1 Jon 3
PNG1 Got ndi, tÊn numan minal ngorum uⱡ ei, enim pilik kun itÊi! TÊn kundpa elim nga kangambuⱡa kÊⱡ nÊtÊm uⱡ ei ndi ora ndupa, Got ndi, tÊn numan minal ngorum. Kupa, tÊn elim nga kangambuⱡa mbÊ mormin! Ei kÊn, mÊi kona wamp mbÊ ndi, Got pili napÊtmÊn. Ei mel ku, tÊn pilik poⱡ ndÊi nandÊrmÊn ku. 2 Na nga wamp angmÊn! TÊn wamp kÊⱡ, akup Got nga kangambuⱡa kÊⱡ mormun. Wote pemba uⱡ ei, kÊni nakÊndÊpÊn mormin. Wote, Kraist elim yant om ui ei kÊn, tÊn elim mel mendpÊⱡ muⱡmin. Ei nambuⱡ emel, ui ei kÊn, elim morum ei mel mendpÊⱡ muⱡmin ndam, elim kupa kun kÊnmin. 3 Wamp nam ti ndi, Kraist nokundpa moⱡpa, elim kun kai moⱡum ndam, Kraist elim kun kai morum ei mel moⱡmba. 4 Nambuⱡ emel, mi go ndui uⱡ ei, uⱡ kit iti uⱡ ei etmin. Wote, wamp nam ti ndi, uⱡ kit em ndam, Got nga mi ik ropa puⱡa romba. 5 Akup enim pilik kai itÊi! Kraist ndi, tÊn nga uⱡ kit mbÊ, wak rundimp nimba mana urum. Elim kÊn uⱡ kit ti pi napÊtÊm. 6 Ei nga, wamp nam ti, Kraist kÊn rÊmp ndupa morum ti, uⱡ kit iti natÊtÊm. Wote uⱡ kit etÊm wamp ti, Kraist kÊni nakÊndrÊm, wote pili napÊtÊm ku. 7 Na nga kangambuⱡa kÊⱡ, enim wamp ti ndi, tÊpa tiki pundi napÊndangga! Kraist elim kun kai morum ei mel, wamp ti, enim uⱡ kun kai mbÊ em ndam, elim kun kai moⱡmba. 8 Wamp nam ti ndi, uⱡ kit mbÊ, rÊk rÊk etpa mint moⱡum ndam, Seitan nga wamp raⱡpa morum. Nambuⱡ emel, Seitan ndi, kuimp tepa uⱡ kit etÊm puⱡ wu murum. Wote, Got nga KangÊm mana urum ei, Seitan nga kongun mbÊ, rop mbuⱡ mbaⱡ itimp nimba urum. 9 Wamp nam ti, Got nga kangambuⱡa raⱡpa morum wamp ei, uⱡ kit mbÊ iti natÊtÊm Got kÊn rÊmp ndupa, morum wamp ti ndi, uⱡ kit mbÊ iti natÊmba. Ei nambuⱡ emel, Got tÊpa, Tipam randpa moⱡpa, uⱡ kit mbÊ iti natÊtÊm. 10 Ei nga, Got nga kangambuⱡa mbÊ kÊn, Seitan nga kangambuⱡa mbÊ kÊn, kandpÊn mbi ndumin. Wamp ti, uⱡ kun kai mbÊ iti natÊpa, wote ÊngÊn numan ngui ngangÊm ndam, ei Got nga kangambuⱡa ti mon! 11 Unt kuimp tep pÊtÊng ik ni, wamp ÊngÊnÊl mat numan ngÊmÊn! 12 TÊn ndi, kang wu Kein itim uⱡ kit ei mel, iti nÊtÊmin. Elim nga ÊngÊn ei, kandpa kelpa ropa kÊndrÊm. Kein ndi, ÊngÊn ei, nambuⱡ emel, ropa kundrum? Elim nga itim uⱡ kit mbÊ, Seitan nga kang wu ti murum. Wote, ÊngÊn kurum ei nga itim uⱡ mbÊ, kapⱡa itim. 13 Na nga angmÊn! MÊi kona ila wamp mbÊ ndi, enim numan ngui ngangÊng ndam, mundmong iti nÊtÊi! 14 TÊn pÊtmin ni, wamp kui nga uⱡ kit ei, wak ropÊn ombun, wamp kont mul uⱡ ei, kandÊp titmin. Ei nambuⱡ emel, tÊn uⱡ ei, wamp ÊngÊn mbÊ kÊn, numan ngurmÊn. Wamp ti ndi, ÊngÊn numan ngui ngangÊm ndam, wamp kui nga uⱡ ei, tepa morum. 15 Wamp ti ndi, elim nga ÊngÊn numan ngui ngangÊm ndam, ÊngÊn ropa kondrum mel etÊm. Enim pÊtmin ni, wamp ti ndi, ÊngÊn ropa kondrum ndam, uⱡ nga kÊnt nga kont mul uⱡ ei, wamp ei kÊn pi napÊtÊm. 16 Ei nga, tÊn pÊtmÊn ni, wamp numan ngui uⱡ ei etmÊn. Nambuⱡ emel, Kraist ndi, tÊn numan ngumba, elim mana ndupa, tÊn nga nÊndpa kurum. Ei nga, tÊn ndi, i ku etpÊn, tÊn nga ÊngÊnÊl mbÊ numan ngÊmin. 17 Wu mel pi ti ndi, moⱡpa kÊn, ÊngÊn kurpa nangga nimba, wal pÊki na mat ngui nganggÊpa, kandpa kui em ndam, Got nga wamp numan ngui uⱡ ei, namba etpa, wu ei kÊn pemba? 18 Na nga kangambuⱡa kÊⱡ, tÊn ndi, wamp numan ngui uⱡ ei, keta ila mint ik ni nanÊmÊn mon! Wote, wamp numan ngui uⱡ kupa ei, uⱡ kun kai mbÊ etÊp mot ndÊmin. 19 Uⱡ i etpÊn kÊn, tÊn wamp numan ngui uⱡ kupa ei enmin, nÊmp pilÊmin. I etpÊn kÊn, Got nga kuimp keta ila numan wang ndupÊn muⱡÊmin. 20 Wote, tÊn nga numan orunga ndi, tÊn uⱡ kit mat itmÊn nim ndam, wote Got nga kuimp keta ila numan wang ndÊmin. Nambuⱡ emel, Got nga numan ronduⱡ ei ndi, tÊn nga numan orunga, kandpa pora ndupa, mel mbÊ pora pÊtÊm. 21 Ei kÊn, na nga wamp mÊn kÊⱡ! TÊn nga numan ila uⱡ kit mat pi napÊm ndam, Got nga kuimp keta ila ronduⱡ mundpÊn muⱡmin. 22 Ei kÊn, tÊn ndi, Got waldÊtmÊn ei kÊn, Got ndi, mel mbÊ ngorum. Nambuⱡ emel, tÊn ndi, elim nga mi ik kÊⱡ pilpÊn, teng ndupÊn kÊn, elim nga numan ngorum uⱡ mbÊ etmin. 23 Got nga mi ik ei ndi, nimba mel, KangÊm Jisas Kraist nga mbi ila mondÊk pilik, wamp ÊngÊnÊl mbÊ kÊn, numan nguk mÊn mondÊk itÊi! 24 Wamp nam ti ndi, Got nga mi ik kÊⱡ pilpa tÊtÊm ndam, Got ei omba, wamp ei kÊn moⱡnga, wamp ei, Got kÊn morum. Uⱡ ila, Got tÊn kÊn nambuⱡ emel morum? Uⱡ ei, pÊtmÊn ni, Got nga Muⱡnga Wingti tÊn ngurum.