1 Korin 8

1 Akup ik kol got, mbi paka rok rÊng normin ei nga ik mat, punt rop nimp ent. TÊn wamp nga numan ila, numan ronduⱡ kai ei nga tep mormin. Ik ei, kupa ei nga, wote numan ronduⱡ kai pili uⱡ ei ndi, tÊn wamp mbÊ, etpa numan meka rui mbÊ ngorum. Wote, wamp numan ngui uⱡ ei ndi, wamp nga mondpa pili orunga, etpa ronduⱡ mundrum. 2 Wamp ti ndi, elim numan ronduⱡ kai kat tep mor nimba pÊtÊm. Ni wote, elim pilpa kungÊndi kai ti, tepa muⱡi nambÊrÊm. 3 Wote, wamp nam ti, Got numan ngorum ei, Got elim ndi pÊtÊm. 4 Uⱡ ei nga, akup got kol kÊⱡ kÊn, rÊng atinga rok ngok nok enmin. Uⱡ ei nga, tÊn wamp pora pÊtmÊn ni, got kol ei mel kupa nga ti, ama muⱡi nambrÊm. TÊn pÊtmÊn ei, Got tenda mint morum. 5 Ei kÊn, mel puⱡi mim etÊk mondÊk, ‘got’ nÊk, wote wamp mat ndi, ’nuim ou’ nÊk etmin. Enim nga got nÊk enmin kÊⱡ, muⱡ kona ila kep, mÊi kona ila kep, got namba iti mondurmÊn mbÊ muⱡeing. 6 Wote, tÊn nga Got tenda mint morum ei, mel kanmin mbÊ pora, mim itim Tipam mendpÊⱡ ei nga, tÊn mondÊp pilip mormÊn. Wote, wu Nuim tenda ei, Jisas Kraist ei moⱡnga, mel mbÊ pora wengÊndpa mim itim. Wote, tÊn wamp mbÊ, akup Nuim ei kÊn, rÊmp ndupÊn kont mbun mormun. 7 Wote, ik kupa ei, wamp pÊkÊ pili napÊtmÊn. Wamp mat, got kol mbi paka rui uⱡ ila nga minal etÊng. Ei nga, akup ui mbila, rÊng ruk mat nok kÊn, rÊng ei got kol ti nga, rÊng atinga rok, ngung ti nont nÊk, numan ila pÊtmin. Wamp mbÊ, en enim nga numan tÊpa mindi ila kot ndoimp rui narÊrÊm. Ei ndi pilik kÊn, rÊng i etpa ei ndi, en enim etpa ⱡar mondnÊm nÊk pÊtmin. 8 RÊng ti ndi, tÊn Got kÊn nondpa mormÊn puⱡ orunga etpa kai mundi namÊndÊmba. NÊnmin ndam kep, numan ndam kep, tÊn Got kÊn mormun puⱡ orunga uⱡ ti pi napÊmba. 9 Wote enim ndi, uⱡ kun nÊk pilik etmin ei ndi etangga, wamp mondpa pili ronduⱡ pi nÊpi ti etÊk, uⱡ kit mbila mana nduing ei, tÊk mundÊi! 10 Wote, wamp numan rukÊr orunga ronduⱡ pi nÊpi ti ndi, nim numan kai ronduⱡ pili wamp ei kÊnangga, got kol manga wingti ila rÊng tem mbÊ, nun ndam, numan ronduⱡ pi nÊpi wamp ei, uⱡ ila kandpa mong to tÊpa iti natÊmba ei? 11 Ei nga, nim nga angina mondpa pili ronduⱡ pi nÊpi ei, Kraist ndi, nÊndpa kurum ei, nim nga numan ronduⱡ kai pÊt nÊtÊn uⱡ ei ndi, wamp ei etkÊn, nombuⱡa kit ila mundÊn. 12 Wote nombuⱡa ila, nim nga ÊngÊnÊl kÊⱡ kÊn, uⱡ kit in ei ndi, numan orunga etÊk kit mundÊn ndam, nim Kraist kÊn uⱡ kit wei mbÊ etÊn. 13 Ei nga, rÊng nga mbi ti ndi, na nga ÊngÊn ti etÊp, uⱡ kit mbila ropa mana tint ndam, kng mint mbÊ nga aldpa nui nÊnimp. Uⱡ ei tamba kÊn, na nga ÊngÊn ei uⱡ kit ila mana pi nÊpangga!