2 Korin 2

1 Ei nga, na enim kÊn aldpa ui nÊwÊnt ndam, na enim mbun nguimp ei nga pilip itimp. 2 Wote na ndi, enim etÊp mbun ngunt ndam, wamp nam ndi, na etpa numan kai pendÊmba? Ei, en enim ndi iting. 3 Enim wamp mbÊ ndi, na etÊk numan kai penditmin ei nga, wote na ndi, enim kÊn mbun timp ei nga, na enim kÊn ui nawÊnt. Uⱡ puⱡ ei nga mint. Na ndi, enim unt mon rop ngur ni ka! Uⱡ mat nga na ambulk pÊnt ndam, enim kunda ku, ambulk palk mormin. 4 Uⱡ ei kupa mint. Na ndi, enim unt mon rop ngur ei kÊn, na mbun mindil mam mbÊ tÊp, ka etÊp it. Na ndi, enim numan mbun teing nÊmp, mon rop ngui ngÊnggÊr mon! Na ndi, enim numan minal ngur uⱡ ei, enim ndi, pilik mint muⱡeing nÊmp it. 5 Wamp nam ti ndi, mbun ti, enim ngum ndam, mbun ei, na ngui ngangÊmba mon. Enim mbun ngumba ik ei nga, na ndi, ronduⱡ mundÊp ni nÊnimp. 6 Wamp nam ti, uⱡ kit em ei, enim wamp ou ndupa mbÊ ndi, molk etÊk, elik rondrÊng uⱡ ei kapⱡa. 7 Akup enim ndi, wamp ei nga uⱡ kit kÊⱡ, wak rondÊk etÊk, numan kai pindÊi! Wote, uⱡ mbun mam ti ndi, elim tÊpa mana ndangga wamp ei, elim nga mondpa pili ei, wak romba. 8 Na ndi, enim waldÊp nÊnt ei, wamp ei kont kulk numan ngÊk itÊi! 9 Na ndi, enim oⱡa tÊp kÊnimp pilip kÊn, mon ti rop, enim unt ngur. Na nga ik nit uⱡ mbÊ pora, pep rok etmin, muna mon nda, nÊmp pilimp it. 10 Wamp ti nga uⱡ ⱡawa em kÊⱡ enim ndi, wak rondung ndam, na ndi, i ku etÊp, wamp ei nga namba ⱡawa ti, wak rundimp mel pem ndam, ⱡawa ei, Kraist nga kuimp keta ila, wak ramba, enim tÊpa rapÊndÊmba. 11 Uⱡ ei nga, Seitan ndi, tÊn ik kol ropa, tÊn tÊpa mana ndupa etmba ei nga uⱡ etÊm kÊⱡ, pilpÊn pora ndurmÊn ni ka! 12 Na unt Trowas kona ila, Kraist nga RÊnang Ik Kai nimp pilip pur ei kÊn, Got ndi, na elim nga kongun indeimp nimba, nombuⱡa ti ropa tinditim. 13 Wote ei kÊn, na nga numan orunga mbun mam mat pit. Nambuⱡ emel, na nga ÊngÊn Taitas kandÊp ti nÊtÊt. Wote na ndi, Trowas wamp kÊⱡ, wak rop kelip, Masaroniya orunga pur. 14 Wote na ndi, Got kÊn, angge nÊnt. Uⱡ ei, nambuⱡ emel, ui mbila pora, Got ndi, tÊn tÊpa rapÊndrÊm. Kraist nga mbi ila, tÊn uⱡ kit mbila, el ropÊn kai mondurmÊn uⱡ ei, wamp ndi kandÊrmin. Kraist nga pilpa kungÊndi ei, mura rui kai ti, kona mbila pora puⱡnga, wamp mbÊ pÊtmin. 15 Nambuⱡ emel, Got kÊn Kraist raⱡ nga uⱡ tÊngÊn etpa, mura rui kai kÊⱡ tÊn kÊn, pepa ekit orum ila, wamp mbÊ kundÊp nÊtmin. Ei nga, ndip kona nombuⱡa mam ei, wamp mat, tÊk kun etÊk mormin. Wote, muⱡ kona ping wamp mbÊ, nombuⱡa mam tila, tÊk kun etÊk mormin ku. 16 Wote, ndip kona nombuⱡa mam ei, mura pilik mormin wamp kÊⱡ, wamp kormin uⱡ ei nga mormin. Wote, muⱡ kona nombuⱡa mam ei, mura kai ti pilik mormin wamp kÊⱡ, wamp kont mul uⱡ ei nga mura ei, pilik mormin. Kongun kÊⱡ wamp nam ndi, kapⱡa etmba? 17 Enim ndi, tÊn pilik mormÊn! Wu mat ndi, Got nga ik mong mbÊ, tÊk pei mundÊk mek puk, ku moni kongun etmin. Uⱡ ei mel, tÊn ndi, Got nga ik mong ei, mepÊn mbun, ik kol ropÊn kona mbila, andpÊn kongun iti natÊtmÊn mon! TÊn ndi, ik kupa ei, Got nga kuimp keta ila, Kraist nga kongun wamp moⱡpÊn, Got nga ik mong kupa mbÊ nÊtmÊn.