2 Korin 13

1 Akup na ndi, enim kÊn omp, raldika indimp ent. Wote, Buk Wingti ei ndi, nimba mel, “Wu raⱡ muna raldika ndi, kÊnangina wamp ti, uⱡ mat ⱡawa em ndam, enim ndi, nÊk kun mundÊi!” nitim. 2 Unt na enim kÊn omp moⱡÊp, raⱡ endÊp kÊn, wamp uⱡ kit etÊng mbÊ kÊn, wamp elpa mat kunda ku, kundÊp nimp mel, na ndi, uⱡ mat itimp nit. Uⱡ ni, akup na ruⱡ etÊp moⱡÊp, enim kundÊp nÊnt. Wote, na enim kÊn unt ei kÊn, uⱡ kit etÊk mormin wamp mbÊ, kandÊp kui iti nÊtimp, mon! 3 Ei nga, enim molk piling ei, Kraist ndi, na nga keta ila moⱡpa nÊtÊm. Kraist ndi, enim kÊn kupa nimba, ronduⱡ mundpa kongun etÊm. 4 Unt, Jisas nga ronduⱡ ti mon ei nga, nde peta ila nil rorung. Wote, Got nga ronduⱡ ila, Jisas akup kont moⱡnga kÊn, tÊn Jisas kÊn nondpa mormun ei nga, ronduⱡ ti mon! Wote, Got nga ronduⱡ ila, tÊn Kraist kÊn kunda kont mormÊn. Wote, ronduⱡ ei ndi ku, tÊn kongun etpÊn, enim ronduⱡ ngurmin. 5 Wote enim ndi, en enim oⱡa tÊk kandÊk kÊn, kÊmp tÊk pilÊi! Enim mondÊk pilik mormin, muna mon nda? Enim nga mondpa pili ila, Jisas Kraist morum uⱡ ei, pili napÊtmin ei? Muⱡi nambÊⱡÊm ndam, enim Jisas Kraist kÊn mondÊk pÊtmÊn uⱡ ei, kapⱡa mon. 6 Wote na ndi, pÊnt ei, enim ndi, tÊn Jisas nga kongun wu kupa kÊⱡ nÊk pileing. 7 TÊn ndi, Got kÊn enim nga nimbun atinga rondÊrmÊn uⱡ ei, Got ndi, enim tÊpa rÊpÊndangga kÊn, uⱡ kit mbÊ, iti nÊtÊng nimbun ninmÊn. TÊn Jisas nga kongun wu kÊⱡ, kapⱡa etÊm kÊⱡ nimbun, wamp nga kuimp keta ila ni nanmÊn, mon! TÊn kapⱡa iti natÊm ndam, kapⱡa ku, enim uⱡ kai mbÊ mint iteing nimbun ninmÊn. 8 Wote tÊn ndi, ik kupa ei, wak ruimin uⱡ ei nga ni nanmun, mon! Ik kupa ei, tÊpÊn rapundpÊn, tÊp ou nduimin uⱡ ei nga ninmÊn. 9 TÊn ronduⱡ pi nÊpÊmÊn ndam, enim ronduⱡ pangga muⱡing uⱡ ei nga, tÊn numan enim. TÊn ndi, Got kÊn ronduⱡ mundpÊn atinga rundamina kÊn, enim Got nga wamp kun kai kÊⱡ muⱡeing. 10 Akup na ruⱡ etÊp moⱡÊp kÊn, enim mon ei, rop ngunt. Wote, na enim kÊn omp moⱡÊp, na ndi, enim nga etmin uⱡ kÊⱡ nga ik mat ronduⱡ mundÊp, ni nÊnimp mon! Wote, Nuim elim nga ronduⱡ, na ngurum wu ei nga kongun indimp. Nuim ei nga ronduⱡ ei ndi, enim etpa ronduⱡ mundÊmba ei nga, enim ropa mana tÊmba ei mel, kapⱡa mon! 11 Akup na nga wamp angmÊn mbÊ ye! Na rawe etÊp nÊnt ik mbÊ, mon rop pora ndup nÊnt. Enim kongun ronduⱡ mundÊk etÊk, Kraist nga rapa tenda wamp ila mbÊ kÊn, numan tenda pangga molk, na nga ik ei, kum tek pilik, kai itÊi! Got nga wamp numan wang ndui uⱡ ei, enim kÊn piyangga!. Enim numan tenda pilik molk, Got nga wamp numan ngui uⱡ ei kÊn, numan wang ndui uⱡ kai mbÊ enim kÊn piyangga! 12 Enim wamp tenda tenda nÊk, ki tÊk, keta nu rok nok itÊi! 13 Got nga rapa tenda wamp mbÊ ndi, nim rawe etÊk nÊnmin. 14 Nuim Jisas Kraist nga wamp pol ti uⱡ ei kÊn, Got nga wamp numan ngui uⱡ na, Muⱡnga Wingti nga wamp min mindi uⱡ mbÊ pora, enim kÊn kan piyangga!