rat pol wingti ei kÊn, manga kÊkaⱡ wingti raⱡ nga rÊk ting ila rok kondrung. Na ik kupa kÊⱡ, enim kundÊp nÊnt. ‘Uⱡ kit etÊng mbÊ, punt romba uⱡ ei, akup ui ila mormin wamp mbÊ ting!’ 52 Enim mi ik mbo wu mbÊ, pilik kai itÊi! Enim ndi, wamp pilpa kungÊndi ting ei nga kumba ki kÊⱡ, tÊk mo rorung ei ka! Enim kumba tÊk rukÊr pi napÊk, wote wamp mbÊ, pilpa kungÊndi kandÊk ting ei nga nombuⱡa mam kumba angÊndÊtmÊn,” nitim. 53 Wote, Jisas ik mbo endpa murum kona ni, wak ropa puⱡnga kÊn, mi ik mbo wu na, Perisi wu na mbÊ ndi, Jisas kÊn popÊⱡ kolk, ik elpa elpa mat waldÊtÊng. Wu nimbÊ ndi, Jisas ik mat ⱡawa etÊk waldamina kÊn, Jisas punt ropa, ⱡawa tangga kÊn, imp muⱡmin nÊk pilik nÊtÊng.