1 Korin 16

1 Akup ik nimp ent ei, Juriya kona ila nga Got nga wamp mormin mbÊ nga ku moni nguimin nÊtÊng ik ni nga, enim Korin wamp mbÊ, kundÊp nimp ent. Na ndi, Galesiya kona ila nga manga wingti kona kel elpa elpa mbila, anggÊtÊm mbÊ kÊn, ik nit ei mel ku itÊi! 2 Enim kongun etÊk, ku moni tÊtmin mbÊ nga mat, rÊk rÊk kor ou kÊn, tÊk mou rok muⱡÊi! Wote, na enim kÊn unt ei kÊn, ku moni mat wang ndup, enim kÊn andÊp ti nÊteimp. 3 Enim kÊn omp ruk unt ei kÊn, na ndi, mon ti rop, enim nga ku moni nguing kÊⱡ kÊn pendÊp, enim nga wu kandÊk tÊng kÊⱡ kÊn, ngump mundamba mek, Jerusalem kona ila ping. 4 Wote, na kunda mbin mel pem ndam, wote wu kÊⱡ na kÊn, rup rop mbin. 5 Na Masaroniya kona ila mbo kÊn, wote int enim kÊn uimp. Ei nambuⱡ emel, na Masaroniya kona ila rukÊr mbo kÊn, wote enim kÊn akil tep uimp. 6 Kona Êt etÊm ui ei kÊn, na enim kÊn moⱡÊp ui mat, tÊp mundimp nÊmp pÊnt. Wote, kona ila nga moⱡÊp kÊn, kona nant tila mbi ei kÊn, na tÊk rÊpÊndeing. 7 Enim pilik mormin ei, na ndi, enim kÊn omp moⱡÊp, roⱡ pi nÊpimp ei, numan iti natÊnÊm. Nuim ei ndi, na kapⱡa nilinga ndam, enim kÊn omp moⱡÊp, ui ruⱡ etÊp tÊp munduⱡmba. 8 Wote, na Episis kona ila mbÊ moⱡÊp, (wit ropa rorum ui ei kandÊp timp) Pendikos. 9 Kona ila na nga el rui wamp mat mormin kep, kongun ronduⱡ kai itimp mbÊ tetÊm kant. 10 Wote, Timoti enim kÊn om ndam, nokundÊk kai etÊk, uⱡ kai mbÊ ndÊi! Wu ei, na Nuim ei nga kongun endÊt ei mel ku etÊm. 11 Enim wamp nam ti ndi, kang wu ei, tÊk mbuⱡ ngÊk uⱡ ti, iti nÊtÊi, mon! Timoti tÊk rapÊndÊk etangina, nombuⱡa mba ila, numan kai pilpa mba, wote na kÊn yant wangga! Na ndi, nokundÊp mor ei, angmÊn mat kÊn, kunda rup rok uing nÊmp kandÊp mor. 12 Wote, tÊn nga ana Apolus ni, angmÊn kat kÊn, int weing nÊmp, ronduⱡ mundÊp nÊt. Ei wote, akup omba mel, kapⱡa iti natilinga morum. Omba mel pem ui tila omba mint. 13 Enim tÊk mendÊk, mondpa pili ora ronduⱡ mundÊk muⱡÊi! 14 Enim wamp numan nguk kongun etÊk muⱡÊi! 15 Stepanas kÊn, elim nga wamp mbo kÊⱡ kÊn, morung uⱡ ei, enim pilik mormin. Grik kona ila wamp mbo kÊⱡ, kuimp tek numan ropÊl rok, wote en enim nga numan orunga mana nduk, Got nga wamp mbÊ nga nÊndÊk, kongun enditing. AngmÊn, enim mana tep waldÊnt ei, rÊp wamp i etpa mbÊ kÊn, wote wamp mbÊ nga mana orunga molk, kongun endÊtmÊn mbÊ nga uⱡ etmin mbÊ, kitip kandÊk pep rok itÊi! 17 Wu Stepanas, Potunatus, Akaikus na kÊn orung kÊⱡ nga numan enim. Enim na kÊn oⱡina, koⱡ ila wote wu kÊⱡ orung. Wu kÊⱡ enim etÊk, numan kai pendÊtÊng ni mel, na kÊn i ku etÊk, numan kai pendÊtÊng. Wu i etpa mbÊ nga kaip nÊndÊmin. 19 Eisiya mÊi kÊmp ila nga atinga manga anggÊtÊm mbÊ ndi pÊkÊ, enim kÊn, rawe ik kai mbÊ nÊk mundÊnmin. Akuila kÊn Prisila raⱡ kÊn, wote wamp raⱡ nga manga ila tÊk mou rormin wamp kÊⱡ ndi pÊkÊ, Kraist nga mbi ila, enim kÊn, rawe ik kai mbÊ nÊk mundÊnmÊn. 20 Ya ila nga angmÊn mormÊn kÊⱡ ndi, enim kÊn, rawe ik kai mbÊ nÊk mundÊnmÊn ku. Wote, tÊn Got nga wamp moⱡpÊn kÊn, int enim nga wÊng orunga wamp angmÊn mbÊ kÊn, ki tÊk, keta nu rok nok itÊi! 21 Na nga ki ila mendpÊⱡ, ya mon kÊⱡ ront. Na Pol ndi, enim kÊn, rawe etÊp mundunt. 22 Wamp nam ti, Nuim ei numan ngui ngangÊm ndam, wamp ei kit muⱡangga! TÊn nga Nuim ei wangga! 23 Nuim Jisas nga wamp kont kaimp kul uⱡ mbÊ, enim kÊn kan piyangga! 24 Kraist Jisas nga mbi ila, na nga numan ei, enim kÊn tep pora ndunt.