Apocalipsis 13

1 Kìjtseè jngoaà cho̱ je xi ch’o kji xi itjoâmijìnâjiìnâne ndáchikon xi itoò ma sko̱; te ma nchra̱jáâla̱; jngoò corona i̱tsé tjí’a nga ìjngoò ìjngoò nchra̱jáâla̱; jñà sko̱ tjít’aà ‘ín xi Nainá chja̱jnoâla̱. 2 Jè cho̱ je xi ch’o kji xi ‘a̱n kìjtseè, k’oa̱á kji koni kjoàn xa indo; k’oa̱á kjoàn ndso̱ko̱ koni ts’e̱ cho̱ oso; k’oa̱á kji tso’ba koni tso’ba xa. Jè nga’ñó xi tjínâla̱ jè ye̱, ko̱ jè i̱’ndeâla̱ ñánda tíhotíxoma, ko̱ jè kjo̱tíxomaâla̱ xi ‘ñó tjín, jè cho̱ ts’e̱n kjònga̱tsja. 3 ‘Ãó tse kitiì jngoò sko̱ jè cho̱ je xi ch’o kji; k’oa̱á kji komà koni tsà jye ki̱yá; ta̱nga jè sko̱ xi ‘ñó tse kitiì, kjòndaàâne. Ngats’iì xi̱ta̱ xi tjín nga tíjtsa i̱sò’nde, tà kjòxkónâla̱ kjoa̱ xi komà, ko̱ ya̱á kiìtji̱nguiâla̱ jè cho̱ ts’e̱n. 4 Ngats’iì xi̱ta̱ kijtseèxkón jè ye̱, nga jè ye̱ kitsjaàâla̱ kjo̱tíxoma xi tísíkjeén jè cho̱ ts’e̱n. Jñà xi̱ta̱ ti̱koa̱á kijtseèxkón jè cho̱ je xi ch’o kji. I̱kjoàn kitsò: âTsjìn ìjngoò ìsa̱ koni jè cho̱ je xi ch’o kji; mì yá tjín xi ki̱chìkjoa̱âla̱ nga ska̱ànâko̱. 5 Jè cho̱ ts’e̱n kitjò’ndeéâla̱ nga kiìchja̱ ‘én xi ’nga síkíjna yijoâla̱ nga chja̱jnoâla̱ Nainá. Ti̱koa̱á kits’iì’ndeâla̱ nga ichán jò sá ko̱tìxoma. 6 K’oa̱á s’ín kis’iìn; kiìchja̱jnoâla̱ Nainá, kiìchja̱jnoâla̱ ‘ínâla̱ Nainá ko̱ Ni’ya Tsjeèâla̱, ko̱ kiìchja̱jnoâla̱ jñà xi̱ta̱ xi títsa̱jna ngajmiì. 7 Ti̱koa̱ kitjò’ndeéâla̱ nga kiskaànâko̱ xi̱ta̱âla̱ Nainá skanda kó nga kisìkijneâla̱. I̱kjoàn kits’iìâla̱ kjo̱tíxoma i̱t’aà ts’e̱ ngats’iì tje̱âla̱ xi̱ta̱, ko̱ i̱t’aà ts’e̱ ngats’iì na̱xa̱ndá xi tjín, ko̱ i̱t’aà ts’e̱ ngats’iì xi̱ta̱ xi chja̱ ngats’iì ‘én xi tjín, ko̱ i̱t’aà ts’e̱ xi̱ta̱ xi tjín nga ìjngoò ìjngoò nangui xi tjín i̱sò’nde. 8 Ngats’iì xi̱ta̱ xi tjín nga tíjtsa i̱sò’nde, jè cho̱ ts’e̱n skoe̱xkón, jñà ngats’iì xi̱ta̱ xi mìkiì tjít’aà ‘ínâla̱ nga ti̱sa̱ tàts’enâla̱ kjoa̱, jè xo̱jo̱n xi ts’e̱ kjoa̱binachon xi ts’e̱ Orrèâla̱ Nainá xi k’en ngajoâla̱ xi̱ta̱. 9 Ndaà ti̱ná’yaà koni xanânò. 10 Jè xi nda̱yá kji̱s’en, k’oa̱á s’ín tjínèâla̱ nga nda̱yá kjoi̱. Jè xi ki̱cha̱ ndojò ki̱yáâne, k’oa̱á s’ín tjínèâla̱ nga ki̱cha̱ ndojò ki̱yáâne. I̱í mochjeén nga kixi̱ kítsa̱jna kjit’aà ko̱ nga ki̱chìkjoa̱ko̱âla̱ kjo̱’in jñà xi̱ta̱âla̱ Nainá. 11 Xi komà i̱skan kìjtseè ìjngoaà cho̱ je xi ch’o kji xi itjo mijìnâne i̱jiìn nangui. Jò ma nchra̱jáâla̱ xi k’oa̱ kjoàn koni nchra̱jáâla̱ orrè. K’oa̱á s’ín chja̱ koni jngoò ye̱ xi ‘ñó je kji. 12 K’oa̱á s’ín tjínâla̱ kjo̱tíxoma koni jè cho̱ je xi ch’o kji xi tíjna ítjòn nga ya̱ síjna nguixko̱n. Bínèâla̱ xi̱ta̱ xi tjín i̱sò’nde nga kàteèxkón jè cho̱ je xi ch’o kji xi tíjna ítjòn, jè xi kjòndaàâne ñánda ‘ñó tse kitiì jngoò sko̱. 13 Ti̱koa̱á maáâla̱ kis’iìn kjo̱xkón xi ‘in tjín. Skanda maáâla̱ kisìkjinchrobàâjen ni’ín xi ngajmiì nchrobáâne skanda i̱t’aà nangui nga nguixko̱n xi̱ta̱. 14 Kiskoòna̱cha̱nâla̱ xi̱ta̱ xi tjín i̱sò’nde, koií kjoa̱âla̱ jñà kjo̱xkón xi kits’iì’ndeâla̱ nga kis’iìn nguixko̱n cho̱ je xi ch’o kji xi tíjna ítjòn. Tsibít’inâla̱ xi̱ta̱ nga kàtíndaà jngoò xkósònâla̱ jè cho̱ xi tíjna ítjòn xi ki̱cha̱ ndojò kitiìâne sko̱ ta̱nga jaáyaâla̱. 15 Jè cho̱ xi maâne jò kits’iìâla̱ nga’ñó nga kisìkíjnakon jè xkósònâla̱ cho̱ xi kisindaà, méâne nga ko̱ma ki̱chja̱âne ko̱ ngats’iì xi̱ta̱ xi mìkiì skoe̱xkón si̱ìk’enâne. 16 K’oa̱á s’ín tsibínèâla̱ nga kàtasit’aà chi̱ba̱âla̱ jñà xi xi̱ta̱ i̱xti, jñà xi̱ta̱ jchínga, jñà xi̱ta̱ nchi̱ná ko̱ jñà xi̱ta̱ i̱ma̱, jñà xi̱ta̱ xi títsa̱jnandei̱í ko̱ xi chi̱’nda títsa̱jna’ñó. Ya̱á kàtasit’aà chi̱ba̱âla̱ ya̱ tsja kixi̱ ko̱ tsà ya̱ i̱tjòn tjenâla̱. 17 Ni̱jngoò xi̱ta̱ xi ma ko̱tse tsojmì, ni̱jngoò xi ma ko̱tìjna tsà mìkiì tjít’aà chi̱ba̱âla̱ ko̱ tsà jè ‘ínâla̱ cho̱ mìkiì tjít’aàâla̱ ko̱ tsà mìkiì tjít’aàâla̱ número ts’e̱ ‘ínâla̱ cho̱. 18 I̱jndé mochjeén kjoa̱chji̱ne̱âla̱ xi̱ta̱; jè xi ndaà machi̱yaâla̱, kàtíxke̱ya númeroâla̱ cho̱ je xi ch’o kji; ts’e̱ xi̱ta̱âné. Jè número: joòn sìndo̱ ko̱ jàn kaàn ko̱ joòn.