1 Jon 2

1 Enim na nga kangambuⱡa kÊⱡ, ya mon rop ngont ei, kandÊk kÊn, uⱡ kit mbÊ iti nÊtÊi! Wote, enim ti ndi, uⱡ kit em ndam, Jisas Kraist ei, Wu Kun Kai ei, Tipam kÊn morum ei ndi, tÊn tÊpa rapÊndÊmba. 2 Ei nga, tÊn koⱡmina ei mel, Kraist elim koⱡpa wamp mbÊ nga pora, uⱡ kit mbÊ kil ngumba pendpa kitim. Ei, tÊn nga uⱡ kit mbÊ nga mint mon, wote mÊi kona wamp mbÊ nga uⱡ kit mbÊ nga pora, pendpa kitim ku. 3 TÊn ndi, Got nga mi ik kÊⱡ pilpÊn, teng ndumÊn ndam, tÊn elim kÊn kupa rump ndupÊn mormun. 4 Wamp ti ndi, nimba mel, “Na wu Got ei pit,” nimba, wote Got nga mi ik kÊⱡ, pep rui narÊm ndam, wamp ei, ik kol rorum. Ik kupa ei, wamp ei kÊn pi napÊtÊm mon! 5 Wote, wamp nam ti ndi, Got elim nga ik ei teng ndum ndam, wamp ei, Got ndi, numan minal ngorum. Wote wamp ei, Got kÊn rÊp ropa morum uⱡ ei mba, kai morum. TÊn Got kÊn mormun uⱡ ei, pilip poⱡ nduimin. 6 Wamp nam ti ndi, nimba mel, elim Got kÊn mor nim ndam, Jisas Kraist uⱡ itim mbÊ mel itangga! 7 Na nga wamp angmÊn! Mi ik mon rop ngont ei, ik kont paka ti mon. Ik unt nga ei, puⱡ mondpa pitim ni ku petÊm. 8 Wote, mi ik enim kÊn, mon rop ngont ei, ik kont paka ila, ik kupa ei, Kraist kÊn petÊm. Ei mel ku, enim kÊn petÊm. Ei nambuⱡ emel, uⱡ rumbÊⱡ mul mbÊ, omba mana puⱡnga kÊn, uⱡ rÊⱡang kupa pi mbÊ, oⱡa omba petÊm. 9 Wamp nam ti ndi, Kraist nga rÊⱡang ila mor nimba, wote ÊngÊn ei kÊn, numan kit pÊtÊm ndam, elim ama rumbÊⱡ ila mint morum. 10 Wamp nam ti ndi, nimba ÊngÊn numan ngum ndam, elim rÊⱡang ila morum. Ei kÊn, uⱡ kit mat ila, elim kapⱡa mana pi napÊmba. 11 Wote, wamp nam ti ndi, ÊngÊn numan ngui ngangÊm ndam, elim rumbÊⱡ ila moⱡpa andrÊm. Ei kÊn, elim purum kona ei, pili napÊtÊm mon! Nambuⱡ emel, elim nga mong raⱡ rumbÊⱡ morum. 12 Na nga kangambuⱡa mbÊ ye! Na ndi, enim mon rop ngont ei, nambuⱡ emel Kraist nga mbi ila, enim nga uⱡ kit etmin mbÊ wak rundrum. 13 WutamÊn enim ndi, Wu Kraist ei, unt puⱡ mondpa murum ei, enim pilik mbi ndurmÊn ei nga, enim mon ei, rop ngont. Wote, enim kang wu mbÊ ndi, Seitan rok mana ndurmÊn ei nga, mon ei, rop ngont. Enim kangambuⱡa mbÊ ndi, enim Got Tipam pÊtmÊn ei nga mon ei, rop ngont. 14 WutamÊn enim ndi, Wu Kraist ei, unt puⱡ mondpa murum ei, enim pilik mbi ndurmÊn ei nga mon ei, rop ngont. Enim kang wu kÊⱡ mon rop ngont ei, nambuⱡ emel, enim ronduⱡ tek mormun, wote Got nga ik ei, enim kÊn rukÊr tetÊm. Ei nga, enim ndi, Seitan rok mana ndurÊng. 15 Ya mÊi kona ila uⱡ mbÊ kÊn, mel tetÊm mbÊ kÊn, kandÊk kum pindi nÊpÊndÊi! MÊi kona ila mel mbÊ kandÊk, kum pending ndam, Got Tipam ei numan ngui nganggÊrmÊn mon! 16 MÊi kona ila tetÊm mel mbÊ, wu amp kandpa kum pindi uⱡ, mong raⱡ ndi kandpa kum pindi uⱡ, wamp nuim raⱡpa mul uⱡ mbÊ pora, Got Tipam ei kÊn, tepa ui nawÊrÊm mon! Wote uⱡ mbÊ, mÊi kona ila ekit orum. 17 MÊi kona mbila mel tetÊm mbÊ kep, wamp ndi kandpa kum pindi uⱡ mbÊ kep, akup pora ninim. Wote, Got nga numan pep ropa moⱡum wamp ei, uⱡ nga kÊnt nga kont moⱡpa mint mba. 18 Na nga kangambuⱡa mbÊ ye! Ui ei, pora nimba enim! Unt Kraist nga el rui wu minal, ekit uing nÊtÊng ni, akup kupa enim. Nambuⱡ emel, ui ei, akup nondpa enim. 19 El rui wamp kÊⱡ, unt tÊn nga mou ila ekit purung. TÊn kÊn unt morung, wote tÊn wak rorung wamp kÊⱡ, akup tÊn nga mon. 20 Wote Kraist ndi, enim kÊn, Muⱡnga Wingti oi ndupa ngurum ei nga, akup enim ik kupa ei pilik mormin. 21 Na enim mon rop ngont ei, ik kupa ei, pili napÊtmÊn wamp mbÊ, nÊmp rop ngui ngangÊnt. Wote, ik kupa ei, pÊtmÊn ila ik kep nomba ti pepa, ekit ui nawÊrÊm mon! 22 Ik kep nga puⱡ wu ei nam? Ik kep nga puⱡ wu ei ndi, nimba mel, “Jisas ei Kraist mon,” nÊtÊm. Got Tipam KangÊm raⱡ, tÊpa pei mundrum wu ei, Kraist nga el rui wu ei morum. 23 Wamp nam ti ndi, KangÊm tepa mbuⱡ ngum ndam, ei Tipam tÊpa mbuⱡ ngurum ku. Wote, wamp nam ti ndi, KangÊm rukÊr tÊtÊm ndam, Tipam kunda rukÊr tÊtÊm ku. 24 Unt, kuimp tek ik pÊtÊng nimbÊ tÊk, en enim nga numan ila pendÊk muⱡÊi! Ik ei pilik tÊk, ambuⱡ gi ndung ndam, Tipam KangÊm raⱡ, enim kÊn rÊmp nangga muⱡing ku. 25 Kraist ndi, tÊn kÊn nimba mÊi rurum ik ei, uⱡ nga kÊnt nga kont mul uⱡ ei nguimp nitim. 26 Mon rop ngont ik ei, enim wamp mat ndi, ik kol rok ngui ngÊngeing nimp, mon ei, rop ngont. 27 Wote, Kraist nga Muⱡnga ei, enim oi ndupa ngurum. Muⱡnga ei, enim kÊn morum ei nga wamp mat ndi, enim ik mat mbo runding, mel mon! Wote, Muⱡnga ei ndi, enim ik mbo rÊndrÊm. Ei nga, Muⱡnga ei ndi, enim kundpa nim ik ei kupa, ik kol ti mon! Muⱡnga nga keta teng ndum ndam, Kraist ei, enim kÊn rump nilinga mormÊn. 28 Na nga kangambuⱡa mbÊ ye! Akup enim Nuim Kraist kÊn rÊmp nangga, ronduⱡ mundÊk muⱡÊi! Wote, elim yant om ei kÊn, pipil kuⱡi nÊⱡmin. 29 Wote, enim ndi pilangina, Kraist ei, wu kun kai ti ndam, enim uⱡ kun kai mbÊ etangina kÊn kandpa, enim Kraist nga kangambuⱡa mbÊ nimba.