Aposel 6

1 Ui mat omba puⱡnga, Jisas nga kitip kÊni wamp rukÊr orung ei nga, ou nduⱡnga, ik mbun mat oⱡa urum. Ei nga, Jura wamp Grik ik tetmin kÊⱡ ndi, Jura wamp mendpÊⱡ kÊⱡ kundÊk, en enim nga amp wiya mbÊ, rÊng na mel mbÊ nga tÊk rapÊndÊk, ngui ngangÊnmÊn, nÊtÊng. 2 Ei mel nilingina, Jisas nga nombuⱡa rung wu 12 ni kÊⱡ ndi, kitip kÊni wamp mat kundÊk, nÊk mel, “TÊn Got nga ik mbo indimin uⱡ ei, wak ropÊn, kÊng orunga mbun ei nga nimin ndam, kapⱡa iti natÊmba. 3 Ei nga angmÊn! Enim ndi, wamp mbÊ kÊn, molk kai mundangina, enim nga ruk ting ila wu 7 kat, Muⱡnga Wingti ndi, ronduⱡ nguⱡnga, pilpa kungÊndi kai tek mormin wu kat, to rop mundamina, wu kÊⱡ ndi, uⱡ mbun penim ei, rÊp etÊk muⱡeing. 4 Wote, tÊn rÊk rÊk atinga ropÊn, wamp mbÊ, Got nga ik ei, mbo rundÊmin,” nÊtÊng. 5 Wote, wamp nimbÊ pora, Jisas nga kitip kÊni wu ni kÊⱡ nga ik ei, pilik numan ndi kolk, wu mat mbi rok tÊtÊng. Wu kÊⱡ nga ti, Stipen ni, wu ei Nuim ei mondpa pitim. Wote, Muⱡnga Wingti ndi, peka rurum wu ei kÊn, Pilip, Prokoras, Nikanor, Timon kÊn, Parminas, wote Antiyok kona ila wu Nikolas omba, Jura wamp nga wu, Got ei, mondpa pitim wu ei kÊn, kandÊk tÊtÊng. 6 Wamp mbÊ ndi, wu kÊⱡ tÊk, Jisas nga kitip kÊni wu kÊⱡ kÊn, ngÊk ruk nduⱡina, wote kitip kÊni wu ni kÊⱡ ndi, peng ambulk atinga rondrung. 7 I elingina, Got nga ik ei, tepa ekit puⱡnga, Jerusalem kona ila wamp ou ndupa ok, kitip kÊni wamp rarÊng. Wote, wu pris ou ndupa ku, Got nga ik ei pilik tÊk, wote Got kÊn mondÊk pilik wamp mbÊ kÊn ok, tÊk tenda etÊng. 8 Got ndi, wu Stipen, memp pendilinga, ronduⱡ tÊpa moⱡpa, uⱡ rÊpndi ou ndupa mat wengÊndpa, wamp morung kona nimbila itim. 9 Wote wu mat, Stipen kÊn, ik ou ndupa nÊtÊng. Wu mbÊ nga wu mat, Sairin kona kÊn, Aliksendriya raⱡ nga atinga manga ila ei, mbi tek wamp wei mormÊn mbÊ imp muⱡi nambÊrmun wamp mbÊ nga atinga manga nÊtmin. Wote, wamp mat, Eisiya kÊn, Silisiya kona raⱡ ila ok molk, Stipen kÊn ik ou ndupa nÊtÊng. 10 Wote, Got nga Muⱡnga Wingti ei ndi, Stipen ni, pilpa kungÊndi kai mbÊ nguⱡnga, Stipen nga ik ei, wamp mbÊ ndi, kapⱡa rok mana ndui nÊndrÊng. 11 I elinga, wu mat ndi, mat kunt rok, ik mat nÊk amundÊk, ya ei mel kÊndÊk nÊk mel, “TÊn pilmin ei, Stipen ndi, Got kÊn Moses raⱡ nga ik, raka rondpa ninim nÊi!” nÊtÊng. 12 Ei mel nilingina, wamp mbÊ kÊn, rÊp wu mbÊ kÊn, wote mi ik mbo wu mbÊ nga numan orunga, etÊp popÊⱡ oⱡa tÊndÊtÊng. Wu mbÊ kÊn, ik rondÊk mundÊk, nÊk mel, Stipen imp molk mek puk, manga wingti ila rup wu nuim mbÊ, morung nila purung. 13 Wote, aldpa wu mat kunt rok, ik kol rok ei mel, kÊndÊk nÊk mel, “Ya wu ei, rÊk rÊk tÊn nga manga wingti ei kÊn, Moses nga mi ik ngurum kÊⱡ kÊn, nimba kit mondrum. 14 Wote, wu ei ndi, ik ti nitim ei, ‘Nasaret wu Jisas ndi, tÊn nga manga wingti ei, ropa Êtkil ropa, wote Moses ndi, wamp molk kunding ei mel, man ngurum uⱡ mbÊ tÊpa ekit ndumba,” nÊtÊng. 15 Manga wingti ila rup wu nuim morung nimbÊ ndi, ronduⱡ mundÊk, Stipen nem nem kandrung mel, Stipen nga kuimp keta ei, Got nga anggelo mbÊ nga kuimp keta ei mel titim.