2 Korin 1

1 Na Pol, Got ndi, to ropa mondpa kÊn, Kraist Jisas nga nombuⱡa rung wu ei, muⱡeimp nimba tÊpa mundrum. Na kÊn, tÊn nga ÊngÊn Timoti kÊn, mon kÊⱡ ropÊⱡ, Korin wamp, Got nga rapa tenda ila mormin mbÊ kÊn, Grik kona ila Got nga rapa tenda ila mormin mbÊ pora, mon ei ropÊⱡ ngunmbÊⱡ. 2 TÊn nga Wuta Got kÊn, Nuim Jisas Kraist raⱡ nga wamp pol ti uⱡ ei kÊn, numan wang ndui uⱡ mbÊ, enim kÊn piyangga! 3 TÊn ndi, Got nga mbi ei paka rundamÊn. Elim ni, tÊn nga Nuim Jisas Kraist nga Got moⱡpa, wote Tipam morum ku. Got tÊn nga Tipam ei, wamp kont kurmin uⱡ ei nga puⱡ ei. Wamp mbun tÊk mormin mbÊ etpa, numan wang ndupa etÊm. 4 Uⱡ mbun mat, tÊn kÊn orum ndam, Got ndi tÊn etpa numan wang ndurum. Uⱡ ei mel ku, wamp mat mbun, tÊk moⱡung ndam, Got ndi, tÊn kÊn uⱡ etÊm ei mel, pep ropÊn kÊn, wamp mbÊ etpÊn numan wang ndÊndÊmÊn. 5 Ei kÊn, Kraist ndi, mindil mam mat nomba mbun koma rurum. Uⱡ ei mel ku, tÊn Kraist kÊn kunda ndi, mbun koma rumÊn ndam, Kraist nga numan wang ndui uⱡ mam mbÊ, tÊn ngangga kapⱡa etmba! 6 Wote, tÊn mbun koma rumÊn ndam, uⱡ ei ndi, enim etpa numan wang ndangga kÊn, Got ndi, enim rukÊr tÊmba. Wote Got ndi, tÊn etpa numan wang ndum ndam, enim etpa numan wang ndumba ku. TÊn ronduⱡ mundpÊn anggilpÊn, mbun koma ronmÊn ei mel, enim ndi, i ku eng ndam, Got ndi, enim etpa numan wang ndundÊmba ku. 7 Wote tÊn ndi, ronduⱡ mundpÊn pÊnmÊn ei, enim nga mondpa pili uⱡ ila, ronduⱡ mundÊk muⱡing. TÊn pÊtmÊn ei, enim tÊn kÊn kunda mbun koma rormin. Uⱡ ei ndi, enim tÊn kÊn kunda, numan wang ndui uⱡ ei kandÊk ting. 8 AngmÊn, enim pilÊi! Eisiya kona ila mbun mam mat, tÊn kÊn urum ila, tÊn kuⱡmin nÊmp pitmin. 9 Uⱡ mbun kÊⱡ, wamp rok kunding etmin ni mel kapⱡa, tÊn kÊn urum ila, ronduⱡ mbun mormin ei, tÊn nga ronduⱡ ti mon. Got ndi, wamp kormin mbÊ, etpa kont mundrum ronduⱡ ila, muⱡÊmin nimba itim. 10 Uⱡ kit mbÊ ndi, tÊn ropa kondÊmba itim. Ei wote, Got ndi, tÊn etpa titim ei nga kai murmÊn. Got ndi, tÊn etpa titim uⱡ ei ndi, wote tÊn kai moⱡpÊn mint mbin, nÊmp pÊnmÊn. 11 Enim wamp mbÊ ndi, tÊn nga tÊk rapÊndÊk, atinga rong ndam, Got ndi, enim nga atinga rong ei ndi, kum tepa, tÊn tÊpa rapÊndÊmba. Wamp puⱡi ndi, kandÊk kÊn, Got ndi, em uⱡ kÊⱡ angge ning. 12 TÊn ambÊⱡÊp paⱡpÊn mormÊn, ei nambuⱡ emel, tÊn nga numan orunga Got ndi, uⱡ kai mat ngurum mbÊ mel, wamp mbÊ kÊn, uⱡ kun na, uⱡ kupa mbÊ mint etmÊn. Mana mÊi kona ila wamp nga pilpa kungÊndi ei ndi, tÊn nga pilpa kungÊndi ei kÊn kapⱡa mon! Got nga wamp pol ti uⱡ ila, tÊn pilpa kungÊndi ei nguⱡnga kÊn, tÊn wamp mbÊ kÊn, uⱡ kun kai mbÊ nga minal etmin. 13 TÊn ndi, enim kÊn mon ropÊn ngunmÊn ei, enim ndi, ik kÊⱡ kÊmp rok kandÊk puⱡ mbÊ, piling nimbun pilpÊn, mon ropÊn ngunmÊn. Na ndi, kupa pÊnt ei, enim rÊk rÊk ik puⱡ kÊⱡ pilik mint muⱡing. 14 Enim unt onunga etÊk pilik morung ei ndi, nimba mel, tÊn nga Nuim Jisas nga ui mam ei, ekit om ei kÊn, enim tÊn kÊn ambulk puⱡangina, wote tÊn enim kÊn, i ku itmin. Wote, tÊn rup ropÊn muⱡmin. 15 Enim numan kai piling ei ndi, na nga mondpa pili ei, ronduⱡ punum. Uⱡ ei nga, na ndi pilip kÊn, enim kuimp tep omp, enim kandÊp punt uⱡ ei ndi, enim numan kai pilik raⱡ inding. 16 Na Masaroniya kona ila mbi nÊmp pilip kÊn, enim omp kandÊp mbi nÊmp pÊnt. Wote, andÊp yant omp kÊn, enim omp kandÊp mbi. Ei kÊn, enim ndi, na tÊk mundangina kÊn, Juriya kona peng ou ila mbi. 17 Ya na ik nÊnt ei ndi, enim ik kol rop nÊmp ngunt ye! Na ik kol rop mi tep, ik roldÊnga mat nÊnt nÊk, enim pinmin. Ya mÊi kona ila wamp mbÊ ndi, ik nÊk kÊn, “Kapⱡa” ning, muna “Mon,” ning, uⱡ ei, tÊk rak nduk nÊtmÊn ni mel, ni nanÊnt mon! 18 Wote, enim wamp mbÊ, Got ik kupa mint nÊtÊm ei kÊn, minal mondÊk pilÊi! Ik mat tÊn ndi, nÊmp enim ngunmÊn mbÊ, ik kupa mint, “Kapⱡa” uⱡ ei, muna “Mon” ni, uⱡ ei nga, tÊp rakÊndÊp ni nanÊnt mon! 19 Ei nga, na kÊn, Sailas na, Timoti na, ik nimbun enim wamp ngurmÊn kÊⱡ, Got kangÊm Kraist Jisas nga ik kÊⱡ, ei nga, “Kapⱡa” ni uⱡ, “Mon” ni, uⱡ ei nga, tÊpa rakÊndpa ni nandÊtÊm mon! “Kapⱡa” ni uⱡ ei, Jisas kÊn puⱡi petÊm. 20 Got nga nimba mÊi rurum uⱡ mbÊ, ou ndupa petÊm. Uⱡ mbila, Jisas ndi, “Kapⱡa,” mint nimba itim. Uⱡ ila nga, tÊn ndi, Jisas Kraist nga mbi ila, “Ei kupa,” nÊtmÊn ila, Got nga mbi paka rondurmÊn! 21 Got elim ndi, tÊn kÊn, enim kÊn, etpa ronduⱡ munduⱡnga, Jisas kÊn nondpa, kont mbun mormÊn. Got ndi, tÊn tÊpa, elim nga kongun mbila monduⱡnga mormÊn. 22 Got elim nga tip timal ti, tÊn ngumba ei, Muⱡnga Wingti tÊn nga rukÊr orunga ngurum. Muⱡnga Wingti unt ngurum ei ndi, ora ndupa mel, Got ndi, mel mat wote, tÊn ngumba uⱡ ei nga, pilÊmin nimba itim. 23 Akup na ndi, enim kÊn ik kol rop ni nanÊnt. Na nga numan orunga, Got pilpa morum. Na ik kol rop nint ndam, ik kol kÊⱡ, Got ndi, tÊpa pena ila ekit ndangga kÊning. Na ndi, enim Korin wamp kÊⱡ kÊn, ui nÊwÊr. Ei nambuⱡ emel, na ndi, enim mbun ngui ngÊngimp ei nga pilip it. 24 TÊn ndi, enim nga mondpa pili uⱡ ei, nukundi nakÊndÊrmÊn mon! Nambuⱡ emel, enim mondpa pili uⱡ ila molk, pora ndurmin. Wote tÊn ndi, enim nga numan kai pili uⱡ ei nga kongun indimin.