Apocalipsis 12

1 Ján ngajmiì tsatsejèn jngoò kjo̱xkón. Jngoò chjo̱ón ki’yaâla̱; jè ts’oí xi ma nikjeâla̱. Jè sá ya̱á tíjna i̱ngui ndso̱ko̱, ko̱ jngoò corona tjí’a sko̱ xi tejò ni’ño tjít’aà. 2 Jè chjo̱ón, ki’ndí ‘ya. ‘Ãó jchán kjindáya nga jye machrañà nga jts’ín ki’ndíâla̱; tseé kjo̱’in tísíkjeiín nga jye ijchò chi̱ba̱âla̱ nga jts’ín ki’ndíâla̱. 3 Ján ngajmiì ìjngoò kjo̱xkón tsatsejèn. Jngoò ye̱ xi ‘ñó je kji tsatsejèn. Inì kji, itoò ma sko̱, ko̱ jngoò corona i̱tsé tjí’a nga jngoò ìjngoò sko̱. Ti̱koa̱á te ma nchra̱jáâla̱. 4 Jè nditsin ye̱, jngoò ya ni’ño tsibíndofe xi maâne jàn ya ngats’iì ni’ño xi tjín ngajmiì, i̱kjoàn tsibítsjot’aà nangui. Jè ye̱ je, tsasìjnat’aàâla̱ jè chjo̱ón xi tí’beé ki’ndí méâne nga ski̱ne̱âne ki’ndíâla̱ k’e̱ nga jye jts’ín. 5 Jè chjo̱ón, tsi’beé jngoò ki’ndí x’i̱n nga jè ko̱tìxomaâla̱ ngats’iì na̱xa̱ndá xi tjín i̱sò’nde koni jngoò xi̱ta̱ xi yá ki̱cha̱ kjiya tsja nga ki̱ìnèâla̱ kjo̱’in xi̱ta̱ xi mìkiì ’nchréñijonâla̱. Ta̱nga jè ki’ndíâla̱ chjo̱ón, kitjá’anâla̱; ya̱á kiìko̱ ñánda tíjna Nainá nga tíhotíxoma. 6 Jè chjo̱ón, tsangaâné. Ján kiì i̱’nde i̱t’aà xìn ñánda nangui kixì choòn, ñánda nga Nainá tsibíjnandaà jngoòâla̱ i̱’nde nga ya̱ katjiìâla̱ tsojmì xi ski̱ne̱. Jngoò jmiì ko̱ jò sìndo̱ ko̱ jànâkaàn na̱chrjein kíjna. 7 Xi jye komà i̱skan, ján ngajmiì kis’e kjo̱jchán. Jè àkja̱le̱ Miguel ko̱ àkja̱le̱âla̱ kiskaànâkjoòko̱ jè ye̱ je. Ko̱ jè ye̱ je, ko̱ àkja̱le̱âla̱ na̱s’ín ‘ñó kiskaànâkjoò, 8 ta̱nga mìkiì kisìkijneâla̱, ko̱ mì ti̱ mé i̱’nde kis’eâla̱ ján ngajmiì. 9 K’oa̱á s’ín komà nga itjokàjiìn ngajmiì jè ye̱ jchínga xi ‘mì Xi̱ta̱ Nei̱í ko̱ xi ‘mì Satanás xi kona̱cha̱nâla̱ ngats’iì xi̱ta̱ i̱sò’nde. Kinìkatje̱ngui ya̱ i̱t’aà nangui ko̱ àkja̱le̱âla̱. 10 Ki’nchrè jngoòâla̱ jta̱ ján ngajmiì xi ‘ñó kiìchja̱ xi tsò: âI̱’ndei̱ jyeé ijchò na̱chrjein nga ki̱tjokàjiìn kjo̱’in xi̱ta̱ xinguia̱á nga ko̱ nga’ñóâla̱ Nainá nga jè ko̱tìxoma ko̱ kjo̱tíxoma xi tjínâla̱ Cristo [xi Nainá xó kisìkasénâne], koií kjoa̱âla̱ nga jye kànìkatje̱ngui jè xi ko̱ na̱chrjein ko̱ ni̱tje̱n tsját’in ‘én ndiso xi̱ta̱ xinguia̱á nga nguixko̱n Nainá. 11 Jñà xi̱ta̱ xinguia̱á, nga nguì ko̱ó nga’ñó xi tjínâla̱ jní xi tsibíxteèn jè Orrè kisìkijneâla̱ ko̱ nguì ko̱ó jñà ‘én xi kitsjaà i̱t’aà ts’e̱ Nainá. Mìkiì kitsakjònâla̱ na̱s’ín kinìk’en. 12 Tsja kàtas’eâla̱ ngajmiì ko̱ jñà xi ya̱ títsa̱jna. Ta̱nga i̱ma̱ xóânò jñò xi ya̱ titsa̱jnaà i̱t’aà nangui ko̱ xi titsa̱jnaà ya̱ i̱jiìn ndáchikon nga jè xi̱ta̱ nei̱í jyeé ijchòjenâtji̱nguiânò ko̱ ‘ñó jti tjínâla̱ nga jyeé tíjiìnâla̱ nga ta chiba na̱chrjein kíjnaâìsa. 13 Jè ye̱ xi ‘ñó je kji, k’e̱ nga kinìkatje̱ngui i̱t’aà nangui, tsangatji̱nguiâla̱ jè chjo̱ón xi tsi’beé ki’ndí x’i̱n. 14 Ta̱nga jè chjo̱ón, jò jnga̱á ts’e̱ ja̱ kits’iìâla̱ xi ‘ñó iì kjoàn méâne ko̱ma tótje̱nâne nga ko̱ngaâla̱ jè ye̱ xi je kji. Ján kiì kíjna ya̱ i̱’nde i̱t’aà xìn ñánda nangui kixì choòn. Jàn nó osen kíjna nga ko̱kinda̱ nga tjoéâla̱ tsojmì xi ski̱ne̱. 15 Jè ye̱ xi je kji, tsachrje nandá tso’ba nga ndána̱ ko̱ma méâne nga ko̱ma ki̱chrjoako̱âne jè chjo̱ón. 16 Ta̱nga jè nangui kisìchját’aàâla̱ jè chjo̱ón; kitáx’a̱, kits’iì ndána̱ xi jè ye̱ tsachrje tso’ba. 17 Jè ye̱ ìsa̱á ‘ñó kjòjtikeè jè chjo̱ón. Kiì tji̱ngui kondra̱âla̱ jñà xi̱ta̱ tje̱âla̱ chjo̱ón nga kiìkjaánâko̱ jñà xi síkitasòn kjo̱tíxomaâla̱ Nainá ko̱ jñà xi ndaà tsjá ‘én i̱t’aà ts’e̱ Cristo. 18 Jè ye̱, ya̱á tsibìjnajiìn tsomì xi ’ncha i̱ndiì ndáchikon.