2 Korin 12

1 Nombuⱡa mam elpa ti nga, na nga mbi orunga, paka ruimp mel mon. Uⱡ kÊⱡ ndi, tÊn tÊpa rapÊndÊmba mel mon. Wote, akup Nuim ei ndi, na ur kump kat, mo ropa ora ndurum ei nga nimp ent. 2 Na pÊnt ei, unt pana 14 omba puⱡnga kÊn, Got nga rapa tenda wu ti, tÊpa mepa, wi muⱡ kona raldika ila oⱡa purum ei, kÊng pÊi morum muna mon? Uⱡ ei, na pili napÊnt, Got elim mint pÊtÊm. 3 Na pÊnt uⱡ ei, Got ndi, wu ei, tÊpa mepa wi muⱡ kona purum ila morum. KÊng kÊⱡ pÊi purum muna mon? Uⱡ ei, na pili napÊnt. Got elim mint pÊtÊm. 4 Wi muⱡ kona ila ik pitim mbÊ, wamp ti ndi, kandpa nimba mel, kapⱡa mon. 5 Wote, na nga ronduⱡ ti mon! Ei nga, na ndi, wu ei nga mint mbi paka rundimp. Na nga mbi paka rui nÊrimp mon! Uⱡ ei nga ronduⱡ ti mon! Ei ndi, nanim tÊpa ora ndumba. 6 Wote, na nga orunga, mbi paka rop nint ndam, na kupÊr wamp mel raⱡÊp ni nÊnimp mon! Ei nambuⱡ emel, na ik kupa ei mint nimp. Wote, na nga orunga, mbi paka rop ni nÊnimp mon! Na nga mbi paka rop nint ndam, wamp mbÊ ndi, na pep rok, na nga mbi ou nguing, uⱡ ei mon! Na nga uⱡ kun etÊp ik nÊmp, int uⱡ kÊⱡ wamp mbÊ ndi, kandÊk pilik pep ring. 7 Wote Got ndi, uⱡ mam ti etpa, ik mong kÊⱡ na ora ndurum ei, na nga mbi orunga paka rop neimp nimba, Got ndi, iti nÊtÊtÊm mon! Gal mel ti ndi, na purum uⱡ ei, Seitan nga nombuⱡa rung wu mel ti ndi, na ropa mana ndamba kÊn, na nga mbi orunga paka rui nÊreimp nimba itim. 8 Ui raldika, na Nuim ei kÊn atinga rop, uⱡ mbun mbÊ tÊpa mundangga nit. 9 Wote, Nuim ei ndi, na kundpa nimba mel, “Na nga wamp pol ti uⱡ ei, nim kÊn tetÊm,” nitim. Wamp ti ronduⱡ pi naprÊm ei, na nga ronduⱡ ei ndi, kapⱡa etÊm. Nuim ei ndi, nitim uⱡ ila, na pilip mbun ti natÊp, Kraist nga ronduⱡ ila, na ambÊⱡÊp paⱡÊp, numan kai minal pÊt. 10 Uⱡ ei mel ku, Kraist nga mbi ila, na ronduⱡ pi nÊpÊr ei kÊn, wamp mbÊ ndi, na rok etÊk, kit mondÊk etÊng ila, mbun mindil elpa elpa mat ndi, na titim ei kÊn, na ronduⱡ pi nÊpÊr. Wote, uⱡ ila ku, Kraist ndi, na etpa ronduⱡ mundrum. 11 Na kupÊr wamp na ni mel, raⱡÊp ik mbÊ nÊnt. Wote enim ndi, na iteimp nÊk ninmin mel ku ent. Na nga uⱡ kai et kÊⱡ, enim ndi, nÊk mot nduk, na nga mbi paka rondÊk eng ndam, enim uⱡ kai mbÊ iting. Enim uⱡ kÊⱡ iti natÊng ndam kep, na enim nga nombuⱡa rung wu kuimbal mbÊ nga mana orunga, muⱡi nambÊr mon! 12 Na ndi, enim nga nombuⱡa rung wu kupa kongun etÊp, enim ora ndup, wote mbun elpa elpa mat, ronduⱡ mundÊp koma rop it. Uⱡ kÊⱡ ndi, enim kÊn uⱡ rÊpÊndi kat nimp, na Got nga kongun wu ei ndi, enim tÊp ora ndÊr. 13 Got nga wamp rapa tenda ila mbÊ kÊn et, uⱡ mbÊ mel ent. Na ndi, enim kÊn uⱡ ti mint iti natÊt. Uⱡ ei, na ndi, enim mbun nguimp nÊmp kÊn, enim ndi, mel mat, na ngui ngÊngÊi nÊt. Wote, uⱡ ei ndi, na ⱡawa et ndam, na nga ⱡawa kÊⱡ, enim ndi, wak rundÊi! 14 Na akup enim kÊn omp, raldika indimp ei nga, tÊp kun ent. Na ndi, enim nga mel mat ngeing nimp, ui nÊwimp, mon. Na ndi, enim etÊp rukÊr timp ei nga uimp. Enim pitmin ni ka! Kangambuⱡa mbÊ ndi, mel mat tÊk mou rok tipam mamÊl na mbÊ, tÊk rÊpÊndi napÊndÊrmÊn mon! Wote tipam mamÊl mbÊ ndi, mel mat tÊk mou rok kangambuⱡa mbÊ, tÊk rapÊndÊrmin ni ka! 15 Na enim kÊn numan kai minal pendÊp kÊn, na nga mel mbÊ, enim tÊp rapÊndÊp nguimp. Na ndi, enim numan minal ngamba kÊn, wote enim ndi, na numan orunga etÊk nguing. 16 Enim wamp mat ndi, na kundÊk nÊk mel, wu ei ndi, tÊn nga mel mat ti natÊpa kÊn, tÊn nga mel mbÊ, mo ropa, mawa etpa tÊpa, ik kep nomba mel mbÊ, tÊpa etÊm ning. 17 Na ndi, wu mat tÊp mundÊr ila, enim kÊn orung mbÊ ndi ok, enim ik kol rok ngÊk, enim nga mel tek morung mbÊ, roldÊk tÊk etÊng nda? 18 Na ndi, Taitas nÊmp kai etÊp mundÊr ila, enim kÊn urum ei, kang wu ti kunda orÊnggil. Wote Taitas ndi, enim ik kol ropa ngumba kÊn, enim nga mel mat kindÊp nomba titim nÊng nda? TÊl muⱡnga tenda ei mondpÊⱡ, nombuⱡa mam tenda ila, andpÊⱡ iti nÊtÊtÊmbÊⱡ mana mon! Enim pilik kai itÊi! 19 Enim ndi, pilik kÊn, na enim kÊn, ik nÊnt kÊⱡ ndi, tÊn tÊn tÊpa rapÊndÊmba nÊk, pili nÊpÊlÊi mon! TÊn Kraist nga wu kÊⱡ moⱡpÊn, Got nga kuimp keta ila ik mbÊ nitmin. Enim wamp na nga kupa kÊⱡ. TÊn ndi, enim nga mondpa pili orunga, nimbun ronduⱡ mundpÊn ninmÊn. 20 Na onunga kot, mundmong etÊp pÊnt uⱡ ei, na ndi, enim uⱡ kai mat itangina, kÊnimp nÊmp unt uⱡ ei mel, kÊni nÊkÊnimp mon! Wote enim ndi, na uⱡ kai mat itamba, kÊnmÊn nÊk moⱡung ei mel, kÊni nÊkÊning ku. Uⱡ ei, nambuⱡ emel, el manda mendÊk muⱡi uⱡ na, wÊlÊk rui ik na, ik mbuldung orunga nindi uⱡ na, ik tÊpa roi ndui uⱡ na, ik nÊpili uⱡ na, ik mura iti uⱡ na, elim nga orunga mepa oⱡa pi uⱡ na, wamp mat kÊn numan popÊⱡ mundi uⱡ na mbÊ pora enim kÊn, puⱡ piyangga muⱡing ei nga, na mundmong minal ent. 21 Wote, na mundmong ent ei, na enim kÊn wamba, na nga Got ei ndi, enim nga kuimp keta ila, na etpa pipil kundÊmba. Wamp kat unt na ndi, kÊndÊr kÊⱡ, uⱡ kit mbÊ etÊk, numan ropÊl rui narÊk, uⱡ ⱡar mul mbÊ, tÊk mbuⱡ ngui nganggÊk, wapra rui uⱡ na, wamp kandpa kum pindi uⱡ na mbÊ, wamp mbÊ kÊn pelinga mormin uⱡ ei nga, na kont minal enim ei nga, na ka itimp ku.