Aposel 22

1 “AngmÊn, tamÊn! Na enim kÊn, ik punt rop nguimp ent ei, kum tek pilÊi!” nitim. 2 Pol ndi, Ipru ik ila nitim ni pilik kÊn, wamp nimbÊ pora, ik ni kum tetÊng. 3 Wote Pol ndi, nimba mel, “Na Jura wu ei, Silisiya kona peng Tarsus ila, metÊng. Wote, ya Jerusalem kona ila wu Gamaliyel ndi, ik mbo rundrum mbÊ, pilip tÊp moⱡÊp kÊn, en enim ei mel, tÊn nga anda kouwÊmÊn mbÊ nga mi ik pep rok, wote mbo uⱡ etÊng mbÊ nga ronduⱡ pilip, Got kÊn nondpa akup mor. 4 Wote, i etÊp moⱡÊp kÊn, Got nga mbi paka rok andrÊng wamp mbÊ, imp moⱡÊp rop kondÊp it. Wu, amp mbÊ, imp moⱡÊp tÊp kan ngur. 5 Wu pris kuimbal ei kÊn, kaunsil wu kÊⱡ kÊn pÊi, na nga ik ei kupa ning. Wu kÊⱡ ndi, na mon ti rok ngÊk, met Damaskas kona ila Jura wamp morum mbÊ nga mondpa pili imp wamp mbÊ molkÊn, mek wana, ya Jerusalem etÊp, kit mundmin,” nitim. 6 “Wote, na Damaskas kona ila nondpa puⱡmba, ou rÊnggilmÊ mel, wi muⱡ ila rÊⱡang mam ti, na mur nila omba, tepa pok itim. 7 Na ropa munduⱡnga, mÊi ila mbÊ, pep pilmba, ik ti omba, na kundpa, nimba mel, ‘Sol, Sol! Na nambuⱡ emel, etÊk kit mondÊn?’ nitim. 8 Wote na ndi, ik int ndup waldÊp, nÊmp mel, ‘Nuim ye! Nim nam?’ Nilmba kÊn, wote na kundpa, nimba mel, ‘Na Nasaret wu Jisas, nim ndi, na etÊk kit mondÊn ei ka!’ nitim. 9 Ni kÊn, na kÊn kunda purmun wu nimbÊ, rÊⱡang ei kandrung. Wote, na kÊn ik nitim wamp ei nga ik ei, pili napÊtÊng. 10 Nuim ei wote, na ndi, namba uⱡ ti tamp nÊmp waldilimba kÊn, na kundpa, nimba mel, ‘Nim oⱡa molkÊn, Damaskas kona ila pana kÊn, Got ndi, nim elim nga uⱡ indÊn mbÊ mel, kundpa nimba,’ nitim. 11 Ni kÊn, rÊⱡang mam ni ndi, na nga mong raⱡ, ropa titim ila, na kÊn rÊp rop urmÊn wu kÊⱡ ndi, na ki ambulk mek Damaskas purung. 12 Ananaiyas nimba wu ti, Damaskas kona ila murum. Wu ei, Got mondpa pilpa, wote mi ik mbÊ, teng ndupa itim ila, wote Jura wamp kÊn morung mbÊ ndi, tÊk ou nduk etmin. 13 Na mur kona ila, wu ei omba anggilpa, na kundpa, nimba mel, ‘Ana Sol! Nim aldpa kona mbÊ kÊni!’ nitim. Ei kÊn, tÊngÊnda mint, na kona mbÊ kandÊp, wote wu ei, elim kÊndÊr. 14 Ni kÊn, na kundpa, nimba mel, ‘TÊn nga anda kouwÊmÊn mbÊ nga, Got ei ndi, nim kÊmp ropa tÊpa, elim nga numan ei pilik mbi ndukÊn, Kindmant Wu kun kai ei kandkÊn, wote elim ik nim ei, pÊlÊn nimba em, nitim. 15 Wote nim ndi, elim nga ik ei kandkÊn pilkÊn in ei mel, wamp pora nim ndi, wamp mbÊ kundkÊn ni! 16 Wote akup, nambuⱡ ei nokundÊnmbÊⱡ? Oⱡa molkÊn, elim nga mbi tek angÊndkÊn, nu tana, nim nga uⱡ kit etÊn mbÊ, Êlki rundangga,’” nitim. 17 “Wote, na Jerusalem kelip int mbo manga wingti ou ila, atinga rop moⱡÊp kÊn, ur kump mel etÊp kÊndÊr ei, Nuim ei ndi, na kundpa, nimba mel, ‘Nim Jerusalem tÊkÊrkÊn wak rui! Nambuⱡ emel, ya wamp mormin mbÊ ndi, na nga ik nindin mbÊ, pilik ti nÊting,’ nitim. 19 Wote na ndi, ik punt rop nÊmp mel, ‘Nuim ye! Wamp mbÊ pora, na pÊtmÊn ei, atinga manga kel mbila mbo, nim mondÊk pÊtÊng wamp mbÊ, imp moⱡÊp rop it ei, wamp pora pilik mormin, nitim. 20 Wote, nim nga ik para ndupa ninditim, wu Stipen rok kondÊk, etÊng uⱡ ei, na ruk ila moⱡmba rorung. Wote, Stipen rorung wu mbÊ nga mul mbÊ na rÊp it,’ nitim. 21 Ni kÊn, Nuim ei ndi, na kundpa, nimba mel, ‘Nim pi! Nambuⱡ emel, na ndi, nim tÊp, kona ruⱡ wamp elpa kat kÊn, tÊp mundimp,’” nitim. 22 I nilingina, wamp minal pilik morung nimbÊ ndi, Pol nga ik ei kum tek molk, pÊtÊng mel, ya ik kÊⱡ pilik kÊn, popÊⱡ kulk, ronduⱡ ke nÊk mel, ‘Wu ei kuⱡangga mint!’ nÊtÊng. 23 Wamp nimbÊ, ke nÊk, muⱡ mbÊ ambulk oⱡa nduk, mÊi kÊnggÊpÊn rok oⱡa nduk etÊng. 24 Ni kÊn, Rom kona ila el wu kuimbal murum ei ndi, elim nga wu rÊⱡaip kÊⱡ ndi, Pol tÊk mek, en enim nga petmin kona ila mek puk, kan pilda ndi rok, Jura wamp elim kÊn ik pendinmin. Ei nambuⱡ emel, nÊnmÊn nda, waldÊk pilÊi! nitim. 25 Wote, Pol tÊk kan ngÊk pendÊk, kan pilda ndi ruing elingina, Pol ndi, el wu ti anggilpa murum ei kundpa, nimba mel, “Rom kona ila mÊi puⱡ wamp ti, ⱡawa ei kandÊk ti natÊk, kai kandÊk, kan pilda ndi rormin ei?” nitim. 26 Wote, el wu ni, ik ei pilpa mba, elim nga wu kuimbal morum ni kundpa, nimba mel “Nim en uⱡ ei, tÊkÊn mendkÊn en ei? Wu Rom nga mÊi puⱡ wu ei ka!” nitim. 27 Wote, el wu kuimbal ei, Pol murum ila mba waldpa, nimba mel, “Na kundkÊn na, nim Rom mÊi puⱡ wu ei?” nitim. Pol ndi, ik punt ropa, nimba mel, “Wote ka!” nitim. 28 Wote, el wu kuimbal ei ndi kundpa, nimba mel, “Na ku moni puⱡi ngump kÊn omp, Rom wu mor,” nitim. Ni wote, Pol ndi kundpa, nimba mel, “Na wote, Rom kona ila rukÊr metÊng ei ka!” nitim. 29 Ei kÊn, wu kat, Pol ik wuldÊng morung ni kÊⱡ, aldpa ropÊl rok int purung. El wu kuimbal ni, mundmong itim. Ei nambuⱡ emel, Pol ei Rom kona ila mÊi puⱡ wu mendpÊⱡ ni, tÊpa kan ngum ei nga. 30 UtÊma orunga, el wu kuimbal nimbÊ ndi, Jura wamp ndi, Pol ik mura ngÊk etÊng uⱡ nimbÊ, pilip kai itimp nimba. Wote utÊma orunga, Pol nga ki kan rorung mbÊ, potÊk mundeing nimba, wu pris kuimbal na, wu kaunsil morung nimbÊ pora, ok mou rÊi, nitim. Wote, Pol ekit tÊpa, wu mou rok morung nimbÊ nga kuimp keta ila, tÊpa oⱡa ÊngÊndÊtÊm.