1 Korin 7

1 Akup ila, enim nga mon rok ngurung ni nga, ik mat punt rop nÊmp ngont. Wu ti, amp ti natÊm ndam, ei etpa kai mondrum. 2 Wote, wu amp wapra uⱡ ei nga minal enmin ei nga, wu mbÊ pora, elim nga amp mendpÊⱡ ti muⱡangga mint. Wote amp mbÊ, i ku etÊk, en enim nga wu mendpÊⱡ ti muⱡangga ku. 3 Wu ei ndi moⱡpa, elim nga uⱡ petÊm mbÊ mel itangga! Wote, amp ei ndi moⱡpa, elim nga uⱡ petÊm mbÊ mel itangga! Ei mel etkÊⱡ, wamp ti ndi, ti tÊpa rÊpÊndangga muⱡÊnggil. 4 Ei nga, amp ei nga kÊng ei, elim nga mendpÊⱡ mon, wam nga. Wote, ei mel ku, wu ei nga kÊng ei, elim nga mendpÊⱡ mon, amp ei nga. 5 Wu amp raⱡ nga ti ndi, ti elim nga kÊng ei tÊpa, mbuⱡ ngui ngÊngangga mon! Atinga ruinggil ui ila mint, en enmbil nÊkÊⱡ tenda ndukÊⱡ muⱡÊl! Wote, enmbil wu amp nga rup rui uⱡ ila, ruk okÊⱡ rak ndukÊⱡ muⱡÊl! Wote, wu amp rup rui uⱡ ei nga kum ei ndi, enmbil tangga! Seitan ndi, enmbil oⱡa tÊpa kÊni nÊkÊnangga mon! 6 Ik nÊnt kÊⱡ, mi rop ni nanÊnt mon, enim kÊn waldÊp tent! 7 Na ndi pÊnt ei, wamp mbÊ pora, na mont ei mel moⱡmina ndam, pÊp. Wote Got ndi, wamp mbÊ pora uⱡ kai mat elpa elpa iteing nimba, kÊmp tÊpa ngurum. Wamp ti kÊn, uⱡ ti ngumba, ti kÊn uⱡ elpa ti ku ngurum. 8 Akup ik ti nimp ent ei, amp wu pi napÊrmin na, wu amp ti natÊtÊm na, wote amp wiya na mbÊ kÊn, ik ei nÊmp ngont. Na nanim ent ei mel, enim i ku etÊk, pek moⱡung ndam, ei kapⱡa. 9 Wote enim pilangina, wu amp rÊp rui uⱡ ei nga, numan ila imp muⱡin mel mon em ndam, nim amp ei, wu pi, wote wu ei, amp ti ku. Wote tÊpa kawa ndangga, wamp kandÊk kum pin ting uⱡ ei, iti nÊteing. 10 Enim wu amp nÊk mormin wamp ei nga, ik ronduⱡ ti nimp ent. Na mendpÊⱡ mon, Nuim ei ndi nÊnÊm. Amp ti ndi, elim nga wam wu ei, wak rui nÊrangga mon! Muna amp ei ndi, elim nga wam wu ei, wak rom ndam, amp ei elim wiya muⱡangga! Wote mon ndam, wam wu ei kÊn, aldpa rukÊr pangga mint! Wote, nim wu ti ndi, nim nga amp ei, wak rui nÊri mon! 12 Wote, wamp kat nga na ndi ik nÊnt. (Nuim ei nga mi ik ti mon!) Kraist kÊn mondpa pili wu ti, elim nga amp ei, Kraist kÊn mondpa pili napilpa, wam wu ei kÊn, pep muⱡimp nimba moⱡum ndam, wu ei ndi, amp ei wak rui nÊrangga! 13 Wote, mondpa pili amp ti, elim nga wam wu ei, Kraist kÊn mondpa pili napilpa, elim kÊn pep muⱡimp nimba moⱡum ndam, amp ei ndi, wu ei wak rui nÊrangga! 14 Nim pÊn ei, wote mbo wu ti, Kraist kÊn mondpa pili amp ti, tÊm ndam, Got ndi, wu ei, Got elim nga wamp mel nimba. Wote mbo amp ti, mondpa pili wu ti tÊm ndam, Got ndi amp ei, elim nga amp mel nimba. Wote, i etkÊⱡ muⱡi nambÊⱡanggil ndam, en enmbil nga kangambuⱡa mbÊ, Got ndi, numan ngui ngÊngangga mbo wamp mel muⱡing. Wote, ik ei kupa mint. Ei nga, Got ndi, wamp raⱡ nga kangambuⱡa mbÊ, elim nga wamp rÊⱡaip mbÊ mint nimba. 15 Wote, mondpa pili nÊpili wu ti ndi, mondpa pilim amp ei, wak ruimp nimba pilim ndam, kapⱡa wak rangga ku. Uⱡ ei mel mat pem ndam, nim mondpa pili tekÊn morÊn amp ei ndi, uⱡ ei ndi, nim nga mul uⱡ ei, etpa kit mundi namÊndÊmba. Nambuⱡ emel, Got ndi, nim numan wang ndui uⱡ mbila, pekÊn muⱡÊn nimba wi ropa titim. 16 Nim amp ei, nim nga wanÊm etkÊn, mondpa pili wu rundÊn, muna mon, ei nim pili napilkÊn morÊn. Wote, nim wu ei, nim nga ambnÊm etkÊn, Kraist kÊn mondpa pili amp rundÊn muna mon ei, nim pili napilkÊn morÊn. 17 Enim wamp mbÊ pora, Nuim ei ndi, kongun elpa elpa mbÊ nga iteing nimba, kÊmp tÊpa ngurum. Kongun ei, etmin ei mel etÊk, wote Got ndi, wi ropa tÊpa, kongun ngurum ila mint, kongun etÊk mek pÊi! Na ndi, mi ik atinga manga tetÊm kona mbila pora, mbo endÊp nÊt mel nÊnt. 18 KÊng kupti uⱡ ei nga itim wu ti, Got nga wi rurum uⱡ ei, kapⱡa nimba kum titim ndam, kÊng nit ei, tÊpa mundi nÊmÊndangga! Wote, kÊng kupti nÊpÊtÊtÊm wu ti, Got nga wi ei, kum tepa pilpa kapⱡa nimba, pilim ndam, wote kÊng kupti uⱡ ei nga iti nÊtangga! 19 Nambuⱡ emel, kÊng kupti uⱡ ei nga eng ndam kep, mon muna ndam kep, uⱡ tila ⱡawa pi napÊrÊm. Itmin uⱡ mendpÊⱡ ei, Got nga mi ik ngurum kÊⱡ mint, teng ndupÊn, pep rumin ndam, kapⱡa etmba. 20 Wamp pora, enim unt nambuⱡ etÊk moⱡina, Got ndi, wi ropa titim ei mel ku, akup i ku etÊk muⱡÊi! 21 Nim kongun kindmant wamp moⱡina, Got ndi, wi ropa titim ei? Ei mel ndam, numan ou ndupa pili nÊpili! Wote, wei muⱡÊn, nombuⱡa mam ti tem ndam, molkÊn kai mundi! 22 Kongun kindmant wu ti, Nuim ei ndi, wi ropa tÊm ndam, ei Nuim ei nga mbi ila, wu ei mel ti ndi, imp muⱡi nambrÊm. Ei mel ku, wamp wei morum ni, Kraist ndi, wi ropa rukÊr tilinga omba, Kraist nga kongun kindmant wamp morum. 23 Got ndi, mel ou ndupa wak ropa, enim rop ropa titim. Ei nga, pilik kÊn, wamp nga kongun kindmant wamp muⱡi nÊmbÊⱡÊi! 24 AngmÊn! Enim unt namba uⱡ mat etÊk moⱡina, Got ndi, wi ropa rukÊr titim? Ei mel ku, akup Got kÊn rup rok muⱡÊi! 25 Akup ila, amp wendÊp na, wu kumÊndÊp na mbÊ nga ik mat nimp ent. Nuim ei ndi, mi ik ngumba na neimp nimba ngui ngangÊm mon. Na nanim nga numan ila nÊnt. Nuim ei ndi, na kont kurum uⱡ ila enim ndi, na nÊnt ik ei, kupa nÊk pilik teing. 26 Akup ui mbila mbun mat penÊm. Ei nga, na ndi pÊnt ei, enim kang wamp mbÊ mormin ei mel muⱡÊi! Amp tÊk, wu puk enmin uⱡ ei nga, iti nating ndam, kai etmba. 27 Nim wu ti, amp unt titÊn muna mon? Amp ti titÊn ndam, amp ei, wak ruimp nÊkÊn uⱡ ti, iti nÊti! Wote amp ti, nÊtÊn wu ti, morÊn muna mon? Amp ti, nÊtÊtÊn ndam, amp timp nÊkÊn kuri nÊkÊri! 28 Wote, amp ti tin ndam, nim uⱡ kit ti iti nÊtÊn! Wote amp wendÊp kokila ti, wu pum ndam, amp ei, uⱡ kit ti, iti natÊmba. Wote amp tÊk, wu puk eng ndam, ya mÊi kona ila mbun ou ndupa koma ruing. Uⱡ ei, na ndi pÊnt ei, enim kÊn pi nÊpangga nÊmp nÊnt. 29 AngmÊn, na nÊnt ik puⱡ ei, ei mel, ui mat ou ndupa pi napÊtÊm. Ei nga, amp tÊtmÊn wu mbÊ, amp ti natÊtmÊn mel pek muⱡeing. 30 Ka etÊk mormin wamp mbÊ, kit pili napÊtmÊn wamp mel muⱡÊi! Enim oi etÊk mormin mbÊ, numan kai penim nÊk muⱡi nÊmbÊⱡÊi! Mel rop rok tÊtmin wamp mbÊ pilik, enim tÊtmin mel mbÊ, en enim nga tetmin nÊk, pili napilik muⱡÊi! 31 Ya mÊi kona ila mel mbÊ tÊpa, kongun etpa moⱡum wamp ei pilkÊn, mel mbila minal pili nÊpili! Nambuⱡ emel, mÊi kona mormin kona ei, ya akup tenim ei mel tepa, ruⱡ pi napÊmba, mon! 32 Wote, ya mÊi kona ila mel ti ndi, enim etpa numan mbun ngui ngÊngangga nÊmp nÊnt. Amp ti natÊtÊm wu ni ndi, Nuim ei nga kongun ila ou ndupa pitim. Nambuⱡ emel, Nuim ei etÊp, numan kai pindimp nimba etÊm. 33 Wote, amp titim wu ni, elim nga ambÊm etÊp numan kai pindimp nimba, mÊi kona ila uⱡ mbÊ nga minal pÊtÊm. 34 Ei mel elinga, elim nga numan ei paⱡpa raⱡ etÊm. Wote, wu pi napÊrÊm amp wendÊp ei, Nuim ei nga kongun ila minal pÊtÊm. Ei nambuⱡ emel, elim nga kÊng ei kÊn, min ei kÊn, Nuim ei kÊn ngumba ruk ndupa, kai muⱡimp nimba etÊm. Wote, wu purum amp ei, mÊi kona uⱡ mbÊ nga minal pÊtÊm. Ei nambuⱡ emel, wam etÊp numan kai pindimp nimba etÊm. 35 Na ik nÊnt mbÊ, enim nga orunga molk, kai mundeing nÊmp kÊn nÊnt. Enim uⱡ nÊnt mbÊ nga mi rop ik, ti ni nanÊnt. Wote, enim uⱡ kun mbÊ nga iteing nÊmp nÊnt. Wote, Nuim ei nga kongun ila numan raⱡ pindi napÊndÊk, kÊmp kÊm ruk puk molk, kongun iteing nÊmp pilip nÊnt. 36 Wote, kang wu ti, elim nga amp ti tangga nÊk, ol ik nÊndÊk mondung amp ei kÊn, kandpa kum pindi numan mat pilpa, uⱡ minÊpi mat em ndam, numan minal ngumba amp ei tangga! Uⱡ ei nga, ⱡawa ti mon. 37 Wote wamp ti ndi, ni nÊnangga, wu ti elim nga numan ila ronduⱡ mundpa, amp ti nÊtimp nimba, elim nga nim ik ila ronduⱡ mbÊ muⱡimp nimba, elim nga amp ol ik nÊndÊk, mondung ei, nuwa moⱡangga nim ndam, ei kapⱡa ku. 38 Ei nga, wu ti ndi, elim nga amp ol ik nÊndÊk, mondrung ei tÊm ndam, uⱡ kai ei ku etmba. Wote wu ti, elim nga amp ei, ti nÊtimp nim ndam, ei ama minal, etpa kai mondÊmba. 39 Wu pi amp ti, elim nga wam ei, kont moⱡum ndam, amp ei, wam nga mbi ila kunda mormbil mint. Wote, wam koⱡum ndam, wu ei kÊn mbi morum uⱡ ei, mana pangga, elim nga numan ila, wu kont nga kapⱡa mba mint. Wote, wu ekit orunga ti mon. Kraist kÊn mondpa pÊtÊm wu ti mint pangga! 40 Na nga numan ila pÊnt ei, amp ei elim wiya moⱡum ndam, kai pilpa moⱡmba. Got nga Muⱡnga ei, na kÊn moⱡnga nÊnt nÊmp pÊnt.