Aposel 23

1 Pol ndi, wu kaunsil nimbÊ, nim nim kandpa nimba mel, “AngmÊn! Got nga kuimp keta ila, na nanim nga numan orunga unt kun titim ei mel, akup i ku elinga mor,” nitim. 2 Ei mel nilinga, wu pris kuimbal Ananaiyas ndi, wu kat Pol kÊn nondpa morung wu ni kÊⱡ, kundpa nimba mel, “Pol nga keta mÊn ila, ki raka ndi rÊi!” nitim. 3 Wote Pol ndi, wu ei kundpa, nimba mel, “Nim nde plang kit mel, ekit orunga kopung kai kandÊrmin ei mel kapⱡa, Got ndi, nim romba. Nim Mi Ik kÊⱡ, pep ront nÊkÊn, nim ila molkÊn, na kÊmp tÊn ei, wote ninim ndi, Mi Ik ei, rok puⱡa rokÊn, na rÊi nÊn ei ka!” nitim. 4 Wote, wu mat nondpa anggilik morung ni kÊⱡ ndi, Pol kundÊk, nÊk mel, “Nim ndi, Got nga wu pris kuimbal ei, ik mura ngÊn ei ka!” nÊtÊng. 5 Pol ndi, wu kÊⱡ nga ik ni, punt ropa, nimba mel, “Na nga angmÊn! Wu ei Got nga wu pris kuimbal morum ni, na pili napilip nint. Got nga Buk Wingti ila nimba mel, ‘Enim nga wu nuim mbÊ, ik mura ngÊi ngÊngÊi,’ nitim ei, na pÊt,” nitim. 6 Ni kÊn, Sarusi wamp mat, Perisi wu kÊⱡ kÊn ok morung ni, Pol ndi kandpa kÊn, ronduⱡ wi ropa, nimba mel, “Na nga angmÊn! Na Perisi wu ei, Perisi wu mbo kÊⱡ nga kangÊm ei. Na kupa ronduⱡ mondÊp pÊt ei, wamp korung mbÊ, ⱡoprÊk kont muⱡing nÊt ik ei nga, akup enim ndi, na tÊk kot inding pilik enmin,” nitim. 7 Wote Pol ndi, ik kÊⱡ nimba pora nduⱡnga kÊn, tÊk rÊk Sarusi wu kÊⱡ kÊn, Perisi wu kÊⱡ kÊn, en enim ruk ila ik palk ok, elpa elpa purung. 8 (Sarusi wu rÊⱡaip kÊⱡ ndi, wamp korung mbÊ, ⱡoprÊk kont muⱡing nÊk pili napÊtmÊn. Wu anggelo na, muⱡnga na mbÊ mormin nÊk pili napÊtmÊn. Wote, Perisi wu mbÊ ndi, uⱡ raldika kÊⱡ kupa nÊk pÊtmÊn.) 9 Ni kÊn, wi ama ronduⱡ rok elingina, Perisi wu kÊⱡ nga Mi Ik mbo wu kat ndi, ronduⱡ mondÊk, nÊk mel, “TÊn ndi, wu ei kÊn ⱡawa ti, kandÊp ti natÊnmÊn! Anggelo, muna muⱡnga ti ndam, omba moⱡpa, elim kÊn ik nÊm!” nÊtÊng. 10 Ik mura etÊk rombulk ik nÊtÊng nimba ronduⱡ puⱡnga, el wu kuimbal ni ndi, Pol rok kunding enmÊn nimba pilpa, mundmong itim. Wote, elim nga el wu mbÊ, kundpa, nimba mel, “Enim wu mormÊn kona ila mana puk, Pol ekit tÊk mek, el wu petmÊn kona ila mek rukrÊng pÊi!” nitim. 11 Wote utÊma rumbuldi, Nuim ei omba, Pol nga pitim kona ila nondpa anggilpa moⱡpa, Pol kundpa, nimba mel, “Ronduⱡ pukÊn muⱡi! Ya Jerusalem kona ila, na nga ik ei, ronduⱡ mundkÊn nÊndi! Ei mel ku, met Rom kona ila pukÊn, uⱡ tenda ei ku iti!” nitim. 12 Wote mÊkÊlmÊ orunga, Jura wu mat ok tenda etÊk, Pol ruing pilik, ik mat nÊtÊng. Wote, nÊk ronduⱡ mundÊk, nu na, rÊng na mbÊ, nui nandpÊn kÊn, mbun Pol rop kundmÊn, nÊtÊng. 13 Wu 40 mel ok, ik ronduⱡ mundÊk nÊk, Pol ruimÊn nÊk, mÊi rorung. 14 Wu kÊⱡ puk, en enim nga wu pris kuimbal na, rÊp wu na mbÊ kundÊk, nÊk mel, “TÊn ndi, nimbun mÊi ropÊn rÊng nui nandpÊn, Pol rop kondpÊn kÊn, rÊng nuimÊn, nÊtÊng. Ei kÊn, akup enim kÊn, kaunsil wu mbÊ kÊn, rak nduk molk, Rom nga el wu kuimbal morum ei kÊn, rundi kÊmp ralk, nÊk mel, Pol enim kÊn mana wangga! Pol nga ik nÊtÊm mbÊ nimba, kai itangga, pilÊmin nÊk tÊk mundÊi! Wote tÊn ndi, nombuⱡa mam paka ila moⱡpÊn, Pol rop kundmin,” nÊtÊng. 16 Wote, Pol ruimÊn nÊk nÊtÊng ik ni, Pol nga pam kang ei, moⱡpa pitim. Wote, el wu petmÊn kona nila mba, pam Pol kandpa ik mbÊ, kundpa nitim. 17 Wote Pol ndi, el wu ti, wi rop tÊpa, nimba mel, “Ya kang wu ei, el wu kuimbal ei kÊn, ik ti kundpa nimba, ei nga mekÊn pi!” nitim. 18 Ni kÊn, el wu ni ndi, Pol nga pam kang ni, tÊpa mepa mba, el wu kuimbal murum ni kÊn, mepa mba mondpa, nimba mel, “Kan ngumÊn wu, Pol ndi, na wi ropa tÊpa, ya kang wu ei, nim kÊn ik ti kundpa nimp nilinga, na mep ont,” nitim. 19 Wote, el wu kuimbal ni ndi, kang wu ni, ki ambuⱡpa mepa, kona waka tila mondpa, kang wu ni waldpa, nimba mel, “Nim na kÊn namba ik ei, nin on?” nitim. 20 Wote, kang wu ni ndi, el wu kuimbal ei kundpa, nimba mel, “Jura wu kaunsil mormÊn mbÊ ndi, ik kanggÊp etÊk, utÊma orunga, pili nÊpili kump ralk ombun, nim kÊn waldpÊn, Pol wak rana, en enim ik mat nangga pilmin nÊk nÊng. 21 Wote nim ndi, ik ei kum ti nÊti! Nambuⱡ emel, wu 40 mel nombuⱡa paka ila mo rok molk, Pol rok kundmin nÊk nokundÊk mormin. Ik nÊk, mÊi rok nu na, rÊng na mel mbÊ, nui nandÊk mi tek, Pol rop kondÊp mint, wang nduimin nÊng. Akup iting ei nga kor tÊk kun eng ei nga, akup nim nga ik ting ei nga nokundÊk mormin,” nitim. 22 Wote, el wu kuimbal ni ndi, kang wu ni kundpa, nimba mel, “Ik ei, na ndi, kundÊp nint nÊkÊn, wamp ti kundkÊn ni nÊni mon!” nitim. Ei mel nimba kÊn, kang wu ni, kelik pi nitim. 23 Wote, el wu kuimbal ni ndi, elim nga el wu ou raⱡ, wi ropa kundpa, nimba mel, “Enmbil ndi pukÊⱡ, el wu 200 tÊkÊⱡ kun etkÊⱡ, wote kng os mbuⱡ ila mormÊn wu 70, wote el kupanda metmÊn wu 200 mbÊ pora, rumbuldi 9 kilok Sesariya kona ping ei nga tÊk kun itÊi! 24 Wote enim ndi, Pol nga kng os ralt, tÊk kun endÊk, wote rÊp etÊk kai mondÊk mek puk, Gapman wu peng mumuk Piliks kÊn, tÊk mundÊi!” nitim. 25 Wote, el wu kuimbal ni ndi, mon ti ropa, ei mel nitim, “Na Klautiyas Lisiyas ndi, numan kai pilip, gapman nga wu peng mumuk Piliks kÊn, mon ti rop ngunt. 27 Jura wu mbÊ ndi, wu ei rok kunding pilik etÊng. Wote na ndi, wu ei, tÊn nga Rom mÊi puⱡ wu ti, nÊmp pilip kÊn, na nga el wu mbÊ tÊp munduⱡmba puk, imp molk tÊk mek orung. 28 Wote, Jura wu mbÊ ndi, nambuⱡ emel, wu ei kÊn ik nÊng ndam, na etÊp pilimp nÊmp kÊn, wu ei mep kaunsil wu mbÊ, mou rorung ila mep pur. 29 Wote, na ila mbÊ kÊndÊr ei, wu ei rok kondÊk ei kÊn, kan nguing ei nga ⱡawa ti, kandÊp ti nÊtÊt. Wote Jura wamp, en enim nga mi ik mbÊ nga wÊldi ik mat nga nÊk, wu ei kÊn kot etÊng. 30 Wote na kundÊk, Jura wu mat ndi, wu ei, mo rok rop kundmin, nilmina pilip, na ndi, wu ei, tÊkrÊp tÊp nim kÊn mundunt. Jura wu mbÊ kundÊp, namba ik ti, wu ei kÊn ning ndam, nim kÊn ping,” nint. 31 Wote, el wu ni kÊⱡ ndi, ik mbÊ kum tek, Pol rumbuldi tÊk mek, Antipatris kona ila purung. 32 UtÊma orunga, el wu mana mÊi ila andurmin wu kÊⱡ, mang kona yant oⱡungina, wote kng os mbuⱡ ila mormin wu kÊⱡ ndi, Pol rÊp etÊk mek purung. 33 Wote, Pol ni mek puk, Sesariya kona ila ruk puk kÊn, mon ni Gapman wu peng mumuk ni nguk, wote Pol ni kunda gapman wu peng ni ngurung ku. 34 Wote, Gapman wu peng mumuk ni ndi, mon ni, kÊmp ropa pora ndupa kÊn, wote Pol waldpa, nimba mel, “Nim nga mÊi kona ei, nant ila nga tetÊm?” nitim. Wote, etpa pitim ei, Pol nga kona ei, Silisiya tetÊm wu peng mumuk ni ndi, Pol kundpa, nimba mel, “Nim kÊn ik nÊndÊk eng wu mbÊ wangina kÊn, nim nga ik mbÊ, ei na pileimp!” nitim. Wote, wu ei ndi, Pol tÊk nuim mumuk Erot nga mang kona ila kan ngÊk rÊp itÊi, nilinga etÊng.