Apocalipsis 5

1 ‘A̱n, kìjtseè jè xi tíjnasòn íxi̱le̱ nga tíhotíxoma, kjinaya tsja kixi̱ jngoò xo̱jo̱n xi kjixkóya xi kitjeijno i̱yaâla̱ ko̱ ngatsejènâla̱ ko̱ itoò k’a tjí’ñó ñánda jnchaâla̱ sello nga jngoò ìjngoò k’a. 2 Kìjtseè jngoaà àkja̱le̱ xi tse nga’ñó tjínâla̱, xi ‘ñó kiìchja̱ nga kitsò: âYá xi ok’ìnâla̱ nga skíx’a̱ jè xo̱jo̱n koa̱ komàâla̱ kjoa̱áxìn jñà sello xi jnchaâla̱. 3 Ta̱nga ni̱yá kisakò xi komàâla̱ nga kiskíx’a̱ jè xo̱jo̱n, ni̱ mìkiì ma kotsejènâla̱ nga kot’aà kó tsò ‘én xi tjít’aà; ni̱jngoò kisakò ján ngajmiì, ni̱jngoò kisakò i̱t’aà nangui, koa̱ ni̱jngoò kisakò i̱ngui nangui. 4 ‘A̱n, ‘ñó kiskindàya nga ko̱ ndáxkoaàn k’e̱ nga kìjtseè nga ni̱jngoò kjòtsji xi ok’ìnâla̱ nga kiskíx’a̱ jè xo̱jo̱n nga ma kot’aà kó tsò ‘én xi tjít’aà. 5 Jñà xi̱ta̱ jchínga xi kaàn ñijòn maâne, jngoò xi kitsòâna: âKì chìhindáyaâjèn. Tíjna xi ‘mì: Xaâla̱ xi̱ta̱ na̱xa̱ndá Judá, xi ti̱koa̱ ‘mì: Tje̱âla̱ xi̱ta̱xá ítjòn David, nga jè xi jye kisìkijneâla̱ kondra̱âla̱. Jè xi ok’ìnâla̱ nga skíjnda̱ya jè xo̱jo̱n koa̱ ko̱ma kjoa̱áxìn selloâla̱ xi itoò maâne. 6 K’e̱é kìjtseè jngoò Orrè nga síjna ya̱ jngoò osenâla̱ ñánda tíjna xi tíjnasòn íxi̱le̱ nga tíhotíxoma, ko̱ ñánda títsa̱jna jñà xi ñijòn maâne xi títsa̱jnakon, ko̱ ñánda títsa̱jna xi̱ta̱ jchínga xi kaàn ñijòn maâne. Jè Orrè, k’oa̱á kji koni tsà jye k’en; itoò ma nchra̱jáâla̱ ti̱koa̱ itoò ma xko̱n; jñà xko̱n, jñà ini̱ma̱âla̱ Nainá xi itoò maâne xi kinìkasén nga tíjtsa i̱sò’nde. 7 Jè Orrè, kiskoé jè xo̱jo̱n xi kjinaya tsja kixi̱ jè xi tíjnasòn íxi̱le̱ nga tíhotíxoma. 8 Jè Orrè, k’e̱ nga jye kiskoé xo̱jo̱n jè, jñà xi ñijòn maâne xi títsa̱jnakon ko̱ jñà xi̱ta̱ jchínga xi kaàn ñijòn maâne chincha-xkó’nchi-ñiat’aàâla̱ nga nguixko̱n Orrè. Ngats’iì saà ní’ñó arpaá ‘ya ko̱ chi̱tsín xi nguì oro xi tjíya chrjongóâla̱ nainá. Jè chrjongóâla̱ nainá jñà xi kjoa̱ bítsi’baâla̱ jñà xi̱ta̱âla̱ Nainá. 9 Kiseè jngoò sò xi̱tse̱ xi tsò: Ok’ínâlè nga ngaji̱ chjoí jè xo̱jo̱n, chja̱àxìn selloâla̱ nga ji̱ kinìk’enâlè, nga ko̱ jníâlè tsibíchjítjì xi̱ta̱ xi ya̱ itjokàjiìnâne ngats’iì tje̱âla̱ xi̱ta̱ xi tjín i̱sò’nde, ngats’iì ‘én xi tjín i̱sò’nde, ngats’iì na̱xa̱ndá xi tjín, ko̱ ngats’iì nangui xi tjín i̱sò’nde méâne nga ya̱ ki̱chja̱âne i̱t’aà ts’e̱ Nainá. 10 Ko̱ xi̱ta̱xá ítjòn ki’nì ko̱ no̱’miì ki’nì nga ma si̱ìkitasònâla̱ Nainá, koa̱ jñà ko̱tìxoma i̱ i̱t’aà nangui. 11 K’e̱ nga kiskoòtsejèn, ki’nchrè jta̱âla̱ jñà àkja̱le̱ xi kjiìn jchán millón maâne xi nchiseè ya̱ i̱ndiìâla̱ ñánda tíjna xi tíjnasòn íxi̱le̱ nga tíhotíxoma ko̱ ya̱ ñánda títsa̱jna jñà xi títsa̱jnakon ko̱ jñà xi̱ta̱ jchínga. 12 ‘Ãó jchán nchichja̱ nga tsò: Jè Orrè xi kinìk’en, ok’ínâla̱ nga jcha̱xkón nga ts’e̱ yijeâné nga’ñó xi tjín, ko̱ kjoa̱ nchi̱ná ko̱ kjoa̱ chji̱ne̱, ko̱ jè tsjá nga’ñó, ndaà kàtayaxkón, jeya kàtìjna ko̱ ’nga kàtìjna. 13 Ngats’iì xi xó kisindaàâne xi tjín ngajmiì, xi tjín i̱ i̱t’aà nangui ko̱ ya̱ i̱ngui nangui, ko̱ xi tjín i̱jiìn ndáchikon, ki’nchrèâla̱ nga tsò: Jè xi tíjnasòn íxi̱le̱ ko̱ Orrè, ’nga kàtìtsa̱jna; kàtayaxkón, jeya kàtìtsa̱jna, kàtas’eâla̱ nga’ñó ni̱ta̱ mé na̱chrjeinâne. 14 Jñà xi ñijòn maâne xi títsa̱jnakon, kitsò: â¡K’oa̱s’ín kàtama! Jñà xi̱ta̱ jchínga xi kaàn ñijòn maâne chincha-xkó’nchi-ñiat’aàâla̱ nga jeya kisìkíjna jè xi tíjnakon ni̱ta̱ mé na̱chrjeinâne.