1 Korin 15

1 AngmÊn! Na ndi, RÊnang Ik Kai ei, unt enim kÊn nÊmp ngur. Ni nga aldpa, enim nga numan orunga rop rut ndup nÊnt. Enim ndi, RÊnang Ik Kai ei, ambulk gi nduk tilingina, akup enim nga mondpa pili orunga ronduⱡ punum. 2 RÊnang Ik Kai nÊmp ngur ei, pilik tÊk, ambulk gi nduk moⱡung ndam, enim ik ei ndi, etpa tÊmba. Mon ndam, enim kol rok, nowa mondÊk pÊtÊng uⱡ ei ndi, enim ik ei ndi, etpa tÊmba mel mon! 3 Na pilip tit ik kÊⱡ, enim mbo indÊt ni kÊⱡ, ik ronduⱡ kai kÊⱡ. Kraist tÊn nga uⱡ kit mbÊ nga kurum timan ik ei, Buk Wingti ila pÊtÊm. 4 Kraist ei, wamp on kona ila anggÊtÊng. Wote, rumbÊⱡ raldika omba puⱡnga, ⱡoporpa tÊpa oⱡa mundrum. Ei Buk Wingti ila rok pendÊtÊng. 5 Wote Pita kÊn, kuimp tepa purum, wote akil tepa, elim nga kitip kÊni wu 12 kÊⱡ kÊn purum. 6 Wote Jisas ni, akil tepa, elim nga ÊngÊnÊl wu 500 morung kÊⱡ kÊn, tÊngÊnda purum, ÊngÊnÊl mbÊ nga mat korung, wote ou ndupa mel, akup kont mormin. 7 Wote, Jeims kÊn mba, wote elim nga nombuⱡa rung wu mbÊ kÊn pora purum. 8 Wote, ama akil tepa, Jisas na kÊn oⱡnga, na nga mong raⱡ ndi kÊndÊr. Kangambuⱡa ti mam ndi, ui kai ila mepa, kit mondrum uⱡ ni mel, na mendpÊⱡ mur. 9 Nombuⱡa rung wu mormin mbÊ nga mana orunga na mor. Na nombuⱡa rung wu kapⱡa muⱡimp, mel mon! Nambuⱡ emel, na ndi, Got nga rapa tenda ila wamp mbÊ etÊp, kit mundÊr. 10 Wote, Got nga wamp poⱡ ti uⱡ ila, na akup mor. Wote, na poⱡ titim uⱡ ei, tÊp mbuⱡ ngui ngÊnggÊr mon! Na ndi, nombuⱡa rung wu mbÊ, tÊp mana ndup, na kongun ronduⱡ mundÊp it. Uⱡ ei, na nga ronduⱡ ti mon. Got na poⱡ ti uⱡ ei nguⱡnga kongun it. 11 Ei nga, nombuⱡa rung wu wei mbÊ kep, na kep, tÊn ik tenda ei mint nilmina, enim pilik mondÊk pÊtmin. 12 TÊn ik nimbun kÊn, Kraist ei koⱡpa, wote ⱡoporpa oⱡa murum nÊtmÊn. Wote, enim wamp mat ndi, korung wamp mbÊ, wote ui tila ⱡoprÊk, oⱡa muⱡi nÊmbÊⱡing nÊtmin ei, etÊk pilik nÊtmin mel nant? 13 Ik enim ninmin ei, kupa ndam, Kraist ei koⱡpa, wote tikil rui nÊrÊrÊm nÊnmin. 14 Wote Kraist ei, koⱡpa tikil rui nÊrÊrÊm nÊng ndam, tÊn ik wei nÊmÊ nÊtmÊn nÊk piling. Wote, enim kai kandÊk, nÊwa mondÊk pÊtmin. 15 Ei mel ndam, tÊn Got nga ik ei kep, nombun nÊtmÊn. Nambuⱡ emel, unt tÊn ndi, ik nimbun kÊn, Got ndi, Kraist ei ⱡoporpa tÊpa, oⱡa mundrum nÊtmÊn. Wote, unt korung wamp mbÊ, ui tila ⱡoporpa tÊpa, oⱡa mundi namÊndÊm ndam, wote kupa Got ndi, Kraist ⱡoporpa oⱡa tÊpa, kont mundi nÊmÊndÊmba ku. 16 Wote, wamp korung mbÊ, ⱡoporpa ti natÊmba ndam, Kraist ei ⱡoporpa tÊpa oⱡa kont mundi namÊndÊⱡnga ku. 17 Wote Kraist ei, ⱡoporpa tÊpa, oⱡa mundi nam nduⱡnga ndam, enim nga mondpa pili, kai ti mon! Enim nga uⱡ kit etÊng mbila, ropa wÊlÊ munduⱡnga, tiki polk mormin mint. 18 Ei kÊn wote, Kraist kÊn mondÊk pilik korung wamp mbÊ, tiki polk mormin ku. 19 TÊn Kraist mondÊp pilpÊn, elim nokundpÊn moⱡÊp, kai mondpÊn, wote ya mÊi kona ila mel tetÊm mbÊ nga, pilpÊn muⱡmin ndam, wote wamp mbÊ ndi, pilik kont kulk, tÊn kont kuⱡing. 20 Wote, Kraist kurum ei nga, Got ndi, ⱡoporpa tÊpa, oⱡa mundrum nÊnmin ik ei, ama kupa mint. Wamp unt korung mbÊ, ⱡoprÊk oⱡa muⱡing ei nga, Jisas ndi, unt nombuⱡa ora ndurum. 21 Wamp kuⱡi uⱡ ei, wu tenda ti ndi, etpa oⱡa titim ndam, wamp kolk kont muⱡing uⱡ ei, wu tenda ti ndi, ku itim. 22 Uⱡ ei nga, Andam nga rÊⱡaip ila wamp mbÊ, kuⱡing mint. Wote, ei mel ku, Jisas nga rÊⱡaip ila mormin wamp mbÊ, wote rÊt nÊk kont muⱡing. 23 Wote elim ndi, to ropa pinditim ui ila, tÊn wamp tenda tenda nimbun rut nimbun muⱡmin. Kuimp tepa ei Kraist, wote elim yant omba ui ila, elim nga wamp rÊⱡaip mbÊ, rÊt nÊk oⱡa muⱡing. 24 Ui ei kÊn, mel mbÊ pora, nimba kelmba. Kraist ndi, ya mÊi kona nga gapman kona mbila, wu nuim elpa elpa monmin. Wote, kur kit mbÊ nga ronduⱡ tetmin uⱡ mbÊ pora, etpa pora ndumba. Wote, ui ei kÊn ku, Jisas elim wu Nuim Mumuk moⱡpa, Tipam nga wamp tÊpa mumuk rui kongun ronduⱡ mbÊ pora, elim nga Tipam Got kÊn ngumba, rukÊr ndumba. 25 Kraist ei, Nuim moⱡpa mint pangga, wakÊt Got ndi, elim nga el rui wamp mbÊ tÊpa, Jisas nga kÊmp puⱡ mana orunga mundangga mint, kapⱡa etmba. 26 TÊn nga el rui wu ti, Got ndi, akil tepa etpa pora ndumba, wamp kÊⱡi peng ei. 27 Buk Wingti ila mon petÊm ei ndi, nimba mel, “Got ndi, mel mbÊ pora tÊpa, elim nga kangÊm nga kÊmp puⱡ ila tinditim,” nÊtÊm. “Mel mbÊ pora,” nimba ik ei ndi, Got elim mana orunga muⱡi nambÊrÊm. Nambuⱡ emel, Got elim ndi, namba mel mbÊ, ruk tÊpa, Kraist nga kÊmp mana orunga tendÊmba? 28 Wote, mel mbÊ pora, Kraist nga mana orunga tÊpa tendpa pora ndangga. Wote, Got elim nga kangÊm, Got Tipam kÊn rukÊr mba, mana orunga muⱡÊmba. Wote ila nga, Got elim puⱡ wu ei ndi, mel mbÊ nga pora, tÊpa rak ndupa, Nuim Mumuk moⱡmba. 29 Aldpa, ik nÊmp ngunt mbÊ, ik kol rop nint ndam, enim wamp mat ndi, unt korung wamp mbÊ tÊp rÊpÊndmin nÊk, nu tÊtmin uⱡ ei, etÊk iting mel nant? Wamp korung mbÊ, tÊnggÊt ⱡoprÊk, oⱡa muⱡi nÊmbÊⱡing nÊng ndam, nambuⱡ emel, wamp korung mbÊ nga nÊndÊk, nu tÊtmin? 30 Wote, tÊn nombuⱡa rung wu kÊⱡ, nambuⱡ emel, ui mbila rÊk rÊk wamp kui peng ila ruk mbun, wote ekit ombun itmin? 31 AngmÊn, ui mbila rÊk rÊk, wamp kui nga uⱡ ila, na ruk mbo mint mor ndi ka! Na enim kÊn kont mul uⱡ ei nga, Kraist Jisas kÊn kandÊp tÊp, numan kai pelinga, ik ei nÊmp ekit ndunt. 32 Met Episis kona ila, na ndi, mÊi kona ila wamp mbÊ nga numan mbÊ, kandÊp tÊp kÊn, mel rakra kÊⱡ kÊn, el roⱡÊmba ndam, namba mel ti ekit tilimba? Wote, wamp korung mbÊ, wakÊt tikil nÊring ndam, wote ik ti nÊk kÊn, “UtÊma kuⱡmin ei ka, nu rÊng mel mbÊ akup namin!” nÊtmin ik ni, wak ramin. 33 Ni kÊn, wote wamp mat ndi, enim tÊk tiki punding. Uⱡ ⱡawa etmin wamp mbÊ kÊn, rup rumÊn ndam, tÊn nga uⱡ kai etmin mbÊ, etÊk kit munding. 34 Enim nga numan mbo ingk ei, kandÊk tÊk, uⱡ kit etmin mbÊ wak rÊi! Int enim nga ruk ting ila wamp mat, Got pilik mbi ndui nandÊrmin. Ei nga, uⱡ kit etmin kÊⱡ nga pilik mbi nduk, pipil kuⱡing nÊmp kÊn ik ei nÊnt. 35 Wote, wamp nam ti ndi waldpa, nimba mel, “Wamp korung mbÊ, ⱡoprÊk kont muⱡing mel nant? Wote kÊng namba kÊng tÊk ⱡoprÊk kont muⱡing?” nitim. 36 Nim numan mbo petÊm muna mon? Nim kÊnapa mong, muna rÊng mong mbo nant ti, rarÊn ei koⱡpa, kai em ndam ku, rÊng mbo nant ti, rÊn ei nga, kont ti ku, mÊlÊ romba. 37 Wote kÊnapa, muna rÊng mbo, nant ti rarÊn ei, mong ei mendpÊⱡ, mÊi ila rarÊn. Wote, mÊlÊ ropa oⱡa omba ongum etpa, kuk rorum ei, rÊⱡi nakÊrÊn mon. 38 RÊng mong nant ti rarÊn. Ei wote, mÊlÊ ropa oⱡa omba, namba ongum ropa, kuk pepa etmba ei, Got elim ndi, etpa pendÊtÊm. Wote, rÊng mong mbo elpa elpa mbÊ, Got elim ndi, ku etpa, ongum rondpa kuk rondpa etÊm. 39 Wote, mel mem pi mbÊ pora, kÊng tenda ei nga kuⱡi nakÊrmin mon! Wamp ei, kÊng ti kurmin, kng owa mbÊ kÊng ti ku, kÊi ei kÊng ti ku, oma ei kÊng ti ku kurmin petÊm. 40 Wote, oⱡa muⱡ ila mel tetÊm mbÊ, mon elpa ti ku purum. Wote, mana mÊi ila mel elpa elpa mbÊ nga tetÊm ku. Oⱡa kona muⱡ ila mel tetÊm mbÊ, mon ei elpa ti ku. Wote, mana mÊi ila namba mel tetÊm kanmÊn mel mbÊ, mon elpa ti ku purum. 41 Kona ant ei, elim mon purum uⱡ ei ti ku, wote kona kalimp ei, mon ti nga ku purum. Wote, mipil rangÊnt mbÊ, mon ti ku purum. Wote mipil rangÊnt mbÊ petmin ei nga ruk ila, en enim elpa elpa mon ti ku purum. 42 Wamp korung mbÊ, ⱡoprÊk kont moⱡung kÊn, uⱡ ei mel ku pemba. Koramin kÊng kÊⱡ mÊi ila angÊndÊtmÊn. Wote, rut nimba moⱡmba kÊng kÊⱡ, wote kÊⱡi naⱡÊmba, kont mba uⱡ nga kÊnt nga kont moⱡpa, mint mba. 43 Wamp kÊng kÊⱡ, ronduⱡ ti mon, korum ei kÊn kit moⱡnga, mÊi ila on etmin. Wote, wakÊt tikil rom ei kÊn, kÊng mon pi ronduⱡ kai wei ti ku tÊmba. 44 On etmin kÊng kÊⱡ, mÊi kona ila mendpÊⱡ, kÊng mendpÊⱡ kÊⱡ, wote rÊt nimba moⱡum ei kÊn, kÊng kÊⱡ muⱡnga nga kona kÊng waⱡÊm kÊⱡ. Ya mÊi kona nga namba kÊng kuⱡÊp mormin ei nga, muⱡnga nga kona kÊng ei nga ku tetÊm. 45 Buk Wingti ila nimba mel, “Got ndi, wu puⱡ mondpa itim ei, Andam ei mel min pi ei, mim itim,” nÊtÊm. Wote, wu Andam akil tepa ei, wamp pora kont mul uⱡ ngorum ei nga Muⱡnga ei. 46 Muⱡnga ei kuimp tepa mon, min pi mel ei kuimp tepa oⱡnga, wote muⱡnga ei akil tepa orum. 47 Andam kuimp tepa ei, mÊi kÊnggÊpÊn ila oⱡa tÊpa itim. Andam akil tepa ei, muⱡ kona moⱡpa mana urum. 48 TÊn mÊi kona ila wamp mormÊn mbÊ pora, mÊi ei ndi, mim itim ei mel kapⱡa mormÊn. Wote, tÊn muⱡ kona timin wamp ei, muⱡ kona wu ei mel, kapⱡa kÊng timin. 49 MÊi ila mim itim wu ei nga kÊng tÊtmÊn, ei mel ku, wote tÊn muⱡ kona wu kÊng tÊtÊm ei nga ku, kÊng timin. 50 AngmÊn! Na nÊnt ik ei nga puⱡ ei, ei mel, kÊng mem petÊm mim itim mel ei, Got nga wamp tÊpa mumuk rui kona ila kapⱡa rukÊr pi napÊmba. Wote, kit moⱡpa korum mel ei ndi, kont rÊk rÊk temba mel ei, kapⱡa ti natÊmba. 51 Ik mo ropa petÊm ti, nimp ent ik ei pilÊi! TÊn wamp pora kuⱡi nÊⱡmin! TÊnggÊt muⱡ mÊi raⱡ pora nim ui ila, Got nga pikul ik ei pilamina, tÊngÊnda mint, tÊn wamp mbÊ, tÊp ropÊl ropÊn, kont moⱡpa mint pi, kÊng kont kÊⱡ timin. Pikul ik ei nim kÊn, wamp korung mbÊ, tikil rok kont muⱡing, wote tÊnggÊt kuⱡi nÊⱡing mon! Wote, tÊn kont mormin wamp ei, kit kÊng kÊⱡ wak ropÊn, kÊng kont tenda ei nga timin. 53 Ei kÊn, kit moⱡmba kÊng kÊⱡ ndi, kit muⱡi nambuⱡmba, kÊng kont kÊⱡ tÊpa, pakÊmba mint. Wote, wamp kormin kÊng kÊⱡ, aldpa tÊpa ropÊl ropa, wamp kuⱡi nakÊrmin kÊng kont kÊⱡ, tÊpa pakÊmba mint. 54 Ei nga, kit morum kÊng ei ndi, kit muⱡi nambrÊm kÊng kÊⱡ nga tangga! Wote, korum kÊng kÊⱡ ndi, uⱡ nga kÊnt nga kont temba kÊng ei tÊmba. Ei kÊn, Buk Wingti ila, Got nga ik unt rorung ei omba, pena ila pemba, “Got ndi wamp kuⱡi peng ei, el etpa tÊpa, ropa wei etmba!” nitim. 55 “Wamp kuⱡi peng ye! Nim el etkÊn int pindin ei nga ronduⱡ ei nant? Wamp kuⱡi peng ye! Nim wamp etÊk kondrÊn ei nga ronduⱡ ei nant?” nÊtÊm. 56 Uⱡ kit mbÊ ndi, wamp kuⱡi peng ei, ronduⱡ nguⱡnga, wamp etpa kondrum. Wote, uⱡ kit mbÊ pora, mi ik ila ronduⱡ tÊtÊm. 57 Wote, Got kÊn angge namin! TÊn nga Nuim Jisas Kraist nga ronduⱡ ila, Got ndi, tÊn ronduⱡ nguⱡnga, tÊn el etÊp int pendÊtmÊn. 58 Ei nga, na nga angmÊn kupa kÊⱡ! Enim ronduⱡ puk muⱡÊi! Nuim ei nga kongun enim ngurum mbila, muⱡ ti natÊk, rÊk rÊk etÊk mint muⱡÊi! Ei nambuⱡ emel, enim pÊtmin ni, Nuim ei nga kongun endÊng ila, etÊk wei pi nÊping mon!